MATTHAI 4:24 - PATHIAN LEKHABU THIANGTHO (BSI)

²⁴ Suria gam zosia’n a chanchin a thang suak ta’n; tichun, damlo zosia, hivei nei leh natna tincheng thuakte, thithabuak matte, hipût neite leh zengte haw chu a kiang in a hun pui ua; a la hi’dam suak tai.

MATTHAI 4:24 ပူးပေါင်းရင်းမြစ်များ

2 SAMUEL 8:6

Ziaphatchun, David in Damaska khua’ Aramte chu sepai a koikhum ta’n; tichun, Aramte chu David suak in a pang tau ah, sia a choisak tai. David chu a chiana lam lam in Lalpa‘n zaw’na a pejel hi.

1 LENGTE 10:1

Sheba ah lengnu chun Solomon minthanna (Lalpa jal ah a minthanna) a het phat in, ama patepna ding ah dotna haksa takte tawh a hung kuan a.

1 LENGTE 4:31

Ama chu mi dang zosia sâng in a pil zaw’n, Ezrah mi Ethan leh Mahol chapate Heman, Kalkol leh Darda sâng in a pilzaw’n; a kîmvêl ah gam zosia ah chun a min a thang suak hi.

1 KHANGTHU 14:17

David chu gam zosia’n a minthang ta ma ma ah, Lalpa‘n namtinte chu a lausak tai.

1 KHANGTHU 29:2

tichun, ka hi’thei tawp sua in ka Pathian Insakna van ding chu ka la guanggal ta’n; sanate chu sana ah pang dingin, dangka thikte chu dangka thik ah pang dingin, sum-engte chule sum-eng ah pang ding, thikte chule thik ah pang dingin, thingte chule thing ah pang dingin leh a zechuam chuam ah cheina ding onik leh suang mantam chi chuam chuamte, suang mantam jat chuam chuamte leh marbul tam tak, kiningting tak ah mat dingin ka lakhawm zo tai.

PAWTDAWNA THU 15:26

A kiang un, “Lalpa la Pathian aw chu chingthei tak ah la ngai ua, a mit mu ah thil dik chu la bawl ua, a thupiakte la ngaisak ua, a dante la zop ua ahileh, Aigupta mite chung ah a tunsak hiveite haw hi khat chale la chung un hun tunsak lo ding ka hi: keima hi Lalpa, nanghaw hi’dampa chu ka hi’ngal in,” a tia.

MATTHAI 12:22

Zialaitak ah chun, mi pakhat thitha mat mitthûm, pautheilo a hun pui un; ama chun a la hi’dam ziang ta’n; tichun, mitthûm, pautheilo chun a hun muthei ah, paule a pauthei ngal tai.

MATTHAI 14:1

Zia hun lai ah chun, gam vaihawmpa Herod chun Jesu chanchin a la he ta’n;

MATTHAI 15:22

Zia gam ah kipat chun Kanaan numei pakhat a hung a, Lalpa, David Chapa, ei lungsiat in; ka chanu thitha’n a man hen, a thuak gim ma ma hi, ti’n a hung kiko a.

MATTHAI 17:15

Lalpa, ka chapa chung ah hin jangai in, ama hi hipût nei ahi’n, a thuak gim ma ma ziang tai; mei leh tui lak ah le ke’lut ziang sek ahi.

MATTHAI 17:18

Jesu’n thitha chu a vau a; tichun, a pawt dawsan ta’n, zia naupang chu zia hun ma ma chun a dam ngal tai.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

MATTHAI 8:28

Gâl langkhat lam Gadarin gam chu a tun in, thitha mat pani, thân ah kipat hung pawt tawh a kituak un. A lau um ma ma ziak un zia lampi chun kuama a chia ngam puau a.

MATTHAI 8:33

Chuleh, vok vâkte chu a tai un, khua chun a chiau a, thithamatte chung ah thil hung tung te zosia chu tawh a vagen tau hi.

MATTHAI 8:6

“Lalpa, ka suakpa zeng in, In ah a lum zing in, nasa tak ah thuakgim in a um hi,” a tia.

MATTHAI 9:26

Zia chanchin chu zia gam tuam ah chun a hung thang suak tai.

MATTHAI 9:35

Jesu’n a kikhopna In ua te thu hil in, Gam Chanchinpha chu gen in, damlo zosia leh natna zosia hi’dam in, khawlian leh khawneu zosia a chuan vêl a.

MARKA 1:28

Tichun, a chanchin chu Galili gam zosia’n a kithang suak tai.

MARKA 1:32

Nitâk ah nisa a hung tum phatin, a kiang in damlo leh thitha buak mat tam tak a hun pui khawm un.

MARKA 2:3

Chuleh, zeng pakhat, mi pali’n lâng ah zawn in a kiang in a hun pui ua.

MARKA 2:4

Mipi ziak ah a kiangnai ah a hung lut theilo phat un, a umna Inchung chu a phel tau a; a phiat awng phat un zeng chu a lupna phêk pum in a hun khaithau a.

MARKA 2:9

Zeng kiang ah, ‘La gitlote ngaidam ahi tai,’ ti leh, ‘La lupna phêk la’n la, keng in chia ta’n,’ ti hi khoi zaw a gen bailam zaw em?

LUKA 2:2

Zia chu Suria gam ah Kurinias gam uk ah a pan lai ah min zikna masa pen chu ahi.

LUKA 4:14

Jesu chu Thagau thilhitheina kithuam in, Galili gam ah a chia kit ah, a chanchin chu zia gam kîmvêl ah chun a kithang suak tai.

LUKA 4:38

Sunagog ah kipat a hung pawt ah, Simon In ah a lut a. Zia tak ah chun, Simon talpinu chu damlo khawsik gim tak in a la um a; ama â ding ah chun a la dot piak un.

LUKA 5:15

Himaleh, Jesu chanchin chu a hung kithang suak ta’n; mi tam tak a thu ngaitha ding leh, a natnau sukdam sak dingin a hung khawm tau hi.

LUKA 5:24

Bang hilehle, Mihing Chapa hin lei chung ah hin gitlonate ngaidam theina a nei hi, ti la hetna ding un, zeng kiang ah chun: ‘Ka hun sawl la hi, tho inla, la puanpha la’n la, la In lam in chia ta’n,’ ” a tia.

LUKA 7:17

Tichun, a chanchin chu Judea gam zosia leh a kîmvêl gam zosia ah chun a kithang suak tai.

JOHAN 10:21

Khenkhatte chun, “Zia tawh bang thilte hi thitha jawlte thu’ um chi ahi puai. Thitha chun mitthûm a hi’vâk piak thei ah a hem?” a tiu a.

NASEPTE 10:38

Pathian in Nazareth Jesu sathau a nu’ a, Thagau Thiangtho leh thil hitheina’n a thuam a; tichun, ama chun na pha tak sêm in, diabol in a engbawl zosia chu a hi’dam sik sek a.

NASEPTE 15:23

Zia gual hin lekhathot a zik tau a: “Keihaw, sawlchakte, upate leh unau umkhawmte hin, Antiok leh Suria leh Kilikia ah unau Jentelte chibai ka bûk ui.

NASEPTE 15:41

Kochuamte chu hi’det malam pek in, Suria gam leh Kilikia gam chu a chuan suak tau hi.

NASEPTE 28:9

Zia thu chu a het phat un mi dang le a hung ua, zia gam ah damlo hung taphotte chu sukdam in a um chiat tau a.

NASEPTE 8:7

Thitha buakte chule, aw ngai tak tak ah kiko jak in a lutnateu ah kipat chun a pawtdok ua; zeng tam takte leh kengbai tam takte le sukdam in a um un,

JOSHUA 6:27

Chutichun, Lalpa‘n Joshua a umpi ah; gam pumpi ah chun a minthang tai.