MATTHAI 26:13 - PATHIAN LEKHABU THIANGTHO (BSI)

¹³ Titakzet in ka hil la hiu, khawvel pumpi chanchinpha kigenna taphot in, zia numei thilbawl hi ama hetzingna dingin kigen zing ta’n a, a tia.

MATTHAI 26:13 ပူးပေါင်းရင်းမြစ်များ

SAM 112:6

Midiktat chu bangmatik in, kilîng lo ding ahi ngal un; kumtuang ah hetzing hi’n au.

ISAI 52:9

Nanghaw hisiat ah um ta Jerusalem ah umte haw, kipak ah La sa’n hung kikodok tau in; Lalpa‘n a mite a thamuan in, Jerusalem chu a hukdok kit tai.

MATTHAI 24:14

Chuleh, zia Gam Chanchinpha hi nam zosia hiatsakna dingin khawvel zosia ah genjak in um intin; ziazaw chuleh, tawpna chu hung tung in a.

MATTHAI 28:19

ziaziakchun, chiau inla, namtin lak ah mi nungzui in siam unla, Pa leh Chapa leh Thagau Thiangtho min in baptis un;

MARKA 13:10

Chun, chanchinpha hi nam zosia kiang ah gen suak hi masa ding ahi.

MARKA 14:9

Titakzet in ka hil la hiu, khawvel pumpi chanchinpha kigenna taphot ah, zia a thilbawl hile ama hetzingna dingin gen khawm pek in au,” a tia.

MARKA 16:15

Tichun, a kiang un, “Khawvel zosia’n chiau inla, thilsiam zosia kiang in chanchinpha vagen un.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

NASEPTE 10:4

Ama chun lau tak in a vak en ah, “Lalpa, bang a hem?” a tia. Ama chun, a kiang in, “La pauchapnate leh la thilpiakte kha Pathian ma’n het zing dingin a tung to tai.

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

ROMTE 15:19

Pathian Thagau thilhitheina leh, thilmakte leh tepte’na lopi takte chu mang in, Jerusalem ah kipat in Ilirikam leh a tuamvêl ah chun Khrista chanchinpha chu ka gen suak tai.

2 KORINTH 10:18

Ama kigenpha chun pâkchât a law pua’n, Lalpa’n a genphat te chun a law zaw sek hi.

KOLOSSA 1:23

van nuai khawvel thilsiam zosiate kiang ah kigen, la la het tâk uh thutiam kinepna chu, thasuak lo ah la tukdet zing theina ding un, a hung kipia ahi. Keima, Paul hi, zia chanchinpha nasem ding ah chu pang ka hi tai.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

1 TIMOTHI 2:6

ama chu mi zosia tatna dingin a hung kipe tai, zia thu chu a hun tak ah taklat in a um tai.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.

THUPUAN 14:6

Chun, lei ah um nam tin, chitin, pautin leh mitinte kiang ah gen ding, kumtuang chanchinpha nei vansawlchâk pakhat vanlai jawl ah lêng ka mu’n.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.