MATTHAI 5:29 - PATHIAN LEKHABU THIANGTHO (BSI)

²⁹ La mit changlam in a hun hi’puk ahileh, kheldok inla, pai mang ziang in; taksa bukim ah gawtmun ah chia sâng in, taksa bâk pakhat manthai chu nang â dingin a pha zawi.

MATTHAI 5:29 ပူးပေါင်းရင်းမြစ်များ

JOB LEKHABU 20:13

sêkdok nuam lo in a kam un muam zing maleule,

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MATTHAI 11:6

Kuale keima chung ah ginlelna neilo chu a vangphai, ti’n hil un,” a tia.

MATTHAI 16:26

Min khawvel hi a pum in nei hen la, a hinna chân leh, ama â dingin bang a phachuam diam? Ahiloleh, min a hinna sik in bang a pia diam? a tia.

MATTHAI 17:27

ahi’nla, amau haw hi a lungkimna ding un, nang dil ah vachia’n la, ngakuai vakhai in; sanga la mat masak pen chu a kam keu lechin dangka pani a la um in a; zia chu la’n la, kei leh nang â dingin a kiang un pia’n, a tia.

MATTHAI 19:12

Mitilge, a nuteu gilpi sung ah kipat zia gual ah piang him te chu a um un; mihing khut ah gete le a um ui; van-gam ziak ah kiget kawm le a um ui. Kuale a pom thei in pom mai uh hen, a tia.

MATTHAI 23:15

Nanghaw, lekhazikte leh Pharisai mi phalêmte haw, la chung uh a gik hi! Mi pakhat lâklutna ding bep inle tuisuagiat leh mualkâng la kan tua lum let un; a hung lut phat leh, nangmau chan le’ni gawtmun ah chang dingin la siam sek ua.

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 5:22

Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MATTHAI 5:30

La khut changlam in a hun hi’puk chun, tan tha’n la, pai ziang in; taksa bukim ah gawtmun ah chia sâng in, taksa bâk pakhat bei chu nang â dingin a pha zawi.

MARKA 8:36

Min khawvel hi a pum in nei hen la, a hinna chân taleh, ama â dingin bang a phachuam diam?

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

ROMTE 6:6

I gitlonau taksa hi suksiat ah a um ah, gitlona suak ah I um tâk lona ding un, I mihing lui uh hi ama tawh khetden in a um tai ti I hiau hi.

ROMTE 8:13

Taksa dan ah la um zing uh chun thi ngei ding la hiu; himaleh, Thagau ah chun taksa thilhi’te la thâ zing ua leh vang hing in lau.

1 KORINTH 9:27

himaleh, midangte kiang ah ka tângkopi nung ah paithâk ah ka um lona ding in, ka taksa hi sawizoi in ka thunun sek ahi.

GALATIA 5:24

Chun, Khrista Jesu ah um te chun taksa chu a thil phalo ngaituanate tawh a nopnate pum in a khênden tau hi.

KOLOSSA 3:5

Chutichun, la taksau ah leilam thil doina umte hi that un: Tatsualnate, buaknate, huknate, nopna phalote, papnate, (papna chu milim hona ahi.)