MATTHAI 5:44 - PATHIAN LEKHABU THIANGTHO (BSI)

⁴⁴ Kei vang in ka hil la hiu, La mêlmateu hepiu inla, a sugentheite chu pauchap piak un;

MATTHAI 5:44 ပူးပေါင်းရင်းမြစ်များ

2 LENGTE 6:22

Ama’n a dawnhu a, “Hilo e! La tha guatte haw chu la chemjam leh la thal ah la matsau hilo a hem? A nêk diu leh a dawn ding uh an leh tui a ma-âng un lui piak unla; a lengpau kiang in chiasak kit tau in,” a tia.

SAM 7:4

ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

THUPILTE 19:11

Lunggêl thei mi chu a lungna vak pua hen, mi phatlona kihiatmawsak chu a lopinau ahi.

LUKA 23:34

Jesu’n, “He pa, amau hi ngaidam in, a thilhiu a het lo ziak uh ahi,” a tia. Âisân in a puante chu a kihawm tau a.

JOHAN 13:34

Thupiak thak ka piak la hiu, kihepiu inla, keima’n nanghaw ka hepi gual hin nanghaw le kihepiu in.

NASEPTE 16:28

Himaleh, Paul chu aw ngai tak in a hung kiko ah, “Bangma kilaw kin, ka leng un zia hin ka um nau hi,” a hun tia.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

ROMTE 12:14

Nangmau hun sugentheite chu maljawl unla, hânsia law kiu in.

1 THESSALONITE 5:15

Kuama’n gitlo chu gitlo ma’n thuk ki’un; khat leh khat chung leh mi zosia chung in thilpha kihi piak tua un.

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

1 SAMUEL 24:17

David kiang ah chun, “Kei sâng in nang la dik zaw ma ma hi; keima’n phalo tak ah hun bawl ka guat lai inle nang in thilpha’n lei dit hi.