MATTHAI 5:7 - PATHIAN LEKHABU THIANGTHO (BSI)

⁷ Mi jangai theite chu mi hampha a hiu; khawtua’na mu ding ahi ngal un.

MATTHAI 5:7 ပူးပေါင်းရင်းမြစ်များ

2 SAMUEL 17:28

jalkhun, kuang, lei bêl, gehu, barli, sa, bu kikang gam, be leh havai ga te,

2 SAMUEL 22:26

Mi ginumte kiang ah la ginumna la latsak in, mi demkailote kiang in la demkai lona la latsak hi;

SAM 112:4

Mi dikte â ding ah vâk hi dingin, thim lak ah kipat in a hung suakdok a; amau chu mi lungsiat thiam, jainem leh dik a hiu.

SAM 112:9

Huangphal tak in a hawm jak un, gentheite kiang in a piau a; a diknau chun kumtuang dai in a; a lopinau chu ja’um tak ah choisa’n in um in a.

SAM 18:25

Mi ginumte kiang ah chun la ginumna la tâklang sek a; demna beite kiang ah chun demna bei la hi’na la sulang sek in;

SAM 37:26

Huangphal tak in a piau in, a thunglâksak un; a suanteu le maljawlna a hisek ui.

THUPILTE 11:17

Mi khawtua thiam chun ama â ding ah thilpha a kibawl ahi; ahi’n, mi êngsia vang chun ama â ding ah siatna a kibawl ahi.

THUPILTE 11:25

Mi huangphal chu hihausak in um intin; midang tui petu chu tui piak in um in a.

THUPILTE 14:21

Kuale a Invêng musit chu thilhikhial ahi’n; migenthei somdawltu chu mi vangpha ahi.

THUPILTE 19:17

Migenthei somdawl chun Lalpa thunglâksak ahi’n; ama’n dit kit sik sek in a.

ISAI 57:1

Midik chu a mangthai in, ahi’n, kuama’n a ngaisak puau in; mi kipumpiakte chu pui mang in a um un, kuama’n a hethiam puau hi. Midik chu siatna hung tung ding ah kipat in, lâk mang in a um un; zia chu kuama’n a hethiam puau in;

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

HOSEA 1:6

Amanu’n nau a vop kit ah, chanu khat a hing ta’n. Ziaphat ah chun, Pathian in a kiang in, “A min in Lo-ruhamah a sa’n; Israel Inkuan chung ah lainatna’n le ngaidam ta pua’ng ka tin,

HOSEA 2:1

La suapipa kiang in, Ammi ti’n la; chuleh, la suapinu kiang in, Ruhamah tiu in.

HOSEA 2:23

chuleh, kei â dingin ama chu gam ah kitû ta’ng ka tin; Lo-ruhamah chu lainat ta’ng ka tin, Lo-ammi kiang in, “Nang ka mi la hi,” ti ta’ng ka. Ama’nle ka kiang in, “Ka Pathian la hi,” ei ti ta’n a.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MARKA 11:25

Chuleh, pauchap ding ah la din tak ua leh, mi ngaidam ding la nei ua leh ngaidam phot un; zia tak chuleh la Pau van ah um chun nang uh hi’khialna le ngaidam ding ahi.

LUKA 6:35

Himaleh, la mêlmateu hepiu inla, a phatna ding uh bawl un, mu ding kinem lo hial in thunglâksak un; tichun la kipakman ding uh chu thupi intin, Chungnung penpa chate hiding la hiu; ama chu kipakna châng helote leh mi nunsiate chung inle a jangai thei ma ma ngal a.

ROMTE 11:30

Nidang lai ah khan Pathian ginglote la la hiu a, tu’hin amau ginlona ziakin a jangaina chu la chang thei tau ahi.

1 KORINTH 7:25

Tu’hin, nungak thiangthote chungchâng in Lalpa thupiak him ka nei puai; ahi’n, muan um ding ah Lalpa‘n hepina ei piak ziakin ka ngaidan gen ing ka.

2 KORINTH 4:1

Pathian hepina ziak ah zia nasepna hi ka nei ziak un ka lungthuai puau hi.

EPHESA 4:32

Chuleh, kihepi tua ah, kilainatna nei in um unla, Pathian in Khrista ah a hun ngaidam gual in kingaidam tua tau in.

KOLOSSA 3:12

Chutichun, Pathian mi têl, mithiangtho leh doitakte gual in lainatna lungthimte, hepinate, kingaitawmnate, thunuaigolnate leh thok-hatnate chun kivan tau in;

1 TIMOTHI 1:13

Tu’ma khan Pathian gensepa, a hi’gentheipa leh a hi’liampa a la hitama leng, ginglo pum ah ka la hetlo ziak, ahiziak in jangaina chu ka mu ahi.

1 TIMOTHI 1:16

Himaleh, ziaziak tak ah chun ahi jangaina chu ka mu; chutia, a gilo pen keima ah Jesu Khrista dawtheina kim latsak ah um chu, tu’nung ah ama hun gingte chun, kumtuang hinna a mu ding uh chu etsakna hiding in.

HEBRAITE 4:16

Ziaziakchun, hepina chu I chan theina ding uh leh panpi I ngai hun ua panpina chu dong ah, lungsiatna I mutheina ding un, jangaina lalchutpha chu hangsan tak in nai hitiu.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

JAKOB 3:17

Chung lam ah kipat pilna hung suk chu vang, a masa’n a thiangtho ah, kicham a nuam ah, a nunnem ah, a thunung thei ah, hepina leh ga pha’n a dim ah, doichuamna leh dawha him him panglo ahi.

1 PETER 2:10

“Malai khan nam la hi puau ah, tu’hin vang Pathian namte la hitau hi; malai khan jangaina la mu puau ah, tu’hin vang jangaina la mu tau hi”.