MATTHAI 3:7 - PATHIAN LEKHABU THIANGTHO (BSI)

⁷ Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

MATTHAI 3:7 ပူးပေါင်းရင်းမြစ်များ

THILSIAM THU 3:15

nang leh numei hun kidosak ing ka tin, ama suan leh nangma suanle kidosak ing ka; ama’n la luchang vaw thidup intin, nang in a akkhawmit chu thidup in la,” a ti tai.

THUPILTE 28:4

Dan khawksalote chu migilo chawisâng a hiu a, ahi’n, dan zawmtu chun zia gual mite chu a dodâl sek ui.

ISAI 59:5

Thangchom tui a awpkêu un, momgâng thâng puan in a gat ui; a tui uh ne’kha taphot chu a thiu a, a tui keu kha taphot chun, thangchom ngen a hung pawtdok ui.

JEREMIAH 51:6

La hinna ding chiat uh kingaituau inla, Babulon khua sung ah kipat in jamdok kin un! Lalpa phuba lâk hun a hiziak in, a gitlonau ziakin nanghaw mangthai khawm kiu in; amau bawldan tawh kigûn in a thukna a piai.

JEREMIAH 6:10

Ka vauhilna thu ngai dingin, kua kiang ah gen ding ka hi tam? En tia, a nakhangteu chu vî lo ahi’n, bangma a hethei puau hi. Lalpa kamsuak chu a sim mawu in, a thu gen a kipakpi thei puau hi.

MATTHAI 12:24

Himaleh, zia thu chu Pharisaite’n a het phat un, “Ziapa hin thithate hotu, Belzebul min in zia thithate hi a nawdaw ahi,” a tiu a.

MATTHAI 12:34

Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 15:12

A nungzuite chu a kiang in a hung ua, la thugen kha Pharisaite’n a zadau hi, ti la he em? a hung tiu a.

MATTHAI 16:1

Pharisaite leh Sadukaite a hung un, Jesu ze-etna’n van ah kipat tepte’na hun etsak dingin a don un.

MATTHAI 16:6

Jesu’n a kiang un, Pharisaite leh Sadukaite thawi lak in kivêng un, a tia.

MATTHAI 22:15

Pharisaite a chiau ah, ama chu a thugenna kipat mattheina ding ngaitua in a kiho ua.

MATTHAI 22:23

Zia ni ma ma chun, Sadukaite thawkitna a um puai tite chu a hung un, zia thu hi a hung dong tau a.

MATTHAI 22:34

Sadukaite chu Jesu’n a nial dong hi ti a het phat un, Pharisaite chu a hung kikhawm un,

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.

MARKA 12:13

Pharisaite khenkhat leh Herod pawl ah mite a thugenna kipat matna ding hawl in a hun sawl ua.

MARKA 12:18

Ziazaw chun, thawkitna a um puai tite Sadukai haw lak ah khen khat a hung un, zia gual hin a hung dong tau a:

MARKA 8:15

Ama chun a kiang un, “Pharisaite thawi leh Herod thawi lak in kivêng unla, chingthei un,” a tia.

LUKA 16:14

Pharisai sum thangaite chun zia thute chu a het phat un, a nuisan un.

LUKA 18:11

Pharisai pa chu a hung ding ah, ama chang in zia gual hin a hung pauchap a: ‘Pathian, keima hi mi dang gual ah negu, diktat lo leh ângkawm ka hilo ziakin leh, zia sedawlpa gual hile ka hilo ziakin la chung in ka kipak hi.

LUKA 7:30

Himaleh, Pharisaite leh dan he mite chun, ama baptisma chansak ding chu a nop lo ziak un, amau â ding ah Pathian lemguat chu a dawi puau hi.)

JOHAN 1:24

Zia a mi sawlteu chu Pharisaite lak ah mi a hiu a.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

JOHAN 9:40

Zia a thugen chu a kiang ah Pharisai umte chun a la hiau ah, a kiang in, “Aleh, kei uh le mitthûm ka hiu em?” a tiu a.

NASEPTE 15:5

Himaleh, a ging kitite lak ah Pharisai pawl ah mi khenkhat chu a hung dingdok un, “Mosi dan phatak ah zop ding ah thupiak ding leh zek tansak têi ding ahi,” ti’n a gen tau a.

NASEPTE 20:31

Ziaziakchun, a sun a jan ah mitthi pum ah chawlnga lo hial ah ka hun thuhil sek la hiu a; ziate kha hezing in, chingthei tak leh kivêng tak in um zing un.

NASEPTE 26:5

Gen nuam hileu chu, I sakhuau ho leh biak lam ah kulmut ma ma leh, Pharisai mi ka hi dan le hun sawt tak ah kipat khan ei la he zo tau ahi.

NASEPTE 5:17

Ziaphatchun, thiampu lianpen leh a umpite chu (ziate chu, Sadukai pawlte a hiu) a hung kipan tau ah, itsikna dim in,

ROMTE 1:18

Pathian ngaisak lona leh minsiatna zosia leh, thutak tawdente chung ah chun van ah kipat in Pathian lungnatna a hung kilang hi.

ROMTE 5:9

Chutichun, a thisan ah thiamchansak I hi’tâk nung un, ama ziak man Pathian lungnatna kipat in hukhin in um ngei hitiu.

1 THESSALONITE 1:10

A Chapa Jesu, mithi lak ah kipat a kaithawkitpa chun, lungnatna hung tung ding lak ah ei hukdok in, van ah kipat a hung kitna ding chu ngak in la um tau ahi.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

HEBRAITE 6:18

Pathian chu zuau gen ding gual a hilona chu, thil danglam theilo pani ziakin ei uh kihumbitna delte’n, I mau ah kinepna a koi chu chang ding ah tilkhona thupi tak I neitheina ding un.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.