MATTHAI 24:9 - PATHIAN LEKHABU THIANGTHO (BSI)

⁹ Nang uh chu gawt dingin hun matsak intiu in, tha le hun that in au; ka min ziakin nam zosia huat in um in lau.

MATTHAI 24:9 ပူးပေါင်းရင်းမြစ်များ

THUPILTE 29:27

Midiklote hi mi thu dik â dingin luaksuak um tak a hiu in; chuleh, dik tak ah um mi chule, migilo â dingin luaksuak um tak ahi.

DANIAL 11:33

Mipite lak ah pilte chun mi tam tak hiat thiamsak in au; ahi’n, hun chomkhat zaw leh chemjam leh meikuang, saltânna leh gâl lâk in pûk ta’n au.

MATTHAI 22:6

A dangte chun a suakte chu a man ua, mualpho tak ah a la bawl in a la that ta mai ui.

MATTHAI 23:34

Ziaziakchun, la kiang un jawlneite, mipilte leh lekhazikte kha ka hun sawl a; khenkhat chu that in la tiu in, khenkhat chu a la khenden in la tiu in, khenkhat chu kikhopna Inte ah vua’n la tiu in, a khua a khua’n delzui in lau;

LUKA 11:49

Ziaziak hin, Pathian pilna chun zia gual hin a la gen hi: ‘Jawlneite leh nungzuite hun sawl ing ka tin, a lak ua khenkhat chu that intiu in, khen khat chu genthei tak in bawl in au, a ti kha.

LUKA 21:12

Himaleh, zia zosia chu a hung guitun suak masang in, hun man intiu in, hun sawi intiu in, kikhopna In ah hun pedok intiu in, suangkul inle hun khum in au; ka min ziakin lengte leh vaihawmte ma ah pui in um ding la hiu.

JOHAN 15:18

Khawvel in a hun huat chun, nang uh a huat ma khan keima ei haw tai, ti la het diu ahi.

JOHAN 15:21

Himalehle, zia thil zosia hi ka min ziakin la chung un hun bawl in au, kei ei sawlpa a het lo ziak un.

JOHAN 16:2

Sunagog ah kipatte’n hun kaidok intiu in; ahi, kuale nangmau hun that tapo chu Pathian ho in kingai in au, zia tawhbang hun chu hung tung pai ding ahi.

NASEPTE 28:22

Himaleh, tu’hin, la ngaidan khenkhat hetnop um ka sau hi; zia pawlte chanchin hi a gensiatnau ka la hekha sek ngal un,” a tiu a.

NASEPTE 7:59

Stephen chu suang ah a se’lai un, a pauchap ah, “Lalpa Jesu, ka thagau pui ta’n,” ti in.

1 PETER 4:16

Ahi’n la, Khristian ahiziak in thuak taleh, zakcha ki’hen; zia min ziak ah chun Pathian chawihoi hen.

THUPUAN 2:10

La thil hun thok dingte hi lau kin; ngaitia, patep ah la umtheina dingin diabol in la lak ua khenkhat suangkul ah hun khum intin; ni sawm sung genthei thuak in lau. Himaleh, thi tiang in ginum in hung um ta’n; tichun, hinna lallukhuk hun pia ding ka hi.

THUPUAN 2:13

La thil hi zosia leh la chênna munte, chuleh, Setan chutpha umna natiang ka hia’i; ka min chu det tak in la vop zing a, Antipas hun lai ah ka palai ginum, Setan chênna la lak ua a tha lai khan le, keima lei ginna chu la haisan diak puai.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.