MATTHAI 5:18 - PATHIAN LEKHABU THIANGTHO (BSI)

¹⁸ Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

MATTHAI 5:18 ပူးပေါင်းရင်းမြစ်များ

SAM 102:26

Ziate chu hung mang intin, nang vang um zing inla; ziate chu pua’n gual in hung chul ta’n a. Puanlui gual in theng in la tin, mangthai ta’n au;

SAM 111:8

Ziate chu kumtuang â dingin phudet ahi’n; ginumna leh dikna ah bawl ding ngen ahi.

SAM 119:152

Malai ah kipat khan ziate chu, kumtuang dai ding ah la sukdetsa ahi tai, ti ka hiatsa ahi.

ISAI 40:8

Hampa chu a vuai ah, pakcha chu a tuai sek hi; himaleh, I Pathian uh thu chun vang, kumtuang dai ding ahi.

ISAI 44:26

a suakpa kamsuak hi’det piak a, a tângsamte thugenlawk guitunsakpa chu ka hi. Jerusalem chung thu ah chun, “Mipi hun chênsak kit ding ka hi,” tipa leh, Judai gam ah khuate kiang ah: “Bawl thak ah um kit ding la hiu, la sung ua suksiat ah umsate kha, hun tungding kit ding ka hi,” ti’pa;

ISAI 51:6

Khawdak in vante en to unla, nuai lam ah lei hile en suk un; vante chu meikhu gual in mangthai intin, lei hile puan gual in hung chul ta’n tin, a chung ah chêngte chule thovai gual in, hung thi zo ding ahi ngâl un; maleh, ka hukdamna chu kumtuang in um zing intin, ka tatdawna chun tawp ni nei pua’n a.

MATTHAI 10:15

Titakzet in ka hil la hiu, vaihawm ni ah chun, zia khawte sâng ah chun Sodom leh Gomorrah thok ding chu nêp zaw’n a.

MATTHAI 10:23

Chutichun, zia khua chun a sukgenthei phat ua leh khaw dang ah taisan un; titakzet in ka hil la hiu, Mihing Chapa a hung masang in Israelte khua haw chu chuan suak pua’n lau.

MATTHAI 10:42

Chuleh, kua’nle ziate lak ah, a neupen hile nungzui ahi’na ziak ah, tuivot no khat a la piak chun, titakzet in ka hil la hiu, a kipakman ding uh chu chân him him pua’n au, a tia.

MATTHAI 11:11

Titakzet in ka hil la hiu, numei hin lak in Baptispa Johan sâng ah lopi zaw ding a um puai; himaleh, van-gam ah mineu penle ama sâng in a lopi zawu hi.

MATTHAI 13:17

Titakzet in ka hil la hiu, jawlnei tam takte leh midik tam takte’n, la thil muteu hi mu nuam in a la thîl ua, himaleh, a la mu ta puau hi; la thil hiatteu hile het a nuam un, himaleh, a la he man ta puau hi.

MATTHAI 16:28

Titakzet in ka hil la hiu, zia tak ah dingte lak ah hin, Mihing Chapa a Lal gam ah hung a mu masiau thina teplo ding a um ui, a tia.

MATTHAI 17:20

Jesu’n a kiang un, La gin zaw lo ziak uh ahi; titakzet in ka hil la hiu, ginna ankam mu tia la nei ua leh, zia tâng kiang ah hinle, zia lam ah son kichawn mang in, tileuchin, kichawn mang mai ding a hi; bangma la hi’theilo uh umlo ding ahi.

MATTHAI 18:18

Titakzet in ka hil la hiu, lei ah la kân uh chu van ah le kân hi’n tin; lei ah la thap chu van ah le thap hi’n a.

MATTHAI 18:3

Titakzet in ka hil la hiu, la lung uh la hun hei ua, naupangte gual ah la umlo ua leh van-gam ah lut pua’n lau.

MATTHAI 19:23

Jesu’n a nungzuite kiang in, “Titakzet in ka hil la hiu, mi hausa van-gam ah lut ding chu a haksa ahi.

MATTHAI 19:28

Jesu’n a kiang un, “Titakzet in ka hil la hiu, Thil zosia siamthakna mun ah Mihing chapa a lopina Lal chutpha a chut tak leh nanghaw ei zuite hi, Israel nam sawm leh nite vaihawm piak dingin, lalchutpha sawm leh ni ah chu ding la hiu.

MATTHAI 21:21

Jesu’n a kiang un, Titakzet in ka hil la hiu, ginna la nei ua, la gin lâ lo uh chun, theichang kung chung ah thil kihi’ gual bep hi hi’pua’n la tiu in, zia tâng kiang ah hinle, hung kichawn inla, tuisuagiat ah hung kipai lut in, tileu chun la ti gual un hung um ziang ding ahi.

MATTHAI 21:31

Aleh, zia pani’te chu a kua zawk chu a pa doigual bawl a hizaw diam? a tia. Amau chun, a masa zawkpa chu, a tiu a. Ziaphat ah chun Jesu’n a kiang un, Titakzet in ka hil la hiu, sedawlte leh nawchizuakte chun Pathian gam a hun lutsan tau hi.

MATTHAI 23:36

Titakzet in ka hil la hiu, zia zosia chu tu’lai khangthakte chung in hung tung in a.

MATTHAI 24:2

Ama chun a kiang un, zia zosia hi la muu hi maw? Titakzet in ka hun hil hi, zia tak ah suang kitiang khawm haw zosia hi pakhat chale hawi lo ah sukchip lo ding a um puai, a tia.

MATTHAI 24:47

Titakzet in ka hil la hiu, a nei zosia chung ah hotu dingin koi in a.

MATTHAI 25:12

Himaleh, ama chun, titakzet in ka hil la hiu, nanghaw ka hun he’kha puai, a la ti san tai.

MATTHAI 25:40

Lengpa chun a kiang un, titakzet in ka hil la hiu, zia ka unaute lak ah a neupen chung ah la hiu kha le, keima chung ah hi’ la hiu, hun ti ta’n a.

MATTHAI 25:45

Ziaphat chuleh, ama chun, titakzet in ka hil la hiu, ziate lak ah a neupen chung ah la hi’lo uh kha, keima chung ah hi’lo la hiu, a la ti’n a.

MATTHAI 5:26

Titakzet in ka hil la hiu, paisa khat nasan le la piak kim masia zia kipat chun hun pawtsak lo hial ding ahi.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 8:10

Jesu’n zia thute chu a het in mak a sa ma ma a, ama hun zuite kiang ah chun, “Titakzet in ka hil la hiu, Israelte lak in le zia gual khop ah ginna nasa hi ka mu puai.

MARKA 10:15

Titakzet in ka hil la hiu, kua’nle zia naupangte gual ah Pathian gam a la lawp lo ahi chun, a sung ah lut lo hial in au,” a tia.

MARKA 10:29

Jesu’n a dawnhu, a kiang in, “Titakzet in ka hil la hi, kuale a In a hem, a suapipa a hem, a suapinu a hem, a nu a hem, a pa a hem, a ji a hem, a cha a hem, a gam a hem, keima leh chanchinpha ziak ah nusia chu,

MARKA 11:23

Titakzet in ka hil la hiu, kua’nle ginglâ lo ah, zia tâng kiang ah hin, kichawn inla tuisuagiat ah kisep lut in, la tiu chun, la ti gual gual un guitung in a.

MARKA 12:43

A nungzuite chu a kiang in a ko ah, a kiang un, “Titakzet in ka hil la hiu, thawlawm bawm ah khiate zosia lak in zia meithâi chaga tak hin a khia tam pen hi.

MARKA 13:30

Titakzet in ka hil la hiu, zia thilte chu a tunkim ma sia, zia khangthakte hi bei pua’n a.

MARKA 14:18

Tichun, a kichuu a, ankuang a hun ûm phat un Jesu chun, “Titakzet in ka hil la hiu, ka an nêkpi, la lak ua pakhat hin ei matsak ding la hiu,” a tia.

MARKA 14:25

Titakzet in ka hil la hiu, Pathian gam ah a thak ah ka dawn ding ni a tun kit masia, zia grep tui hi dawn kit talo ding ka hi, a tia.

MARKA 14:30

Jesu’n a kiang in, “Titakzet in ka hil la hi, Tu’ni, tu’jan ngei ngei ah hin, âk nivei a khuan ma’n thumvei ei kilepsan ding la hi,” a tia.

MARKA 14:9

Titakzet in ka hil la hiu, khawvel pumpi chanchinpha kigenna taphot ah, zia a thilbawl hile ama hetzingna dingin gen khawm pek in au,” a tia.

MARKA 3:28

Titakzet in ka hil la hiu, mihingte hi a gitlonau leh a Pathian gensiatnau ngaidam thei sik sek ahi;

MARKA 6:11

Kuale nangmau hun lawp lo ah, la thugenteu le ngai nuamlote chu, amau in a maw kipuak ding ahi dan uh hiatsakna dingin, la keng ua leivui thinthâk khum malam sek un,” a tia.

MARKA 8:12

Ama chu a lungthim gil tak ah nasa tak in a hung thûm ah, “Bangatia tu’lai khangthakte hin tepte’na hawl a hiu em? Titakzet in ka hil la hiu, Tu’lai khangthakte kiang ah hin tepte’na him him piak hipua’n a,” a tia.

MARKA 9:1

Chuleh, a kiang un, “Titakzet in ka hil la hiu, Zia tak ah dingte lak ah hin, Pathian gam chu thilhitheina tawh hung tung a mu masang siau thina tep lo ding lawi a um ui,” a tia.

MARKA 9:41

Titakzet in ka hil la hiu, Khrista min ah tuivot no khat dawn ding hun pe tapo chunle, kipak man mulo in um pua’n au,” a tia.

LUKA 11:51

Abel thisan ah kipat, mâichâm leh mun thiangtho kikâl ah Zekhariah thisan kisua tiang in, tu’lai khangthakte chung ah hin kiphût ding a hi.

LUKA 12:37

A puu a hung phat ah, kigingsa a la um zing a suakte chu mi hampha ahi nau e! Titakzet in ka hil la hiu, zia gual mi chu a kawnggâk sa’n a um in, an ne dingin a kichutsak in, a hung pawt ah, a nêk leh châk ding bawl in a um sek hi.

LUKA 13:35

En tiam un, la Inteu chu a hawm ah nutsia in a um tai; titakzet in ka hil la hiu, Lalpa min ah hung chu a hampha na e! la ti hun uh a hung tun masangsia, ei mu kit talo ding la hiu,” a tia.

LUKA 16:17

Dan thu sutvom neupen chale a manthai sâng in, van leh lei paithâk a bailam zawi.

LUKA 18:17

Titakzet in ka hil la hiu, kuale zia chapangte’n Pathian gam a lop gual ua lawp lo tapo chu, a sung ah lut lo hial ding a hiu,” a tia.

LUKA 18:29

Ama chun, a kiang un, “Titakzet in ka hil la hiu, Pathian gam ziak ah, a In a hem, a nu leh pa a hem, a suapite a hem, a ji a hem, a chate a hem nusiate chu,

LUKA 23:43

Jesu’n a kiang in, “Titakzet in ka hil la hi, tu’ni hin Paradis ah ka kiang ah um ding la hi,” ti’n a dawnhu tai.

LUKA 4:24

Titakzet in ka hil la hiu, Jawlnei chu ama umna khua leh gam sung in a lop ngai sek puau hi.

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

JOHAN 10:1

Jesu chun: “Titakzet in, ka hil la hiu, kuale belam huang kotkhak ah lut lo ah, lampi dang ah hung kãl lut chu, zia mi chu gucha leh suammang ahi.

JOHAN 10:7

Jesu’n a kiang un thu a gen kit a, Titakzet in ka hil la hiu, Keima hi belam kotkhak chu ka hi.

JOHAN 12:24

Titakzet in ka hil la hiu, Bu changkhat lei ah a kiak ah, a thizet lo chun, a ngai ngai in a um zing sek hi; himaleh, a hung thizet tak leh chu tam tak in a ga sek hi.

JOHAN 13:16

Titakzet in ka hil la hiu, suak a pu sâng in a lian zaw ngai puai; chuleh, sawl ah um chule a sawlpa sâng in a lian zaw ngai puai.

JOHAN 13:38

Jesu’n a dawnhu, “Keima ziakin la hinna maw la piak ding? Titakzet in ka hil la hi, âk khua’n ma’n thum vei ei kilepsan ding la hi,” a tia.

JOHAN 14:12

Titakzet in ka hil la hiu, kuale keima ei ging chun, ka nasepte hi ama’nle hun sêm in a, keima Pa kiang ah ka chia ding ziakin, ziate sâng ah nasa zaw hile hun sêm ding ahi.

JOHAN 16:20

Titakzet in ka hil la hiu, nanghaw chu kap in, lusûn in um in lau; khawvel chu vang kipak in a; nang uh lungngai tak in um in lau; himaleh, la lungngainau chu kipakna hung chang in a.

JOHAN 16:23

Zia ni phat chuleh nang un bangma ei dong kit ta pua’n lau. Titakzet in ka hil la hiu, ka min ah Pa kiang ah la dot uh chun hun pia’n a.

JOHAN 21:18

titakzet in ka hil la hi, la naupan lai in nang in la kawng la kigâk in, la nopna lam lam in la chia sek hi. La hung upat phat leh vang, la khut jak in la tin, midang in la kawng hun gâk piak intiu in, la chia nop lona lam lam in hun kai in au,” a tia.

JOHAN 3:11

Titakzet in ka hil la hi, kei un ka het uh chu ka gen sek un, ka muu chu ka hiatsak sek ui; himaleh, la taksang ngai puau hi.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,

JOHAN 5:19

Jesu’n a kiang un, Titakzet in ka hil la hiu, Chapa hin ama thu thu’n bangma a bawl puai; Pa thu hiatsak in bangkim a bawl zaw ahi; ama’n thil a hi’taphot chu, zia ma chu Chapa’nle a hi’ sek ahi.

JOHAN 6:26

Jesu’n a dawnhu a, “Titakzet in ka hil la hiu, thilmakte la mu ziak ua ei hawl la hipuau in, vaithum la nekvâ ziak ua ei hawl la hizawu hi;

JOHAN 6:32

Ziaphatchun, Jesu’n a kiang un, “Titakzet in, ka hil la hiu, zia van ah kipat vaithum kha, Mosi hun piak a hipua’n, ka Pa’n van ah kipat vaithum tak chu a hun pia ahi.

JOHAN 6:47

Titakzet in ka hil la hiu, kuale keima ei gingcha chun kumtuang hinna a nei hi.

JOHAN 6:53

Jesu’n a kiang un, “Titakzet in ka hil la hiu, Mihing Chapa taksa la nêk ua, a thisan la dawn lo ua leh, nang un hinna neilo la hiu.

JOHAN 8:34

Jesu’n a dawnhu a, “Titakzet in ka hil la hiu, kuale, gitlo bawl zing chu gitlona suak ah um ahi.

JOHAN 8:51

Titakzet in ka hil la hiu, Kua’nle ka thu a zui chun thi ta pua’n a,” a tia.

JOHAN 8:58

Jesu’n a dawnhu a, “Titakzet in ka hil la hiu, Abraham um masang khanle ka la um tai,” a tia.

1 PETER 1:25

himaleh, Lalpa thu ahileh vang, kumtuang in a um zing hi,” ti zik gual ah khan. Zia thu chu la kiang ua chanchinpha hung kigen kha ahi.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.