MATTHAI 5:6 - PATHIAN LEKHABU THIANGTHO (BSI)

⁶ Dikna ngai ah gilkial leh dangchâkte chu mi hampha a hiu; Tai leh niansak ah um ding ahi ngal un.

MATTHAI 5:6 ပူးပေါင်းရင်းမြစ်များ

SAM 107:9

Ama’n dangchâkte a hino ah, gilkial taphot chu thilpha’n a hitai sek ngal a.

SAM 145:19

Ama laute lungtup chu a lawtin sek in; a kiko thawm uh hia’n a hukdok sek hi.

SAM 17:15

Ke’n vang, dikna’n la mêl en ing ka tin; nangma kibatpina nei ah ka hung dindaw phat leh, ka lung kim ta’n a.

SAM 63:5

Ka hinna hi luai lopi tak ûm gual in a tai ah, ka kam hin limna mûk in a hun pâk in,

SAM 65:4

La biak In huang sung tual lai ah, um ding ah la têlchuam leh, la ngaisakte chu mi hampha a hiu. La In, la tempul thiangtho phatna ziak ah, hitai in um ing kau.

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

THUPILTE 10:24

Mi nunsiate chun a lau pen uh a tuak sek un; ahi’n, midikte chu a duthusam pen uh piak in a um sek ui.

THUPILTE 21:21

Dikna leh ngilneina delzuite chun, hinna leh jana chang in au.

SOLOMON LÂ 5:1

Ka huan ah ka hung hi, ka suapinu, ka lawmnu; ka murra tawh gimtuite tawh ka lakhawm ah, ka khuaiphâng ah khuaizute ka ne ta’n, ka uain tawh bawngnawi ka dawn tai. Gualte, hepina la kham hial masia ne’n la, dawn in!

ISAI 25:6

Zia tâng ah hin sepai honte Lalpa chun mi zosia â ding ah an tui tak, uain kumlui takte leh, sa leh theng ah kisiam an tui tak leh, uain thiang chîk leh kumlui takte’n, luaithe’na siam ding ahi.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 65:13

Ziaziakchun, Lalpa Pathian in zia gual hin a gen hi: Ngaitia, ka suakte chun vâ tak in ne’n tiu in, ahiziak in, nanghaw vang gilkial in lau; ngaitia, ka suakte’n niang leh tai in dawn intiu in, nanghaw vang dangchâk in lau; ngaitia, ka suakte chu lim leh kipak in um intiu in, nanghaw vang zakcha tak in hung um in lau;

ISAI 66:11

a nawitui chu chêp ah, thamuanna awmtâng ah lungkim tak ah la umtheina ding un; a lopina nasa tak chu chên ah, lungdam tak ah du’tawk ah la chêp theina ding un.

JEREMIAH 31:25

Thachawl zosia hitai ing ka tin, basam zosia le suhal ing ka.

LUKA 1:53

Gilkial chu thilpha’n a hitai in; mihausa chu khutngawn in a sawl mang tai.

LUKA 6:21

Tu ah gilkialte hi mi hampha la hiu, hung vâ ding la hingal un. Tu’hun ah kapte hi mi hampha la hiu, hung nui ding la hingal un,” a tia.

LUKA 6:25

Tu’hun ah vâ leh tai ah umte hi la chung uh a gik hi! Hung gilkial ding la hingal un. Tu’hun ah nuite hi la chung uh a gik hi! Lusûn ah hung kap ding la hingal un.

JOHAN 4:14

himaleh, a kiang ah ka piak ding tui dawn tapo chu, kum khua’n a dangchâk ta pua’n a; keima’n a kiang ua ka piak ding tuinâk chu a sung un um intin, kumtuang hinna tiang in pûtdok in a,” a tia.

JOHAN 6:27

an mangthai ding hawl in sêmgim kiu inla, Mihing chapa’n a hun piak ding, kumtuang ah um zing ding an chu hawl in sêmgim zawu in. Zia ding ah chun Pathian in ama chu a tepte’ tangal a,” a tia.

JOHAN 7:37

Kût pel ding ni, nipi pen ni chun, Jesu chu ding in, a kiko ta’n: Dangchâk taphot chu ka kiang ah hung hen la,

THUPUAN 7:16

gilkial kit ta pua’n tiu in, dangchâk kit diak ta pua’n au; nisa’n kâng ta pua’n tin, a satna’n le hi’genthei ta pua’n a;