MATTHAI 3:12 - PATHIAN LEKHABU THIANGTHO (BSI)

¹² A khut in phajâp a chawi ah, a bu’te chu hun jap thiang intin, a bupang ah chun koihe in a. Busite vang chu mei mitthei lo ah chun hâl ta’n a,” ti’n a gen a.

MATTHAI 3:12 ပူးပေါင်းရင်းမြစ်များ

JOB LEKHABU 21:18

Bang jat vei tak hui in a mut mang sek chângvai leh, thigua’n a tawmang sek busi gual in a um sek awm?

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

SAM 35:5

Busi hui in a taw mang gual in um uh hen la, Lalpa vansawlchâk in del mang ta hen!

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 17:13

Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 27:4

A chung in lungnatna ka nei puai. Hampa lingnei leh khauguite ngen, a hung piandawu chun, a leng un vât tha’ng ka tin, hâl tum mai ding ka hi.

ISAI 28:28

Vaithum dingin anchang chu sukbuang a hisek, ahi’n la, kuama’n a chilthaw ngai puau hi; kângtalai leh sakol a chilsak un, maleh, a gawt buang diak puai.

ISAI 30:24

Loukai ah pang bawngchalte leh sabiltungte chunle, bujêpna mol leh phajâp ah kijâp thiangsa bu gate chu ne ta’n au.

ISAI 41:16

Nang in amau chu thît in la tin, huipi’n thejak ta’n a. Ziaphat chuleh, Lalpa ah chun kipak ta’n la tin, Israel Mithiangtho chu kisuanpi ta’n la.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

JEREMIAH 15:7

A umchan uh a khiam lo ziak un, gam sung ah kotpi bul tincheng ah, bu vokna mol ah vua’n ka thîtchil tai; a cha leh nauteu ka sûn sak ta’n, ka mipite chu ka that gam tai.

JEREMIAH 17:27

Himaleh, sabbath ni changthiangtho ah, Jerusalem kotpite ah van-gik puak lut lo ding ka tite chu la ngailo ua leh vang, a kotpite ah chun mei sêmkuang ding ka hi; zia mei chun, Jerusalem ah lal Inte chu kâng tum intin, phelmit hita pua’n a.

JEREMIAH 4:11

Ziaphat chuleh, zia mipite leh, Jerusalem kiang in zia thu hi gen piak hita’n a: Gamkeu lam ah tângsâng ah kipat in, ka mipite genthei tak ah umte mût vot ding leh, mut thiang ding hilo in, keima ah kipat in hui lum tak hung hâng ding ahi.

JEREMIAH 51:2

Babulon ah a sî sêp chil ding hun sawl ing ka tin, hun sêp chil in au. Zia gual ah buaina ni chu, kiltin ah kipat a hung tun phat leh, a gam chu hun su’awng in a.

JEREMIAH 7:20

Ziaziakchun, Lalpa Pathian in zia gual hin a gen ngal a: ka lungnatna leh ka thangtawmna chu zia mun ah mihing leh ganchate, gam lak ah thingte leh, lei ah theiga zosiate chung ah hin hun sungtha ding ka hi; hun kâng tum intin, kuama’n phelmit pua’n au, ti in.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

AMOS 9:9

Ngai un leidâl ah bu a ngelthia’n gual un, Israel Inkuante ngel dingin thu pia ding ka hi’n; ahi’n, suangchang khatle lei tual ah ketha pua’n a.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 13:30

Bulâk hun masia khati khan um khawmsak tadi mai un: Bulâk hun tak leh bulate kiang in, “Bulêmte kha lakhawm masau inla, hâl dingin a lom lom in kân un: Ziazaw tak chuleh butakte chu bupang ah sunglut un, ti na’ng ka, a tia,” ti’n a gen a.

MATTHAI 13:41

Mihing Chapa chun a vansawlchâkte sawldok intin, a gam ah kipat in migilote leh mi gitlosakte chu hun lakhawm intiu in;

MATTHAI 13:42

hâltuina mei ah pai in au; zia tak ah chun kâ leh hagial um ta’n a.

MATTHAI 13:43

Ziaphat chuleh, midikte chu a Pau gam ah nisa gual in vâk ta’n au. Kuale hetna ding ah nakhang nei chun he tau hen, a tia.

LUKA 3:16

Johan in a kiang un, “Kei hin vang tui in ka baptis sek hi; ahi’n, keima sâng ah lopi zaw hung ding ahi, a kengtawdap khau tham tâk le ka hi puai; ama chun Thagau Thiangtho leh mei in hun baptis ding ahi.

LUKA 3:17

A khut in phajâp a chawi ah; a phual ah a si jap thiang intin, bupang ah sungkhawm in ah; a si’te chu vang mei mit theilo ah chun hâltum in a,” a tia.

JOHAN 15:2

Keima ah bâk ga lo tapo chu a sâttha sek hi. A bâk ga sua tapo chu, a ga tam zawk diakna dingin a hi’thiang sek hi.