MATTHAI 3:6 - PATHIAN LEKHABU THIANGTHO (BSI)

⁶ a gitlonateu kipuang in, Jordan lui ah chun baptisma a chang chiat tau hi.

MATTHAI 3:6 ပူးပေါင်းရင်းမြစ်များ

EZRA 10:1

Ezra in gitlona thu pha chawi ah, kap kawm ah Pathian In mai tual ah a kipek ziang phatah chun, Israelte lak ah a mei a pa, a si a sên in mipi tam tak a kiang in a hung khawm tau a; mipite chule nasa tak in a kap jak ziang tau a.

SAM 32:5

Ziaphatchun, ka gitlona la kiang in ka puang ah, ka khawlona chu ka îm ta pua’n; “Ka sukkhialna chu Lalpa kiang ah thupha chawi ta’ng ka,” ka tin; tichun, ka gitlona chu la ngaidam ta ahi. (Selah)

THUPILTE 28:13

A hi’khelna îmgu chu lam jang pua’n tin; îmlo ah kipuang ah haisante chun za’ngaina mu’n au.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

DANIAL 9:4

Lalpa ka Pathian kiang ah gitlo thupha chawi in, zia gual hin ka pauchap a: Aw Lalpa, Pathian thupi leh lau um, nangma hun hepi ah la thupiak jawmte chung ah thuthung leh ja’ngaina vopzingpa,

THIAMPUTE LEKHABU 16:21

Aron in kêlcha hing nalai luchung ah a khut teni ngat in, Israelte sukkhialna zosia, a gitlonau zosia leh a thil hi’khial zosiau chu puang in ah; tichun, a thak mang ding ah guat ah umpa chun gamthip lam in a vathak mang ding ahi.

THIAMPUTE LEKHABU 26:40

Himaleh, keima ei kalnateu, a pu a pateu gitlona tawh amau gitlonate leh, keima ei dodâl ah ei kalnateu leh a vâkmanna teu a kipuan ua;

KISIMNA LEKHABU 5:7

a thil bawlkhial pen chu a kipuan lat ding ahi. Chuleh, a thil bawlkhial chu a man mun nga khen a mun khat piak belap in a dit ding ahi.

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

MARKA 1:5

Tichun, Judea tânggam ah kipat leh Jerusalem khawpi mite chu a hung khawm ua; a gitlonateu puang in, Jordan lui ah chun baptisma a hung chang tau hi.

LUKA 1:16

Ama chun Israel suante tam tak a Pathian lam un kiheisak kit in a.

LUKA 3:16

Johan in a kiang un, “Kei hin vang tui in ka baptis sek hi; ahi’n, keima sâng ah lopi zaw hung ding ahi, a kengtawdap khau tham tâk le ka hi puai; ama chun Thagau Thiangtho leh mei in hun baptis ding ahi.

NASEPTE 1:5

Johan khan tui in a baptis sek a; himaleh, tu’nung ni sawt lo cha sung in Thagau Thiangtho ah baptisma chang ding la hiu, a ti’n.

NASEPTE 11:16

Chun, Lalpa thu gen, ‘Johan in tui in mi a baptis sek in; nanghaw vang Thagau Thiangtho in baptisma chang in lau,’ a ti dante kha ka hun hedok kit ngen a.

NASEPTE 19:18

Chuleh, a ging tam takte chu a kiphuang ua, a thilhi zosiau chu a tâklang tau a.

NASEPTE 22:16

Bang ding ah khawdâng la hem? Kipan inla, ama min in baptisma chang inla, la gitlonate sawp thian ah um in, a min chu ko ta’n, ei ti ta’n.

1 KORINTH 10:2

Mosi zui a hi’theina ding un sûmpi leh tuipi’n baptis a chang ui.

KOLOSSA 2:12

baptisma ah ama tawh vui in la um tau a; zia ma ma ah chun mithi lak ah kipat Pathian nasep ginchâk ziakin, ama tawh kigual in kaithaw la hitau hi.

HEBRAITE 6:2

baptisma thugin thu, khutngat thu, mithi thawkitna thu, kumtuang vaihawmna thute kihil thak kit talo in.

HEBRAITE 9:10

Ziate chu nêk leh dawn thu, kithiansakna chuam chuam leh paw lam dante tawh kisai ahi’n, siamphatna hun masia ding ah kibawl ahi.

JAKOB 5:16

Chutichun, sukdam ah la umtheina ding un, la gitlonateu thupha kichawi tuau in la, kipauchaptua piak un. Midik pauchapna chun thil ahi’thei ah, a phachuam hi.

JOSHUA 7:19

Ziaphatchun, Joshua’n Akan kiang in, “Ka chapa, Israelte Lalpa Pathian chu chawihoi inla, a kiang in kiphuang mai in. Bang a la bawl khâ la hita em? ti, tu’ ma ma hin ei hil inla; ka kiang ah îm kin,” a tia.

1 PETER 3:21

Zia kibatpi baptisma chun, taksa buakna sukthianna bep hilo in, Pathian lam ah sia leh pha hetna sukthianna hizaw in, Jesu Khrista thawkitna ziakin tu’hin a hun hukhing tai.

1 JOHAN 1:9

I gitlonau thupha I choi uh chun, I gitlonateu ngaidam ding leh, I dik lona zosiau silthiang dingin ama chu a ginum in a dik hi.