MATTHAI 27:52 - PATHIAN LEKHABU THIANGTHO (BSI)

⁵² chuleh, thânte chu a hung kihong ah; mithiangtho tam tak a la ipmu sate taksa chu a hung thokit tau a.

MATTHAI 27:52 ပူးပေါင်းရင်းမြစ်များ

2 LENGTE 13:21

Mi pakhat a vui ding kuan tak ua chun, mi bulu hon khat a mu tau ah, mithi chu Elisha thânkhûk sung in a sep lut ziang tau a; zia mithi luang chun Elisha gute chu a sukkhak phatin, a hung hing ta’n, a keng in a hung dingdok tai.

ISAI 25:8

Ziaphat chuleh, Lalpa Pathian in, maichang zosia ah mitthi thiak-hul ta’n tin; chuleh, a mipite mualpho’na zosia, lei chung ah kipat in lamang ta’n a; Lalpa‘n zia gual chun a la gen ta’ngal a.

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

DANIAL 12:2

Mi tam tak leivui a la suak ta, a la ipmusate chu hung khanglo ta’n tiu in; khenkhatte kumtuang hinna chang ding leh, khenkhatte kumtuang jachakna leh mualpho’na chang ta’n au.

HOSEA 13:14

Sheol thuneina lak ah kipat in amau tandok ding ka hem? Thi’na kipat amau hukdok ding ka hem? Aw thi’na, khoi ah hem la gû chu? Aw Sheol, khoi ah hem la suksiat theina chu? Lainatna kiti chu ka mai ah kipat in sêl mang ahi tai.

JOHAN 11:11

Zia thute chu a gen zaw in, a kiang un, “I gualpau Lazar kha a ipmu tai; a ipmu kaitho dingin chia ding ka hi,” a tia.

NASEPTE 7:60

Ziazaw chun, a hung khupdin ah, aw ngai tak in a hung kiko ah, “Lalpa, zia gitlona hi a chung un sîk kin,” a tia. Zia chu a gen zaw in, a thi tai. Saul chun a thi chu lem a sakpi hi.

1 KORINTH 11:30

Zia ziak hin la lak ua tam tak la jawngkhal un, la damlo khawlaw tau in, khenkhat a thi khawlaw tau hi.

1 KORINTH 15:20

Himaleh, Khrista chu thina kipat kaithaw in a la um ngei ah, a thisate thawkitna mapuipa ahi tai.

1 KORINTH 15:51

Ngai un, thugûk hun hil ding ka hi! I leng un thi khel puai tiu;

1 THESSALONITE 4:14

Jesu a thi hen, a thokit tai ti I taksan ua chun, zia gual ma chun, Jesu ah ipmute chu Pathian in ama tawh kiton in hun pui ngei in a.

1 THESSALONITE 5:10

Hak in, ipmu leu hingle, ama tawh I hin khawm theina ding un ama chu I thasâng un a thi tai.