MATTHAI 3:2 - PATHIAN LEKHABU THIANGTHO (BSI)

² “La gitlo uh haisan tau in, van-gam chu a nai tai,” ti in.

MATTHAI 3:2 ပူးပေါင်းရင်းမြစ်များ

1 LENGTE 8:47

sal ah puiman ahi’na gam ua a hung kihiatdawu ah, a kisik ua, sal ah puite gam ah la kiang ah a hun dot ua, “Ka gilo tau hi; ka hikhial tau ah, gilo tak in thil ka la bawl tau hi,” a hun tiu a;

JOB LEKHABU 39:12

La loulai ah bute chu phualjawl ah, hun puak khawm piak dingin, la taksang em?

JOB LEKHABU 42:6

Ziaziakchun, kei leh kei ka kiki’dak ta’n, leivui leh vut lak ah kitung in, ka kisîk ta ahi, ti in.

EZEKIEL 33:11

A kiang un, Lalpa Pathian in kihaksial hial in, Migilo thi’na chun ka kipak puai; himaleh, migilote chun a umdan uh kiheisan uh hen la, hing leh dam in um leu ka ti ahi; hung kihei kit un, la umdan phaloteu nusia in hung kihei kit tau in; aw Israelte haw, bang ding ah thi mai ding la hiu em?

DANIAL 2:44

Chuleh, zia gual ah lengte um sung ah chun, van Pathian in lenggam khat hun tungdok intin, zia chu kuama’n susia thei pua’n tiu in, zia lenggam chun kuama â ding khêk ta pua’n a. Zia lenggam chun lenggam dang zosia khen nawn dim dem in, subei zo ta’n a; ama chu vang kumtuang in umden ta’n a;

MATTHAI 10:7

La chia nau ah chun, “Van-gam chu a nai tai,” ti’n hil jel un.

MATTHAI 11:20

Chun, Jesu’n thilmak tam tak a bawlna munte chun, a gitlonau a haisan lo ziak un zia khuate chu a vau ta’n:

MATTHAI 12:41

Vaihawm ni tak leh, Nineveh khua mite kha hung dingin tiu in, tu’lai khangthakte hi thiamlo hun chansak in au: Amau chun Jonah thu gen ziakin a gitloteu a haisan ui; en tiam un, Jonah sâng ah lopi zaw zia hin a um hi.

MATTHAI 13:11

Ama’n a kiang un, van-gam thugûk hettheina chu nang uh kiang ah piak ahi’n, amau kiang ah vang piak a hinai puai.

MATTHAI 13:24

Tekhinthu dang khat a gen kit ah: Van-gam chu mi pakhat, a lou ah chipha the’ gual chu ahi.

MATTHAI 13:31

Tekhinthu dang a kiang un a gen kit a: Van-gam chu mi pakhat in ankam mu, a loulai ah a the’ gual chu ahi;

MATTHAI 13:33

Tekhinthu dang pakhat a gen kit a: Van-gam chu thawi gual a hi: Zia chu numei khat in a la, changbuang te’na a dim thum lak in a hel ah, a lêng ah a zen suak masia a koi gual hi ahi, a tia.

MATTHAI 13:47

Chuleh, van-gam chu tuisuagiat ah lên kisep, sanga chitin khu’khum gual chu ahi kit hi.

MATTHAI 13:52

Ama chun a kiang un, Chuti ahileh, lekhazik ah pang hingal ah van-gam thu ah nungzui a hung um tapo chu, Inneipa a gobawm ah thil lui leh thil thak suadok sekpa gual chu ahi, a tia.

MATTHAI 18:23

Ziaziak hin, van gam chu leng pakhat, a suakte kiang ah a sum thu sukchet gua chu tawh tekhin ahi.

MATTHAI 20:1

Van gam chu gam neipa, a grep huan ah nasem ding chial ah jingkal ma tak ah tho ah, pawtdok gual chu ahi.

MATTHAI 22:2

Van-gam chu leng pakhat, a chapa ji neina luaithe gual chu ahi.

MATTHAI 23:13

Nanghaw, lekhazikte leh Pharisai miphalêmte haw, la chung uh a gik hi! Mi van-gam lut ding la dâl ua; nang uh la la lut puau ah a lut nuamte le la lutsak diak puau hi.

MATTHAI 25:1

Chuleh van-gam chu nungak thiangtho sawmkhat, a thaumei uh keng ah, moneipa dawn ding ah kipandokte gual kha hi’n a.

MATTHAI 25:14

Chun, van-gam chu mi pakhat, gamdang ah khualzin ding ah kisa, a suakte ko ah, a sumte kolsak gual chu ahi;

MATTHAI 4:17

Zia hun ah kipat chun Jesu’n, “La gitlo uh haisan un, van gam chu a nai tai,” ti’n a gen pan tai.

MATTHAI 4:23

Jesu’n sunagog ah a kikhopna Inteu ah chun, gam chanchinpha chu hil in, mite lak ah hivei tincheng leh damlona zosia hi’dam in Galili gam zosia a fang suak tai.

MATTHAI 5:10

Dikna ziak ah sukgentheina thuakte chu mi hampha a hiu; van-gam lua ding ahi ngal un.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 6:10

la gam hung tung hen. La dawi gual van ah mi’n a hi’gual un, lei ah mi’n le hiu hen.

MATTHAI 6:33

Himaleh, a gam leh a dikna chu hawl masa tau in; tichun, zia thil zosia chule piak belap in um in lau.

MARKA 1:15

“A hun a buting ta hen, Pathian gam chu a nai tai, la gitlo uh haisan unla, chanchinpha hi ging tau in,” ti’n a gen pan a.

MARKA 1:4

Gamthip ah kipat in Baptispa Johan chu, gitlo ngaidamna ding ah gitlo haisanna baptisma thu gen in a hung pawtdok a.

MARKA 6:12

Tichun, a kuandok tau a, mite’n a gitlonau a haisan theina ding un thu a vagen tau a.

LUKA 1:16

Ama chun Israel suante tam tak a Pathian lam un kiheisak kit in a.

LUKA 11:20

Himaleh, Pathian khut ziak ah thithate nawdok ka hi chun, Pathian gam la kiang un a hung tung tai.

LUKA 13:3

Hilo hial! Ka hil la hiu, nang unle la gitlo uh la haisan lo ua leh, zia gual ah chun mangthai ding la hiu.

LUKA 13:5

Hilo hial! Ka hil la hiu, nang unle la gitlo uh la haisan lo ua leh, zia gual ah chun mangthai ding la hiu,” a tia.

LUKA 15:10

Ka hil la hiu, zia gual ma chun, Pathian vansawlchâkte ma ah chun migilo pakhat lungheina ziakin kipakna a um sek ahi, a tia.

LUKA 15:7

Ka hil la hiu, zia gual ma chun, mipha sawmkua leh kua lungheina nei diaklote chung sâng in, migilo pakhat lungheina chung in van ah mi kipak zaw’n au.

LUKA 16:30

Ama chun, “He pa Abraham, hilo e, mi thisate lak ah kipat mi ngei hang chia leu, a gitlonau haisan in au,” a tia.

LUKA 21:31

Zia gual ma chun, zia tawh bang thil hung tung chu la mu tak ua leh, Pathian gam chu a hung nai ma ma tai ti hiau in.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

LUKA 6:20

A nungzuite lam ah hung kihei in a hun en ah, zia gual hin a gen a: “Nanghaw gentheite haw, mi hampha la hiu; Pathian gam chu nangmau â ahi ngal in.

LUKA 9:2

Tichun, Pathian gam thu gen ding leh damlote hi’dam dingin a sawldok ta’n;

NASEPTE 11:18

Zia thute chu a hun het phat un a thip tau a. Pathian in Jentelte le hinna a neitheina ding ua a lung hei uh a phal piak tai, ti in Pathian a pakcha tau hi.

NASEPTE 17:30

Pathian in I mawllai hunteu ah ei ngaithiam ah; ahi’n la, tu’hin gamtin ah mi zosia chu lunghei dingin thu a pia ta ahi;

NASEPTE 2:38

Peter chun a kiang un, “La lung uh hei unla, Jesu Khrista min in baptisma chang leu chin, la gitlonau ngaidam hi’ntin; tichun, Thagau Thiangtho thilpiak hi chang in lau.

NASEPTE 20:21

Juda mi leh Grik mi kuama khenchuam lo in, Pathian lam ah la lung hei theina diu ngaitua ziakin, I Lalpau Jesu ah chun ginna nga det zawn la lak un na ka sêm a.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

2 KORINTH 7:10

Pathian doigual ah lungngaina chun hukhinna ding lungheina a sua in, kisik a um puai; khawvel lungngaina’n vang thina a sua zawi.

KOLOSSA 1:13

Ama chun thim thuneina lak ah kipat ei hukdok in, a chapa doichuam gam ah chun ei lângkâi tai;

2 TIMOTHI 2:25

a lang lam ah pangte chu a jaicha’n hil hen. A lung uh a hei ua, thutak chu a hettheina ding un Pathian in ahi’thei tho ah,

HEBRAITE 6:1

Chutichu ahiziak in, Khrista thugin thubul lam chu taikhel in, pitinna lam chu zuan hitiu; nasep thisate haisan ding thu leh, Pathian lam ginna ah te kibulpat kit kit talo in,

2 PETER 3:9

Mi khenkhat in chanchûm ah a ngai gual un, Lalpa chu a thutiam lam in a chanchûm puai; kuama manthai ding doilo in, mitin in lunghei leu ti a dawi ziakin la lam un a dawthei zaw ahi.

THUPUAN 2:21

A lungheina dingin hun chomkhat ka pia’n; himaleh, a thanhuaina kipat chun a lung a hei diak him him puai.

THUPUAN 2:5

Ziaziakchun, khoi ah kipat a la pûk la hi em kingaitua inla, la lung hun hei kit inla, la thil hi’masate kha hun pan kit ta’n; la lung la heilo chun hung ing ka tin, la thaumei koina chu hung chawn mang ding ka hi.