MATTHAI 26:31 - PATHIAN LEKHABU THIANGTHO (BSI)

³¹ Jesu’n a kiang un, tu’jan ah hin keima ziakin la leng un jam in lau; belampu chu vua’ng ka tin, a belam honte chu kithe chek in au, ti zik gual ah khan.

MATTHAI 26:31 ပူးပေါင်းရင်းမြစ်များ

SAM 38:11

Ka gualte leh ka Invêngte’n, ka nat thokgim ziakin ei jamsan tau in, ka chanaute nasan inle, gamla tak in ei jamsan tau hi.

SAM 69:20

Mi ei gensiatna ziakin ka tha a sia’n, nasa tak in ka lungkham hi. Ei hepi ding ka hawl in, khat chale a um puai; ei thamuan ding ka hawl in, khat chale ka mu zo puai.

SAM 88:18

Ka gual leh ka Invêngte chu lei gamlatsak ah; ka gual ngaite chu thim lak in la umsak ta’i.

ISAI 53:10

Himaleh, ama thokgimna chu Lalpa lung lam ahi. A hinna chu gitlo thoina ding ah, la hun bawl phât leh, a suan leh pâkte hun mu ta’n tin, a damsung nite chu hisau piak hung hita’n a; ama jal in Lalpa lung lam chu, sukbutin in um ta’n a.

KÂ LATE 1:19

Ka ngainatte chu ka ko ah, himaleh, ei kilepsan tau; ka thiampute leh upate chun, amau hi’hal ding an a hawl lai un, khawpi sung in a thiden tau.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

MATTHAI 11:6

Kuale keima chung ah ginlelna neilo chu a vangphai, ti’n hil un,” a tia.

MATTHAI 26:24

Mihing Chapa hi a chung thu kizik gual gual ah um ding him ahi; himaleh, Mihing Chapa matsak dingpa chung hi a gik hi! A la piang lo hileh ama â dingin pha zaw’n a,” a tia.

MATTHAI 26:56

Himaleh, Pathian lekha thu, jawlneite’n a gen haw kha a guitunna ding in zia thilte hi tung ahi, a tia. Nungzuite zosia khan a taisan ua, a jam mang tau hi.

JOHAN 16:32

A hun a hung tung tai, tu’ ma ma hin a hung tung tai, nangmau In lam chiat in ei nusia in la tiu in, keima ngen in ei nusia ding la hiu. Himaleh, kei ngen ka hi puai, Pa chun ei umpi zing hi.