MATTHAI 5:19 - PATHIAN LEKHABU THIANGTHO (BSI)

¹⁹ Ziaziakchun, kua’nle, dan thupiakte lak ah a neu pen hi botsia hen la, zia gual ma chun midang le bawsiatsak ding ah a hil chun, ama chu van-gam ah chun mi neu pen ti’n au. Zia gual ma chun, kuale dan thupiak jawm ah, midang le jawm ding ah hil chu, van-gam ah chun mi lian ti’n au.

MATTHAI 5:19 ပူးပေါင်းရင်းမြစ်များ

SAM 119:128

La dan thute dungzui in kãl ka suan hi; umdan diklo zosia hi ka hua ahi.

SAM 119:6

La thupiak zosia ka ngaikhawk phat leh, mualpho lo hial ding ka hi.

DANIAL 12:3

Mipil taphot chu van lam vakna gual in vâk ta’n tiu in, mi tam tak dikna lampi puilûtte chu, kumtuang kumtuang in aksite gual in vâk zing ta’n au.

MATTHAI 11:11

Titakzet in ka hil la hiu, numei hin lak in Baptispa Johan sâng ah lopi zaw ding a um puai; himaleh, van-gam ah mineu penle ama sâng in a lopi zawu hi.

MATTHAI 19:28

Jesu’n a kiang un, “Titakzet in ka hil la hiu, Thil zosia siamthakna mun ah Mihing chapa a lopina Lal chutpha a chut tak leh nanghaw ei zuite hi, Israel nam sawm leh nite vaihawm piak dingin, lalchutpha sawm leh ni ah chu ding la hiu.

MATTHAI 20:26

Himaleh, nangmau lak ah chun zia gual chu hilo ding ahi; la lak ua a lianpen ding chu la suak ua a pan diu ahi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 11:42

Ahi’n, nanghaw Pharisaite haw, la chung uh a gik hi! Pudinate, lokhate leh anche lohingte sawm ah khat la pesek ui; ahi’n, diktatna leh Pathian hepina chu la limsak puau hi, ziate chu ei vei la bawl ding uh; a dangte chule thul diak lo in.

LUKA 9:48

“Kuale zia naupang hi ka min ah lop tapo chu keima ei lop ahi; keima ei lop chu ei sawlpa lop ahi; la lak ua a neupen chu a lopipen hung hiding ahi,” a tia.

NASEPTE 1:1

Theophilas, ka lekha zik masak ah khan Jesu nasep pattil leh a thu zilsak zosia leh,

ROMTE 3:8

Bang ding ah mi khenkhat in ei hêk ua ka gen lo ei gensak gual un, “Thilpha a hung tun theina dingin, thil phalo bawl hitiu” I ti zawk lo uh? Zia gual mite chun thiamlo a chan uh chu a dik hi.

ROMTE 6:1

Bang I gen ta diam uh le? Hepina chu a pun zawk diak theina dingin, gilo hi in um zing ding I hiu em?

ROMTE 6:15

Bangti’n ahi ta diam? Dan nuai ah um hilo ah, hepina vaihawm ah um I hi’zawk ziak un gilo zing ding I hiu em? Hinaisai lo e!

DAN LEKHABU 12:32

Ka thupiak zosia, a kip a kawi ah zui dingin chingthei un; bangma belap kiu inla, lâk khen le nei kiu in.

DAN LEKHABU 27:26

Zia dan thute zui lo mihing taphot chu hânsiadong in um tau hen, tiu hen la. Mipi zosia’n, “Amen,” ti’n dawnhu tau hen.

1 TIMOTHI 6:11

Ahi’n, nang Pathian mi, zia thilte chu jamsan inla, dikna, Pathian ngaisakna, ginna, hepina, thoktheina leh nunnemna chu del zaw ta’n.

TITA 3:8

Pathian gingtate chun nasep pha chu sêm ah a pilvâng diu ahi, ti hi thu ginum tak ahi: Zia thu chu hangsan tak ah gen dingin ka dawi la hi. Zia thilte chu mihingte â dingin a pha’n, a phachuam ma ma hi.

1 PETER 5:4

Tichun, Belampu Lianpen a hung kilat phat leh, lopina lallukhuk chultheilo chu mu’n lau.

1 JOHAN 3:4

Gitlo bawl taphot chu dan botsia a hiu; gitlona chu dan bawsiatna ahi.

THUPUAN 2:20

Himaleh, demna neukhat ka nei hi: Jawlnei kiti Jezebel kha la ngai thei ziakin. Ama chun ka suakte chu thanghuai ding leh, milim hona kithoina sate ne dingin a thêm sek a.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.