MATTHAI 27:51 - PATHIAN LEKHABU THIANGTHO (BSI)

⁵¹ Zia lai tak ah chun tempul sung ah puanjak chu a chunglam ah kipat a nuailam tiang in a hung kithêktha suk ah; lîn a kilîng ah, suangpite a hung puakjak tau a;

MATTHAI 27:51 ပူးပေါင်းရင်းမြစ်များ

2 KHANGTHU 3:14

Solomon in a puanjak dingin puan a dum, a sandup leh a sandâng mang in puan malngat ngen in a siam ah. Chuleh, a chung un Cherubte lim le a siam chiat hi.

SAM 18:15

Ziaphatchun, aw Lalpa, la zilgaina leh la nâk hawm ah hu pawt ah la mût ziakin, tuipi luannate a hung kilang in; leilung kingaknate le a hung kilangdok tai.

SAM 18:7

Ziaphatchun, lei hi a kilîng in a kihot dup dup tai; a lungnat ziakin tângte chule, a kingakna pum in a kilok in, a puakjak tai.

PAWTDAWNA THU 40:21

Mosi kiang ah Lalpa’n thu a piak dungzui in, thuthung thingkuang chu biakbûk sung ah chun a paw lut ah; a lia dingin puan a jak ah, thuthung koina thingkuang chu a khû hi.

ISAI 25:7

Chun, zia tang ah hin mi zosia liatu leh, nam zosia lia ah kijakpal chu hun hise ta’n a; thi’na chu kumtuang dai dingin, ama’n subei ta’n a.

THIAMPUTE LEKHABU 16:2

Mosi kiang ah Lalpa chun: La u Aron kiang in zia gual hin gen in: mâichâm chung ah um, ja’ngaina chutpha umna puanjak sung, mun thiangtho ah chun bangtik hun hilehle hung lût kin; chutilochun, thi mai ding la hi: ja’ngaina chutpha chung ah sûmpi’n hung kilâk ding ka hi’ngâl in.

THIAMPUTE LEKHABU 21:23

Demkâi a hiziak un, ka mun thiangtho a hibuaklona ding un, puanjak leh mâichâm kiang lam a hun nai lo ding uh ahi: Keima Lalpa hin ka sukthianthosa a hita ngâl in, ti’n a gen a.

HABAKKUK 3:10

Tâng liante’n a hun muu in a kithing tau a; tuikhangliante’n a hawt vêl un, tui thûk takte’n a awu a suau hi. Nisa’n a bân sâng tak in a jak hi;

HABAKKUK 3:13

La mite hukdok dingin la hung pawtdok ah, la sathaunu’ ngei hukdok dingin. Migilo Inkuan luchang chu la khet gawp piak ta’n, a suangphûm ah kipat a Inchung tiang un la hawkdaw piak tai. (Selah)

KISIMNA LEKHABU 4:5

Giamun a kichawn ding phat uh leh, Aron tawh a chapate chu lût in, a puanjakte zialdok in, zia puante ah chun thuthunna thing kuang chu a tuam ding uh ahi;

MATTHAI 27:54

Sepai zahotu leh a kiang ah Jesu vêng ah umte chun, linlîng leh thil umdante chu a mu phât un a lau ma mau a: “Zia mi hi Pathian Chapa a la hi tak tak hi,” a tiu a.

MATTHAI 28:2

Lalpa vansawlchâk chu van ah kipat hung kumsuk in; thânkot sitna suang kha a hun likdok ah, a chung ah a chut lai in, nasa tak in lîn a hung kilîng hi.

MARKA 15:38

Tempul ah puanjak chu a chung lam ah kipat in a nuai lam tiang in a hung kithêk a.

LUKA 23:45

Nisa a hung thim ah, tempul pindan puanjak chu a lai tak in a hung kithêk ta’n.

LUKA 23:47

Sepai zahotu chun thil umdan chu a mu phât in, “Zia mi hi midik tak a la hi ngei hi,” ti’n, Pathian a chawihoi tai.

HEBRAITE 6:19

Zia kinepna chu hinna kuang tukdetna in I nei un, muan um leh det tak ahi, zia chu puanjak sung inle a lut tai.

HEBRAITE 9:3

Puanjak pani’na zaw in, biakbûk ah Mun thiangtho Chungnung pen a tiu chu a um hi;

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 11:19

Tichun, van ah Pathian tempul um chu a hung kihong ta’n; a thuthung thingkuang chule tempul ah mu thei in a um tai; ziaphatchun, kawlphete, awte, van-gite leh linlîngte hung um in, gial nasa takte a hung ke tai.