MATTHAI 5:3 - PATHIAN LEKHABU THIANGTHO (BSI)

³ Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 5:3 ပူးပေါင်းရင်းမြစ်များ

2 KHANGTHU 33:12

Lungngaina huaisia tak a tuak phatin, a pu leh pate Pathian, Lalpa kiang ah kingainiam tak in a doisakna a don tai.

2 KHANGTHU 33:19

A pauchapna, Pathian in a thildot a dawnhu dan, a gitlona zosia leh a ginum lo dante, a thoimual siamna munte, dawikhuam a bawlte leh a milim siamte leh a kingainiam ma’ a thilbawl zosia chu, thiamgau in a thil tepte’na lekhabu chun a la zik lut suak ta ahi.

2 KHANGTHU 33:23

A pa Manasseh a la kingainiam gual ah umlo in, Amon chu Lalpa âng in a kingainiam nuam pua’n; zia Amon hin vang thil a bawlsual lian zaw deu deu hi.

2 KHANGTHU 34:27

zia mun thu leh a sung ah chêngte chung thu kigen haw la het ah, Pathian âng ah kisik leh kingainiam tak ah la umna ziakin, ka ma-âng ah la puante botthêk ah, la hung kâ tâk ziakin, ke’nle la ni’na chu ka la ngaitha tai, Lalpa‘n a tii.

2 KHANGTHU 7:14

ka min pu ka mipite a hung kingaitawm ua, a hung pauchap ua, ka mêl a hun hawl ua, a nun siatnau lampi a hun kiheisan phat ua leh, van ah kipat hun ngaitha’ng ka tin, a gitlonateu ngaidam in, a gam uh hi’dam kit ding ka hi.

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

SAM 1:1

Mi nunsiate thuhilna zui ngai lo a, mi nunsiate lampi’le ding ngai lo a, mi musitte chutpha’le kichu ngailote chu mi hampha a hiu;

SAM 112:1

Lalpa chu pâk un! Lalpa laute chu a nau a vak hi; a thupiakte ah nasa tak ah kipak mite chu.

SAM 128:1

Lalpa lau ah, a lampi hawte chu a nau a vâk hi.

SAM 146:5

Jakob Pathian in a panpite chu mi hampha a hiu; Lalpa a Pathian ua kinepna nei mite ngei chu;

SAM 2:12

a keng hung chawp tau in; a chutiloleh, lungna’n tin, lam kâl ah mangthai kha’n lau; a lungnatna chu kuangjak pai ziang ahi ngal ah. Ama bêl zosia chu a hamphau hi.

SAM 34:18

Lalpa‘n lungthim ah kisik ngawi ngawite chu a nai sek in, kinepna neilote chu a hukdok hi.

SAM 41:1

Mi genthei kaituate chu mi hampha a hiu; a lungjin hun leh Lalpa‘n hukdok in a.

SAM 51:17

Pathian pom tâk ah kithoina chu, gitlona kisîk hi ahi’n; aw Pathian, lunggil kingainiam leh, kisik ngawi ngawi hi musit pua’n la.

SAM 84:12

Aw, sepai honte Lalpa, nangma hun taksang taphot chu mi hampha a hiu.

THUPILTE 16:19

Mi kiletsakte tawh gal lâk thil kihop sâng in, mi chagate tawh lungthim kingaitawm tak ah um khawm a pha zawi.

THUPILTE 29:23

Mi a kiletsakna chun kainiam intin; maleh, kingaitawmna lungthim nei mi chun choisânna mu’n a.

THUPILTE 8:32

Tu’hin chu ka chate haw, ka thugen hi a la ngai un: ka hilna lampi hawte chu mi vangpha a hiu.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

ISAI 61:1

Lalpa‘n sathau ei nu’ tâk ziakin, Lalpa Pathian thagau chu ka chung in a chu ta’n; tawden ah um gentheite kiang ah hukdamna chanchinpha vagen a, lungthimnate sudam ding leh, saltângte zalenna ding phuangdok ding leh, suangkul tângte thâdokna ding thu gen dingin ei sawl ta’n;

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

MIKAH 6:8

Aw mihing, a pha kiti chu a hun hil tai; Lalpa’n nangma a hun phûtna chu, dik tak ah bawl leh lungsiatna ngainat ah, thunuaigol tak ah la Pathian tawh kiton hilo a hem?

MATTHAI 11:25

Ziazaw chun, Jesu’n a pa kiang in, “Aw he Pa, lei leh van Lalpa, mi pilte leh mi thiamte kiang in la thu hi la îm ah, mi mawlte kiang ah la gen zawk ziakin ka kipak hi.

MATTHAI 11:6

Kuale keima chung ah ginlelna neilo chu a vangphai, ti’n hil un,” a tia.

MATTHAI 13:16

Nanghaw mit vang a hampha ahi; la nakhang uh le a hampha ahi, a hiat thei ziakin.

MATTHAI 19:14

Himaleh, Jesu’n a het phat in, “Naupangte kha ka kiang in hung sak unla, a la zada kiu in; van-gam chu zia tawhbang mite â ding chu a hingal in,” a tia.

MATTHAI 24:46

A pu a hung lai tak ah zia gual ah a la bawl a hun mu ding chu a hampha na e!

MATTHAI 25:34

Ziaphat chuleh, Lengpa chun, a changlam ah umte kiang ah chun, hung un, nang haw ka Pa maljawlna changte haw, khawvel siam lim ah kipat nang uh â ding ah siam gam chu lua tau in;

MATTHAI 3:2

“La gitlo uh haisan tau in, van-gam chu a nai tai,” ti in.

MATTHAI 8:11

Ka hil la hiu, sualam leh tumlam ah kipat in mi tam tak hung intiu in, van-gam ah chun Abraham, Isak leh Jakob kiang ah chun an nekhawm intiu in;

MARKA 10:14

Ahi’n, Jesu’n zia chu a mu in a lungdam paw ma ma ah; a nungzuite kiang in, “Naupangte kha ka kiang ah hungsak un la, zada kiu in; Pathian gam chu zia gual mite â ding chu ahi ngal a.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

LUKA 22:29

ka pa’n ei piak gual ah hin, ke’n le nang uh leng gam ka hun pia la hiu;

LUKA 22:30

ka lenggam ah chun, ka dawkan ah an lei nekpi theina ding uh leh, Israel nam sawm leh nite vaihawmna lalchutpha ka kiang ah la hung chut theina ding un, a tia.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 20:29

Jesu’n a kiang in, “Thoma, nang in lei mu ziak ah ei gingcha la hi maw? Mulo ah ei gingte chu mi hampha a hiu,” a tia.

DAN LEKHABU 8:2

A thupiakte zawm ding la hiu em zawm lo ding ti leh, la lungthim uh hetna ding ah patepna la tuak uh leh, la kingaitawm theina ding ua, gamthip ah kum sawmli hial a hun pui dan zosia kha hezing tau in.

JAKOB 1:10

mihausa chu hi’niam ah a um ziakin kipak hen; mi hausa chu loulai ah hampa pâk gual ah mangthai ding ahi ngal in.

JAKOB 1:12

Thepna thuak ham ham mi chu mi hampha ahi. Zia gual mi chun patepna chu a thuakzo ta’n, Lalpa‘n ama hepite â ding ah a tiam, hinna lallukhuk chu chang ding ahi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

THUPUAN 19:9

Ama chun ka kiang in, “Belamno moneina luaithe’na ûm ding ah chialte chu a hamphau hi, ti hi zik in,” ei tia. “Ziate hi Pathian ngei in a gen ahi,” a tia.

THUPUAN 22:14

Hinna thing chung ah thu a neitheina ding uh leh, khawpi kul kotkhak ah a lût theina ding un, a pua’n uh sawp thiangte chu a hamphau hi.

THUPUAN 3:17

Ka hausa hen, nei leh lam ah ka pung hen, bangma ka tasam puai, la ti’n; himaleh, nang michaga, lungsiat um leh migenthei, mitthûm leh ngawnchang la hîdan la kihiat lo ziakin,