MATTHAI 24:7 - PATHIAN LEKHABU THIANGTHO (BSI)

⁷ Nam khat leh nam khat kido in au, gam khat leh gam khat le kido intiu in, kialte hung tung in, mun chuam chuam in lîn hung kilîng in a;

MATTHAI 24:7 ပူးပေါင်းရင်းမြစ်များ

2 KHANGTHU 15:6

Pathian in buaina tincheng ah a sukbuai tâk ziakin, nam khat in nam dang khat do in, khawpi khat in khawpi dang khat kidotua in, siatna huaisia tawp a tuak tau ahi.

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

ISAI 29:6

nangma chu vang sepai honte Lalpa‘n van-gi tawh, linlîng tawh, husa nasa tak tawh, chîmpei tawh, thigawpi tawh, meipi kuang tawh kithua in, hung kantha ta’n a.

EZEKIEL 14:21

Lalpa Pathian in zia gual hin a gen ngal a: Jerusalem gawtna palite, chemjam, kialna, gam sahângte leh natpi, mihing leh gancha that gam ding ah ka hun sawl hun ding chu a huaisia na ding e!

EZEKIEL 21:27

Siatna, Siatna, Siatna hun tut ding ka hi! Bangmatik ah um ngai lo chu, a neitu dik tak ding a hung masia, ama kiang in pia’ng ka.

ZEKARIAH 14:13

Ziaphat chuleh, Lalpa kiang ah kipat in buaina huaisia tak a lak un hung um intin, mitin in ama nai pen pen chu man intin, kimuda tua chiat intiu in,

LUKA 21:11

Linlîng huaisia takte hung lîng intin, mun chuam chuam ah kialte tung intin, van ah kipat thil lau umte leh tepte’na nasa takte hung um in a.

NASEPTE 11:28

a lak ua pakhat Agaba kiti chu a hung dingdok a, Thagau hiatsak in khawvel pumpi kial nasa tak hung tung ding ahi ti thu a genlawk a; zia chu Klaudia Kaisar hun lai in a tung tai.

NASEPTE 2:19

Chung lam van ah chun thilmakte leh, nuai lam lei ah teptênate mu sak ing ka tin, thisan tawh, mei tawh, meikhute tawh.

HEBRAITE 12:27

Zia thumal, “Hi’lîng ding ka hi,” a ti hin, thil kilînglote chu a um den theina dingin, a kilîng thei thilsiamte chu chawn mang hi’n a, ti a hiatsak hi.

THUPUAN 6:12

Chun, tepte’na pagukna a phel lai tak ah chun, linlîng nasa tak a hung lîng a; chun nisa chu saidip puan vom gual in a hung vom ta, chuleh thapi le thisan a hung bang ziang tai.

THUPUAN 6:5

Chun, tepte’na pathumna chu a hun thap kit leh, thilhing pathum na chun, “Hung in,” ei hun ti ka he kit a. Tichun, ka vak et leh, sakol vom khat ka mu; a chung ah chuangpa chun a khut in bûkna a chawi a.

THUPUAN 6:6

Thilhing palite lak ah aw hileh kilawm in, “Gehu bu tê’na khat ni khat law ding, barli bu te’na thum ni khat law ding, thau leh uain kha vang susia kin,” ei ti ka hia’n.

THUPUAN 6:8

Tichun, ka et leh, sakol dâng khat ka mu kit ah; a chung ah chuangpa chu Thina a kiti’n; mithikhua chun a hun zui a. Chemjamte, kialte, hipite leh gamsate mang a lei mun li khen mun khat chung ah, mite thâ theina ding thilhitheina piak ahi.