MATTHAI 26:11 - PATHIAN LEKHABU THIANGTHO (BSI)

¹¹ Migenthei chu la lak un a um zing hi; kei ka hileh la lak un um zing lo ding ka hi.

MATTHAI 26:11 ပူးပေါင်းရင်းမြစ်များ

MATTHAI 18:20

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

MATTHAI 26:10

Jesu’n a het phat in, a kiang un, bangatia, zia numei hi la sukbuai uh a hem? Ama hin ka chung ah thilpha tak a bawl hi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

MARKA 14:7

Migentheite chu la kiang un a um zing un, a chung un la nop hun hun un thilpha la bawl piak thei ui, kei vang la lak un um zing lo ding ka hi.

JOHAN 12:8

Migentheite chu la kiang un um zing ding a hiu in, keima hi vang um zing lo ding ka hi,” a tia.

JOHAN 13:33

Naute haw, la kiang un chomkhat bep um ding ka hi tai. Nang un ei hawl in lau; chuleh, Judate kiang ah, ‘Ka chiana ding ah hung thei pua’n lau,’ ti ah ka gen gual khan, tu’hin nang uh kiang inle ka gen a hi.

JOHAN 14:19

Hun chomkhat zaw leh khawvel in ei mu ta pua’n tin; himaleh nang un chu ei mu ding la hiu; keima ka hin zing ziakin, nang uh le hing zing ding la hiu.

JOHAN 16:28

Pa ah kipat in ka hung ah, zia khawvel ah hin ka hung hi; chuleh, khawvel hi nusia ing ka tin, Pa kiang ah chia ding ka hi tai, a tia.

JOHAN 16:5

Tu’hin ei sawlpa kiang ah chia ding ka hi tai; nanghaw lak ah khat cha’n le, “Khoi ah chia ding la hem?” ti’n lei dong puau hi.

JOHAN 17:11

Tu’hin, keima khawvel ah umlo ding ka hi tai, amau haw vang khawvel ah a um nalai ui; chuleh, keima la kiang ah hung ding ka hi tai. Pa thiangtho, ei teni pumkhat I hi gual in amau le pumkhat ahi theina ding un, nang in kei lei piakte haw hi la min in vop pha’n.

NASEPTE 3:21

Khawvel siamtil ah kipat Pathian in a jawlneite kam ah a la gensa gual khan, bangkim siamthak hun a hung tun masia, ama chu van ah um tadi ding ahi.

GALATIA 2:10

Gentheite ka het zing ding uh ti bep chu ei dawi ua, zia ngei chu sep ding ka tup himle ala hi.

DAN LEKHABU 15:11

Zia gam ah chun tasam um ta lo ding ahiziak in, “La gam sung ua genthei leh tasamte panpi’na dingin la ban uh jak un,” ti’n thu ka hun pia la hiu.

1 JOHAN 3:17

Kua’nle khawvel sum leh pâi nei in, a suapi tasam chu mu ngal in, panpi nuamlo ta leh, Pathian hepina ama ah bang ti’n a um thei diam?