MATTHAI 27:2 - PATHIAN LEKHABU THIANGTHO (BSI)

² Ama chu kân sa’n a pui ua, gam ukpa Pilat kiang in a pedok tau ahi.

MATTHAI 27:2 ပူးပေါင်းရင်းမြစ်များ

THILSIAM THU 22:9

Chun, Pathian in a ti’na mun chu a vatung tau ah; zia tak ah chun Abraham in mâichâm a siam ah, thing chule a siakhawm ah. A chapa Isak chule a kântom ah, mâichâm thing chung ah chun a lupsak tai.

MATTHAI 20:19

Chuleh, nuisan ding leh jep ding leh kros ah khetden dingin, Jentelte khut in pia’n tiu in; himaleh, a ni thum ni leh tho kit ding ahi, a tia.

MATTHAI 28:14

gam ukpa’n a hun het phat leh, ama le thuzaw ing ka tiu in, nang uh hun hi’buai pua’ng kau,” a tiu a.

LUKA 13:1

Zia hun lai tak chun, Galili gam ah mi khenkhat in, Pilat in a thisan uh tawh a thillat thisan uh a helkhawm thu a hung gen un.

LUKA 20:20

Tichun, ama chu gam-ukpa vaihawmna thu leh, thuneina hêk ah a um theina dingin, a chânggu zing tau ah; a hêk theina thu he dingin mi pha gual ah kisiam mi a sawl tau hi.

LUKA 23:1

Mipi zosia chun kithu gual tak in Pilat kiang in Jesu chu a pui tau a.

LUKA 23:12

Zia ni chun Pilat leh Herod chu a kihothei tau a; zia malam ah khan kituak lo hial a la hiu a.

LUKA 3:1

Lengpa Tiberias vaihawm, kum sawm leh nga tin kum in, Pontia Pilat chu Judea gam awp in a hung pang ah, Herod chu Galili gam ah vaihawm in a pang ah, a suapipa Philip chu Ituria leh Trakoniti gam ah vaihawm in a pang ah, Lusania chu Abilin gam ah vaihawm in a pang in;

JOHAN 18:12

Tichun, Rom sepaite leh hotute tawh Judate mi mante chun Jesu chu a man ua, a kân tau a.

JOHAN 18:24

Ziaphatchun, Anna chun kânsan thiampu lianpen Kaiapha kiang lam in a sawl tai.

JOHAN 18:28

Jesu chu Kaiapha In ah kipat in, vaihawmna Inpi lam in a pui tau a. Zia chu jingkhang ahi nalai a. Amau haw chun, Chiakân Kût an nêk theina ding ah kisukbuak khâk ding uh a kivên ziak un, zia vaihawmna Inpi sung ah chun a valût puau hi.

NASEPTE 12:6

Herod in puidaw a guat jan tak ah chun, Peter chu sepai pani kikâl in thikkhau pani but in a ipmu; a vêngte chunle kotkhak bul ah chun, suangkul chu a vêng un.

NASEPTE 21:33

Hotu lalpen chun Paul chu a man ah, thikkhau pani bul dingin thu a pia’n, kua ahileh bang bawl a hem ti a dong a.

NASEPTE 22:25

Himaleh, thikkol a hun busak phat un, Paul chun a kiang ah ding sepai zahotu kiang ah chun, “Thiamlo chansak hi nailo, Rom mi zia gual ah vok ding la tiu hi dan a hem?” ti’n a dong a.

NASEPTE 22:29

Tichun, dot chian gawte chun a nusia tau a; sepai hotu lianpen in le Paul chu Rom mi ahi ti a het phat in a lau ah, a la kân ziak ah chun a lauthawng ta’n.

NASEPTE 24:27

Himaleh, kum ni nung in, Porkia Festa chun Felik a hun sâng ta’n; tichun, Felik chun Judate kiang ah min phat a dawi ziakin Paul chu suangkul in a nusia tai.

NASEPTE 28:20

Zia ding ah hin ka hun ko khawm la hiu hi, eimau I kimutuau ah I kihotua theina ding un; keima hi Israelte kinepna thu ziak ah thik khau ah kân ka hi bep hi,” tia.

NASEPTE 3:13

Abraham, Isak leh Jakob Pathian, I pu leh pateu Pathian chun a suak Jesu chu a choisa’n ahi tai; ama chu la la pedok un, Pilat in thâdaw a guat lai ah khan a ma-âng in la la kihiatlosak tau a.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

NASEPTE 9:2

Damaska khua kikhopna In zosia ah mite kiang ah piak dingin lekha a vadon a; kuale Lampi zui taphotte chu numei hi’n pawsal hileu, Jerusalem khua lam ah kântomsa a hun pui theina dingin lekha a vala.

1 TIMOTHI 6:13

Pathian, thil bangkim hinna pepa leh Khrista Jesu, Pontia Pilat ma ah puandawna pha puangpa âng in thu ka hun pia ahi:

2 TIMOTHI 2:9

Zia ding ah chun gimnate ka thuak ah, thilhi’khial gual ah kol busak hial in ka um tai. Himaleh, Pathian thu chu kol busak in a um puai.

HEBRAITE 13:3

Nanghaw le suangkul ah um gual ah kingai in, suangkul ah tângte chu hezing unla; sukgenthei ah um gual ah kingai in, sukgentheina thuakte chu hezing un.

VAIHAWMTE 15:12

Amau chun a kiang in, “Philistinte khut ah ka hun piakdok theina ding un nangma kântom ding ah hung kuan suk ka hiu,” a tiu a. Samson in, “Nang un ei that lo dingin kitiam phot un,” a tia.