MATTHAI 5:9 - PATHIAN LEKHABU THIANGTHO (BSI)

⁹ Chamna siamte chu mi hampha a hiu; Pathian cha ah sak in um ding ahi ngal un.

MATTHAI 5:9 ပူးပေါင်းရင်းမြစ်များ

1 KHANGTHU 12:17

amau lamtua dingin David a vachia ah, a kiang un, “Kei lamah pang ah, ei panpi ding ah hung la hiu leh, ka lungthim zosia’n hun pom ziang ing ka tin; himaleh, ka mêlmate kiang ah ei zuak dingah hung la hiu leh vang, la chung un ka khut tha lo malengle, I pu leh pateu Pathian chun hun muchian hen la, vaihawm ta hen,” ti’n a gen a.

SAM 120:6

Chamna dawilote lak in, ka la chêng sawt na lawm lawm e!

SAM 34:12

Damsawt nuam a, a damsung ah, thilpha mu zing nuam chu kua a hem?

MATTHAI 5:45

la Pau van ah mi chate la hi’theina ding un; ama chun migilote leh miphate chung ah chun ni a suak sak gêl ah, mi dik leh dik lo chung ah le gua a zuksak sek hi.

MATTHAI 5:48

Tichun, la Pau van ah um a phat bukim gual in nang uh le pha bukim in um un.

LUKA 20:36

Thi le thithei ta pua’n tiu in, vansawlchâkte tawh kibang in um ta’n tiu in, thawkitna chate a hiziak un Pathian chate hita’n au.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

NASEPTE 7:26

A jing in a lak ua khenkhat a kinial lai tak un a vachia ah, a kilem theina ding un, gualte haw, suapi khat la hiu hi; bangatia dik lo tak ah kibawl la hiu em? a vatia.

ROMTE 12:18

A thei lai sia nangmau chung ah kinga ahi chun, mi zosia tawh kicham in um un.

ROMTE 8:14

Pathian Thagau pui ah um tapote chu Pathian chate ahi ngal un.

ROMTE 8:16

Thagau ngei chun eimau thagau tawh kizom in Pathian chate I hitau hi ti ei hiatsak hi;

ROMTE 8:19

Thilsiam zosia chun kinem tak in Pathian chate kilatna ding chu a ngakla ma ma tangal un;

1 KORINTH 6:6

Himaleh, suapi pakhat in a suapi chu vaihawmna ma’ tut in, ginglote kiang hinalai lo a hem?

2 KORINTH 13:11

A kichaina dingin, suapite haw, mangpha! Kisutûp unla, lungmuang tak in um un; lungthim munkhat puu inla; kicham dial dial in um un; hepina leh chamna Pathian chu la kiang un um zing in a.

2 KORINTH 5:20

Pathian in keimau mang ah a hun chial ziakin, Khrista palai chu ka hitau hi; ziaziakchun, Khrista thasâng in ka hun don la hiu: Pathian tawh kicham tau in.

GALATIA 5:22

Himaleh, Thagau ga chu, hepina, kipakna, chamna, dawtheina, nunnemna, phatna, ginumna,

EPHESA 4:1

Chutichun, keima, Lalpa ah suangkul ngâk hin, a kona tawh kiphutawk ah um ding leh,

PHILIPPI 4:2

Lalpa ah chun lungthim kituak tak ah um dingin, Euodi ka ni ah, Sintuki le ka ni ahi.

KOLOSSA 3:13

kidaw zo tua chiat in, kua’nle mi chung ah thubuai nei taleu chin, kingaidam tua unla; Lalpa‘n a ngaidam gual in kingaidam tau in.

HEBRAITE 12:14

Mi zosia tawh kichamna leh thianthona chu del un, zia longal ah chun kuama’n Lalpa mu pua’n a.