MATTHAI 26:72 - PATHIAN LEKHABU THIANGTHO (BSI)

⁷² Ama chu kitiam hial in a kilep kit a, “Zia pa chu ka hekha him him puai,” a tia.

MATTHAI 26:72 ပူးပေါင်းရင်းမြစ်များ

PAWTDAWNA THU 20:7

Lalpa la Pathian min chu la sua tempot lo diu ahi; a min sua tempot taphot chu Lalpa’n thiamchang ah, suachâksak lo ding ahi ngal a.

ISAI 48:1

Aw Jakob Inkuan, Israel min ah kikote, Judah khâlbe’ kipat piangte haw, ngai un: Nangmau dikna ziak leh thutak ziak hilo in, Lalpa min ah kihâksial ta’n, Israel Pathian chu la ko ui.

ZEKARIAH 8:17

midangte siatna dingle la lungthim un ngaitua kiu inla, zuau thu ah kitiamna ngaina kiu in; zia zosia hi ka thil huatte chu ahi, ti hi Lalpa kamsuak chu ahi.

MALAKI 3:5

Ziaphat chuleh, la chungchâng vaihawm dingin hung ing ka; dawi mangte, ângkawmte, zuau ah kitiamte, meithâi leh chaga la goinau thaman la lepbawl nateu, malzin khawtua nuam lo ah nawmangte leh keima ei ki’cha lo mite chung ah hiatpitu dingin hung pai ziang ding ka hi, sepai honte Lalpa chun a ti ahi.

MATTHAI 26:71

Chun, Inlîm ah a vapawt leh nungak dang pakhat in a la mu, zia tak ah umte kiang ah chun, “Zia pa hile Nazareth khua Jesu tawh um sek a hiu,” a tia.

MATTHAI 26:73

Chomkhat zaw in a kiang ah dingte chun Peter kiang in, “Nangle amau haw lawi lak ah mi la hi ngei hi lam e, la paudan inle a kihiai,” a hun ti kit a.

MATTHAI 26:74

Ziazaw chun, hânsia law leh kitiam hial in, “Zia mi chu ka hekha him him puai,” a ti kit a. Ziaphatchun âk a hung khuang ngal tai.

LUKA 22:34

Ama chun, “Ka hil la hi, Peter, thumvei lei kilepsan masangsia tu’ni hin âk khuang pua’n a,” a tia.