MATTHAI 27:31 - PATHIAN LEKHABU THIANGTHO (BSI)

³¹ Chutia, tawtbawlna a mat zaw phat un a puansil chu a lâkpiak kit ua; ama puanâk ma âksak kit in, khetden dingin a puidok tau hi.

MATTHAI 27:31 ပူးပေါင်းရင်းမြစ်များ

1 LENGTE 21:10

milepchia pani a âng zawn in chutsak unla, amau chun zia gual hin a mawna thu gendawsak un, ‘nang in Pathian leh Lengpa la gensia ahi,’ ti sak unla. Ziazaw chuleh, puidok unla, suang in seplum un,” ti in a zik a.

1 LENGTE 21:13

Mi lepchia pani chu a hung ua, a âng zawn in a kichuu ah; chuleh, mipite âng ah chun mi lepchiate chun ama mawsak in thu a hun gen tau a: “Naboth in Pathian leh Lengpa gensia ahi,” a tiu a. Tichun, ama chu khawpi pawlam in a puidok ua, suang in a seplum tau hi.

ISAI 53:7

Ama chu tawden ah um in, sukgenthei in a um ta’n; maleh, kam khat ziang inle a dawnhu puai. Belam thâlup ding a kai gual un, belam a mulmetna a kidaw hiat hiat gual un, kam khat ziang le a gen puai.

KISIMNA LEKHABU 15:35

Lalpa chun Mosi kiang in: “Zia mipa chu thalup ding ahi; mipi zosia’n giamun pawlam ah suang in a se’lup ding uh ahi,” a hun tia.

MATTHAI 20:19

Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

MATTHAI 21:39

Tichun, ama chu a la man ua, grep huan pawlam ah chun a sepdok ua, a that tau hi.

MATTHAI 26:2

ni ni zaw leh Chiakân Kût um ding ahi ti la hiau a, zia tak chuleh, Mihing Chapa hi khetden ding ah mat hung hiding ahi tai, a tia.

MARKA 15:20

Chuleh, tawtbawlna a matzaw phat un, puan sandup chu a lipthau ah, ama puan a silsak kit ua, kros ah khetden dingin a pui tau hi.

JOHAN 19:16

Ziaphatchun, khetden dingin a kiang un a pedok tai. Jesu chu a kaidok ua, a pui tau hi.

JOHAN 19:27

Ziazaw chun, a nungzui kiang ah chun, “En in, la nu kha!” a tia. Zia phat ah chun nungzuipa chun amanu chu a In lam in a pui tai.

NASEPTE 7:58

Tichun, khawpi pawlam in a kaidok ua, suang in a sep tau a; thuhiatpite chun a puanâkteu chu tangval pakhat Saul kiti kengbul ah chun a hun koi un.

HEBRAITE 13:12

Zia gual chun, Jesu’n le ama thisan ngei ah mite a hithiantho theina dingin kul kotkhak pawlam in a thuak tai.