MATTHAI 6:1 - PATHIAN LEKHABU THIANGTHO (BSI)

¹ La thilpha hi’teu mihing mit mu ah kilang ding bep hilo dingin chingthei un; chutilochun, la Pau van ah um kiang ah chun kipakman ding nei pua’n lau.

MATTHAI 6:1 ပူးပေါင်းရင်းမြစ်များ

2 LENGTE 10:16

Ama chun, “Ei zui inla, Lalpa â ding ah ka phatchuamngai dan tak hi hun en in,” a tia. Tichun a kângtalai ah chun a chuansak tai.

2 LENGTE 10:31

Himaleh, Jehu in a lungthim zosia ah, Lalpa, Israel Pathian dante chu zui dingin a pilvâng pua’n; Jeroboam gitlona, Israelte puk sekna chu a kiheisan diak puai.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

EZEKIEL 33:31

Mipite chu hung khawm in, la kiang in la mipite a hung chukhawm un, la thugente chu a ngai un, himaleh, a zawm diak puau hi. A kam un pâkcha maleu, a lungthim un vang amau lawkna ding bep a ngaituau hi.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

ZEKARIAH 13:4

Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

ZEKARIAH 7:5

Gam sung ah mizosia leh thiampute kiang in: “Zia kum sawm sagi zet sung ah tha nga’na leh tha sagi’na ah an la ngawl ua, sûnna la bawl sek uh kha, keima â ding mawng ah anngawl la hiu ah a hem?

MATTHAI 16:27

Mihing Chapa hi a vansawlchâkte tawh, Pa lopina kithuam ah a hung tak leh, mitin in a nasep dungzui chiat un hun dit kit ding ahi.

MATTHAI 16:6

Jesu’n a kiang un, Pharisaite leh Sadukaite thawi lak in kivêng un, a tia.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 23:5

A thil hi’ taphotteu chu mihing mit mu dingin a hi’sek un, a thilbuu leh a dialkopteu chu a hi’lian un, a puanâk mongteu chu a hi’pawm ui.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

MATTHAI 5:16

Zia gual ma chun, la vâk uh chu mite mit mu in vâk ta hen; tichun, la thil hi’phatteu chu mu’n, van ah la pau chu chawihoi thei in au.

MATTHAI 5:46

Nang uh hun hepite bep la hepiu chun, kipakman bang a hem la mu ding uh? Sedawl mite’n le zia gual ma chun a bawl tho puau em?

MATTHAI 5:48

Tichun, la Pau van ah um a phat bukim gual in nang uh le pha bukim in um un.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:9

Zia hi la pauchap dan ding uh chu ahi: “Ka Pau van ah um, la min ja in um hen la,

MARKA 8:15

Ama chun a kiang un, “Pharisaite thawi leh Herod thawi lak in kivêng unla, chingthei un,” a tia.

LUKA 11:35

Ziakziakchun, nangma ah vâk chu thim a hilona dingin chingthei un.

LUKA 12:1

Zia nung ah chun mipi sim sên lo ding hial tam tak hung khawm in, a kiphu mên mûn ziang tau ah; a nungzuite kiang ah chun: Pharisaite phatlêmna thawi lak ah chun chingthei un.

LUKA 12:15

Chuleh, Jesu chun, a kiang un, “Chingthei un! Huaihapna lak ah chun kiveng un! Nei leh lam leh thil hauna mai hi mihing dampi pen ahi puai,” a tia.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

JOHAN 12:43

Pathian pakchakna sâng in mihing pâkchâkna a hawl zaw ngal un.

JOHAN 5:44

Pathian bep ah pâkchâkna hawl ding ahi dan helo in, nangmau kipâkchâkna mai la hawl ua leh, bangti’n gingcha thei ding la hiu em?

NASEPTE 3:12

Peter in zia chu a mu phât in, mipite kiang ah chun thu a hun gen ah, nanghaw, Israel mite haw, bangatia zia hi lamdang sa leh keimau thilhitheina a hem, thianthona ziak a hem ah lam ka zawtsak gual ua chuti etnop ziang la hiu em?

GALATIA 6:12

Taksa lam kilawmsak nuam mite’n zektan dingin a hun phût sek un; bangma dang ziak ahi puai, Khrista kros ziak ah a thoklona ding un ahi.

DAN LEKHABU 24:13

A hun maljawl theina ding leh Lalpa la Pathian ah la min phatna a hung hitheina dingin, thilpiak chu jan ah a silman tei tei na dingin, nitum ma ngei ngei ah la piak kit ding ahi.

HEBRAITE 11:26

Khrista a musitnau chu Aigupta ah gote sâng in hausakna thupi zaw’n a ngai ah, kipakman mu ding chu a thîl ziakin.

HEBRAITE 2:1

Ziaziakchun, nakhang ah I thu hiatteu kha I ngaikhawk zaw diak ding uh ahi; chutilochun, kitawlmang san kha tawl hitiu.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

2 JOHAN 1:8

I sepna ziak uh chu mansua lo ah, kipakman kim chu la mutheina ding un kivêng phau in.