MATTHAI 4:3 - PATHIAN LEKHABU THIANGTHO (BSI)

³ Thêmpa chu a hung ah, a kiang in, “Pathian Chapa la hileh zia suang hi vaithum suak dingin thu pia ta’n la,” a tia.

MATTHAI 4:3 ပူးပေါင်းရင်းမြစ်များ

PAWTDAWNA THU 16:3

Israelte chun a kiang un, “Aigupta gam ah sabêl bul ah ka chut lai uh leh vaithum vâ tak ah ka nêk lai ua khan, Lalpa khut in ei la thi sak ta kha hizaw mai leh aw! Gamthip ah gilkial ah thi dingin mipite hi lei pui lût a hita hilam,” a tiu a.

MATTHAI 14:33

Kuang sung ah umte chun a hun nai ua, Pathian Chapa chu la hi tak tak na hi, a tiu a, ama a be tau hi.

MATTHAI 16:16

Simon Peter in a dawnhu a, Messiah, Pathian Hing Chapa chu la hi, a tia.

MATTHAI 26:63

Himaleh, Jesu chu thipbek in a um a. Chun, thiampu lianpen chun, Pathian hing min in kigenchian dingin ka hun sawl la hi, Messiah, Pathian hing Chapa chu la hi em? ei hil in, a tia.

MATTHAI 3:17

Chuleh, van ah kipat aw gi chun, “Zia hi ka Chapa Dawi tak, ka kipakna ma ma chu ahi,” a hun tia.

MARKA 1:1

Pathian Chapa, Jesu Khrista chanchinpha kipatna;

MARKA 3:11

Thitha buakte chun ama a mu phât ua leh, a ma-âng in a bokkhup un, “Nang Pathian Chapa chu la hi,” ti’n a kiko sek un.

MARKA 5:7

“Tichun, aw ngai tak in a hung kiko a; Jesu, Chungnung pen Pathian Chapa, bang ei law ding ah hung la hem? Ei sawisa lo ham ham dingin Pathian min in ka don la hi,” a tia.

LUKA 1:35

Vansawlchâk chun a kiang in, “Thagau Thiangtho la chung in hung tung intin, Chungnung pen thilhitheina chun hun liakhu intin, ziaziakchun, nau hung piang ding chule Thiangtho ti hi’n a, chuleh, Pathian Chapa ti’n au.

LUKA 22:70

A leng un, “Pathian Chapa la hi chu la maw?” a tiu a. Ama chun, “Ahi lei tiu hilo a hem?” a tia.

LUKA 4:3

Diabol chun a kiang in, “Pathian Chapa la hileh, zia suang hi vaithum suaksak ziang ta’n la,” a tia.

LUKA 4:41

Thitha buakte hawle kiko kawm kawm in a pawt un, “Nang hi Pathian Chapa chu la hi” a tiu a. Ama chu Messiah ahi ti a het ziak un, pau lo dingin a vau tai.

LUKA 4:9

Ziaphatchun, Jerusalem lam in a pui ah, tempul chungvûm in a dinsak ah, a kiang in, “Pathian Chapa la hileh zia tak ah kipat hin chawmtha’n:

JOHAN 1:34

Zia chu ama chung ngei ah ka mu tâk ziakin, ama hi Pathian Chapa ngei chu ahi ti ka hiatsak ahi,” a tia.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

JOHAN 20:31

himaleh, zia lekhabu hi, Jesu chu Pathian Chapa Messiah chu ahi ngei hi, ti la hun taksan ua, ama ging ah, a min ah kumtuang hinna la neina ding ua zik ahi zawi.

JOHAN 9:35

Jesu’n ama chu a nawdok ui, ti a la he ta’n; ama chu a mudaw kit phatin, a kiang in, “Mihing Chapa la gingcha em?” a tia.

NASEPTE 9:20

Zia kipat chun kikhopna In ah, “Jesu chu Pathian Chapa ahi,” ti thu a hun gen pan ngal a.

2 KORINTH 1:19

A ziak chu, Pathian Chapa Jesu Khrista, keima leh Silvana leh Timothi in la kiang ua a thu ka gen uh chu, “Ahi,” ti tawh, “Ahi puai,” a ti gêl gêl pua’n, ama ah chun thil zosia chu, “Ahi,” ti ahi zing hi.

GALATIA 2:20

Khrista kiang in khetden in ka um ta’n, ahi’n la, ka hing ahi; keima kha ka hita pua’n, Khrista keima ah hing ahi zawi; Pathian chapa, ei hepi ah, ka thasâng ah kipepa ginna ziak zaw’n.

1 THESSALONITE 3:5

Ziaziakchun, ka thok zaw lo phatin, thêmpa chun hun thêm pûk kha’n tin, ka sepgimnau thawn kha’n ah ti’n, la gin dan uh ka hettheina dingin ka hun sawl ahi.

HEBRAITE 12:16

Mithanghuai a hem, Esau gual ah Pathian jalo hung um kha’n lau; ama chun a cha upa hi’na chu an khatvei nêk in a khawng a,

HEBRAITE 4:14

Ahi’n, van ah a la chia ta, Pathian Chapa Jesu, thiampulianpen, lopi tak chu I nei ziak un, I thugin uh hi tudet zing hitiu.

HEBRAITE 7:3

Ama chu nu neilo, pa neilo, suantu neilo, pian ni neilo, hin tawp ni le neilo; himaleh, Pathian Chapa gual ah siam, thiampu hizing ta ahi.

1 JOHAN 3:8

Gitlo bawl taphot chu diabol ah pawt ahi; diabol chun a tîl ah kipat in gitlo a bawl tangal a. Pathian Chapa hung kilatna ziak pen chu, diabol nasepte sukmangthai a hi’theina ding ahi.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.