MATTHAI 5:22 - PATHIAN LEKHABU THIANGTHO (BSI)

²² Himaleh, ke’n vang, kuale a unau chung ah lungna tapo chu vaihawmna â dingin lauthawn um tak in um intin; chuleh, kua’n le a unau kiang ah, “Raka, Panna bei” ti tapo chu vaihawmte vaihawm piak lauthawn um tak in um intin; chuleh, a unau kiang ah, “More, Mingol” ti tapo chule vaihawm piak lauthaw’n um tak in um in a, ti ka hil la hiu.

MATTHAI 5:22 ပူးပေါင်းရင်းမြစ်များ

THILSIAM THU 37:4

Chun, a pau chun ama chu a ute zosia sâng in a hepi zawi ti a u te’n a he tau ah; ama chu a muda ma ma ziang tau ah: pau pha’nle a ho nuam ta puau hi.

THILSIAM THU 37:8

Chun, a u te chun a kiang in, “Nang cha hin maw ka chung ua vai la hawm ding? Nang tawhbang cha hin maw ka chung ua thu la nei ding?” a tiu a.

2 SAMUEL 16:7

Shimei chun, “Chia mang in, chiamang in, tualthatpa, mi dukdak lo!

2 SAMUEL 6:20

David chu a In sung mite malzawl dingin a hung kit ah. Himaleh, Saul chanu Mikhal chu David lamtua dingin a hung pawt ah, a kiang in, “Tu’ni hin Israelte lengpa chu a lopi na e! A suak numeite lak ah mi zakmaw, mi manlote gual in ngawnchang in la hung um ziang lawm lawm ah!” a tia.

1 LENGTE 21:4

Jezreel mi Naboth in, “Ka pu leh pate go ei nutsia hi hun pe pua’ng ka,” a ti ziak chun, Lengpa Ahab chu lungawi lo tak leh ngui tak in In lam in a chia tai.

2 KHANGTHU 16:10

Ziaphatchun, Asa chu thiamgau chung in a lungna ma ma ta’n, kol busak in suangkul in a khum tai; a thugen ziak ah a lungnat man ah zia gual ah chu a bawl ahi. Zia hun ah chun Asa in mi dang dangte le a sugenthei ma ma hi.

2 KHANGTHU 19:5

Judai gam ah khawpi kul nei zosia ah vaihawm dingte a guat chiat ah; amau chun a umnau khawpi chiat ah maw a puau a;

NEHEMIAH 5:8

a kiang un: “Namdangte kiang ah zok mang ah a la um ta, I Judah chanpiteu chu I la tandok tau a; tu’hin, nanghaw’n I unauteu chu I tatdaw kit ding un a la zok mang gaw nalai la hiu maw?” ka ti’n. Tichun, a gen ding uh he lo in a thip chil chel tau hi.

SAM 109:3

Huatna thu ngen in ei ûm kîmvêl un, a ziak bei in ei do ui.

SAM 14:1

Mingol chun a lungthim un, “Pathian a um puai,” a tiu in. A sia zo tau a, huat um takte a bawl un; khat chale thilpha bawl a um ta puau hi.

SAM 25:3

Nangma ngâk zosia kuama mualphosak kin; lepchia tak ah tawite chu vang mualphosak zaw’n.

SAM 35:19

Ka mêlmate’n diklo tak in ei ki-uankhum kiu hen la; a ziak bei ah ei mudate’nle ei ensâl diak kiu hen.

SAM 37:8

Lungnat kisûm inla, thangtawmna haisan in. Kihilungngai kin, zia chu siatna bul ahi.

SAM 49:10

Mipil I vak et leh a thi tho un; mingol leh mimawlte le a thi gêl ui, a hausaknau mi dangte â dingin a nusiau hi.

SAM 69:4

A ziak bei ah ei mudate chu, ka luchang ah ka samzang sâng hinle a tam zaw hial ui; ei hi’mangthai gua, diklo tak ah ei hêk ka mêlmate chu a tam ma mau hi. Ka gûk lo pi chu bang ding ah dit ding ka hem?

SAM 7:4

ka gualpha thil phalo ah thuk ka la hi ah; ahiloleh, a ziak bei ah ka mêlma siatna ding bawl ka la hi chun,

SAM 92:6

Zia chu mimawl in a hethei pua’n, mingol inle a hechian thei diak puai.

THUPILTE 14:16

Mipil chu chingthei tak in, thil phalo lak ah kipat in a kihem dok sek in; mingolte vang khawni ngailo in a kihan sansak sek ui.

THUPILTE 18:6

Mingol kam ah thu pawt chun kinakna a hung piang sek in; a kam in a thokna ding a kigendaw bep sek hi.

JEREMIAH 17:11

Diklo tak ah hausakna kholkhawmte chu, vavêng ama tui hilo opkeu gual a hiu ah; a khangdawng lai un ama chu nusia intiu in, a tawp phat leh a ngolnau kilang ta’n a.

KÂ LATE 3:52

Ka mêlmate’n a ziak bei in, vacha gual in ei delzui un;

DANIAL 3:13

Tichun, Nebukadnezar lungna talua’n, Sadrak, Meshak leh Abednego chu hun pui lut dingin thu a pia’; tichun, ziate chu lengpa kiang in a hun pui lût tau a.

DANIAL 3:19

Ziaphatchun, Nebukadnezar chu Sadrak, Meshak leh Abednegote chung ah lungna talua’n, a mêl a danglam hial ziang ta’n. Meipi chu ale’sagi ah tik sa zaw dingin thu a pia’n;

OBADIAH 1:10

La suapi Jakob la tha’na leh, a chung ah thagum la sua’na ziakin, zachâtna’n hun chup intin, kumkhua paithâk in um ta’n la.

OBADIAH 1:12

La suapipa vangsiat ni ah chun eulau kin la; Judah mipite’n siatna a tuak niu in, kipak diak kin; a buainau hun ah chun, kisathei tak in um kin.

MATTHAI 10:17

Himaleh, mihing lak ah chun chingthei un; vaihawmte hun matsak intiu in, kikhopna In ah te hun vua’n tiu in;

MATTHAI 10:28

Taksa bep thatthei, thagau that theilo chu lau kiu inla; taksa leh thagau susia thei ah, gawt mun ah koithei nalai chu lau zawu in.

MATTHAI 12:24

Himaleh, zia thu chu Pharisaite’n a het phat un, “Ziapa hin thithate hotu, Belzebul min in zia thithate hi a nawdaw ahi,” a tiu a.

MATTHAI 17:5

Zia thu chu a gen lai tak in, sum vâm tak hin amau chu a hun lia ah, zia sûm ah kipat chun awgi a hung pawt a: Zia hi ka Chapa doitak, a chung ah ka kipakna ma ma chu ahi; ama thu hi ngai un, a hun tia.

MATTHAI 18:21

Peter chu a kiang in a hung a, Aleh, Lalpa, ka suapi’n ka chung ah bang jat vei hi’khial leh ka ngaidam diam? Sagivei tiang in ahi diam? a tia.

MATTHAI 18:35

Zia gual ah chun, mitin in la lunggil tak ua la suapiteu la ngaidam lo ua leh, ka Pa van ah um inle zia gual ma chun la chung un hun bawl ding ahi, a tia.

MATTHAI 23:15

Nanghaw, lekhazikte leh Pharisai mi phalêmte haw, la chung uh a gik hi! Mi pakhat lâklutna ding bep inle tuisuagiat leh mualkâng la kan tua lum let un; a hung lut phat leh, nangmau chan le’ni gawtmun ah chang dingin la siam sek ua.

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MATTHAI 26:59

Thiampu lalte leh vaihawmte chun ama tha theina dingin Jesu hêk ding thuhiatpi a hawl un.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MATTHAI 5:34

Himaleh, kei vang in ka hil la hiu, kihaksial him him kiu inla, van sam in kitiam kiu in, zia chu Pathian lalchutpha ahi ngal a;

MATTHAI 5:44

Kei vang in ka hil la hiu, La mêlmateu hepiu inla, a sugentheite chu pauchap piak un;

MARKA 14:55

Thiampu lalte tawh vaihawm pawl zosia chun Jesu chu a tha theina ding un, a hêkna ding a hawl ua; himaleh, a mu zo puau a.

MARKA 15:1

Jingkal phatin, thiampu lalte chun lekhazikte, upate leh vaihawm pawlte zosia tawh a kikokhawm tau a. Jesu chu kânsa’n a pui ua Pilat kiang in a pedok ngal tau a.

LUKA 12:5

la lau ding uh chu ka hun hil masa ahi: A hun thalup nung ah le gawtmun ah hun pai lut thei nalai chu la lau diu ahi.

LUKA 22:66

Khua a hung vak phatin, mipi lak ah upate leh, thiampu lalte leh lekhazikte chu a hung kikhawm ua, vaihawmna mun lam in a pui tau a.

JOHAN 11:47

Ziaphatchun, thiampu lalte leh Pharisaite chun vai a hawm khawm un, “Zia pa hin thilmak tak tak a hi’ta’n, bang law ding I hitau em?

JOHAN 15:25

A ziak umlo in ei huau hi, ti ah Dan Lekhabu a la kizik kha a guitunna dingin zia thilte hi tung ahi.

JOHAN 7:20

Mipite chun a hun dawnhuu ah, thitha vop la hi! Kuan nang thâ a hun gua a hem? a tiu a.

JOHAN 8:48

Ziaphatchun, Judate chun a hun dawnhuu a, “Nang hi Samari mi, thitha jawl ka hun tiu kha, ka ti dikten uh hilo a hem?” a hun tiu a.

NASEPTE 17:18

Epikuria mi leh Stoik mite lak ah mithiam khenkhat inle a hung kinialpiu a. A kim khat in, “Zia mi kamtampa hin bang a hem a gennop?” a tiu a; a dangte chun Jesu leh thawkitna thu a gen ziak ah chun, “Gamdang pathiante thu genpa hi’n a,” a tiu a.

NASEPTE 22:30

A jing in Judate’n a hêkna ziak uh chu a hetdaw theina dingin, a kolbu chu thap piak in, thiampu lalte leh vaihawmte chu a âng a hung dingin a ko khawm a. Ziaphatchun, Paul chu a pui suk ah, a âng un a din sak a.

NASEPTE 23:1

Paul chun, vaihawm pawlte chu en zing in, “Suapite haw, tu’ni tiang ah hin Pathian ma ah sia leh pha hetna thiang tak in ka um zing hi,” a tia.

NASEPTE 24:20

Ahiloleh, zia mite ngei hin, vaihawmte ma ah ka din lai in ka thil hi’khial a muu em gen uh hen la,

NASEPTE 4:15

Tichun, amau chu vaihawmna ah kipat chun a sawldok phot ua, amau ngawn a kiho tau a.

NASEPTE 5:21

Zia chu a het phat un, phalvak ah chun tempul sung ah valût in, a thuhil uh chu a sunzom tau a. Thiampu lianpen leh a umpite chu a hung tun phat un, vaihawm pawlte leh Israel upate chu a ko khawm ua, suangkul ah kipat vapuidok dingin mi a sawl tau a.

NASEPTE 5:27

A hung pui lût phat un, vaihawm pawlte âng in a dinsak ua. Thiampu lianpen chun amau chu a dong a:

NASEPTE 6:12

Tichun, mipi leh upate leh lekhazikte chu a hun tîlsia tau a; chun, ama chu a hung man ua, vaihawmte ma ah a hun pui lût tau a.

NASEPTE 6:15

Vaihawmna kichu zosia chun ama chu a hun ensâl tau ah; ahi’n, a mâi chu vansawlchâk mai tawhbang in a hun mu tau hi.

NASEPTE 7:37

Zia Mosi khan Israel chate kiang in, nangmau mite lak ngei ah kipat in, Pathian in jawlnei pakhat keima ei tundaw gual in hun tungdok ding ahi, a la ti’n.

ROMTE 12:10

Unau kihepina tak tak chu nei in, nunnem tak in kingaina tua chiat unla; kijatua dan thiam tak in um khawm chiat tau in;

1 KORINTH 6:10

guchate, huaihapte, zukhamte, mi vau mangte leh mi suamte chun Pathian gam lua pua’n au.

1 KORINTH 6:6

Himaleh, suapi pakhat in a suapi chu vaihawmna ma’ tut in, ginglote kiang hinalai lo a hem?

DAN LEKHABU 15:11

Zia gam ah chun tasam um ta lo ding ahiziak in, “La gam sung ua genthei leh tasamte panpi’na dingin la ban uh jak un,” ti’n thu ka hun pia la hiu.

DAN LEKHABU 16:18

Lalpa la Pathian un a hun piak ding khawpi tin ah vaihawm ding leh, hotu hidingin la phung tin ua kipat mi la têldaw chiat ding uh ahi; amau chun mipite chung ah dik tak in vai a hawm ding uh ahi.

1 THESSALONITE 4:6

zia thu ah chun kuama’n chawnvâl in a unau chung in thil phalo bawl ki’hen; Lalpa chu zia gual ah bawlte chung ah phuba la sek ahiziak in, ka hun hillawk un, ka hun hiatsak zo tau hi.

TITA 3:2

kuama gensia lo ding leh, kinak haisan ding leh, nunnem ding leh mi zosia kiang ah thunuaigolna tâklang dingin hil kit in.

HEBRAITE 12:25

Zia thugente chu doi lo ah la la um lona ding un chingthei un. Lei ah a kiang ua thugente doilote bawn in gawtna a pumpel lo ua leh, van ah kipat thu hung genpa chu a la kiheimang san leu hin, bangti suachât ding I hiu em!

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

JAKOB 2:20

Nang mingol, nasep neilo ginna chu bangma ei puai, ti la he nuam em?

JAKOB 3:6

Lei hi meikuang ahi. Lei hi I taksa bâkte lak ah gitlona bûk ahi’n; taksa zosia a subuak ah, pianken nungchang zosia a kâksak ah, zia ma chu gawtmun mei in a kâng sek hi.

1 PETER 2:23

Mi hosiat ah a um lai in a hosia thuk pua’n, a thok lai in a vau thuk diak puai; dik tak ah vaihawmpa kiang ah chun a kipe zaw ahi.

1 PETER 3:9

Thil phalo chu thil phalo in leh, hosiatna chu hosiatna’n thuk kiu in, zia sâng ah chun, maljawl zawu in; zia gual ah chu maljawlna chang ding ah ko la hingal un.

1 JOHAN 2:9

Kuale a suapi haw zing ngal ah, “Vâk ah um ka hi,” ti chu thim ah um zing nalai ahi.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.

JUDA 1:9

Himaleh, vansawlchâk chungnung pen Mikael in bawn, diabol tawh Mosi luang a kichu lai ua khan, a chung thu gen piak in ama chu a gensia ngam pua’n, “Lalpa‘n hun vau ta hen!” a ti zaw tai.

THUPUAN 20:14

Thina leh mithi khuate chu meidil ah a pai tau a. Zia chu thini’na chu ahi tai.