MATTHAI 21:5 - PATHIAN LEKHABU THIANGTHO (BSI)

⁵ Zion chanu kiang in: En in, la lengpa chu kingaitawm tak in, sabiltung chung ah chuang in, sabiltungno ngei chung ah chuang in, a hung hi, ti’n la hil un, ti thu kha, a tia.

MATTHAI 21:5 ပူးပေါင်းရင်းမြစ်များ

THILSIAM THU 49:10

Laltiang chu Judah lak ah mang pua’n tin, vaihawmna laltiang chu a kêngkâl ah kipat bei diak pua’n a;

2 SAMUEL 16:2

Lengpa chun Ziba kiang in, “Bang ding ah zia haw hi la hun puak a hem?” ti’n a dong ah. Ziba chun, “Zia sabiltungte hi lengpa Inkuante chuanna ding, vaithum leh theiga minthakte hi tangvalte nêk ding, chuleh, zia uain hi gamthip ah a chau taphot dawn ding ka ti ahi,” ti’n a dawnhu tai.

1 LENGTE 1:33

lengpa chun a kiang un, “Lengpa suakte pui unla, ka chapa Solomon chu ka sabiltung chung ah chutsak unla, Gihon ah pui suk un.

1 LENGTE 10:26

Solomon in sakol kângtalai leh sakol le a lakhawm ah; ama’n sakol kângtalai sâng leh za li tawh, sakol sîng khat leh sang ni a nei ah; zia haw chu sakol kângtalai khawpite leh lengpa kiang ah Jerusalem ah chun a koikhawm hi.

SAM 9:14

nangma pâkna zosia chu hiatsak ing ka tin; Zion chanu kotkhakte ah chun, lei hukdawna ziak ah ka lim theina dingin.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 40:9

Aw Zion, chanchinpha hun tuntu, mual sâng chung ah kal to in. Aw Jerusalem ah chanchinpha hun tuntu, a ngai thei pen in kiko inla, kikodok inla, lau kin; Judai gam ah khawpite kiang in: “La Pathian uh zia hin a um hi,” ti’n hil un.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

EZEKIEL 34:24

Chun, Keima Lalpa hi a Pathian uh hi’ng ka tin; chuleh, ka suak David chu a lak ua hotu hita’n ah; Keima Lalpa hin zia gual chun ka gen ta’ngal a.

EZEKIEL 37:24

Ka suak David a chung un lal hita’n ah; tichun, belampu pakhat bep kikop ta’n au. Chuleh, ka dan bawlte zui ta’n tiu in; chuleh, ka thuguatte chingthei tak in mang ta’n au.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

MIKAH 5:2

Himaleh, nang Ephrath ah Beth-lehem, Judah phungneute lak ah khat himale chinle, nangma ah kipat in Israelte vaihawm piak ding, mi pakhat hung pawt ding ahi ngal a; a hung kipatna chu nidang lai ah, khanglui hun ah kipat ahi.

KISIMNA LEKHABU 24:19

Jakob ah kipat in lenggam luana bawl hi’ntin, khawpi ah suakcha sunte chu thagam hi’n au,” ti in.

MATTHAI 11:29

Ka ngawngkol hung puau in la, ka kiang in zil un: Lungthim ah nunnem leh kingaitawm ka hi; tichun, la thagau â ding un chawldamna mu’n lau.

MATTHAI 2:2

“Khoi ah a hem Judate lengpa hung piang chu? Sualam ah a aksi chu ka muu ah, ama chibai bûk ding ah hung ka hiu,” a tiu a.

MATTHAI 2:6

‘Aw, nang Judai gam ah Beth-lehem khua, Judai gam ah thuneite lak in neupen pua’n la; la sung ah kipat in vaihawmpa hung pawt ding ahi ngal in, ka mi Israelte chingpa ding chu,’ ti hi,” a tiu a.

MATTHAI 21:6

A nungzuite a vachiau a, Jesu’n thu a piak gual ah chun a vahiu a;

LUKA 24:27

Tichun, Mosi leh jawlneite lekhabu’n a pan a; Pathian Lekha ama chanchin kizik tapo chu a hilchian piak tai.

JOHAN 1:49

Ziaphatchun, Nathanael in a kiang in, “Rabbi, Pathian Chapa, Israelte Lengpa chu la hi!” a tia.

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

VAIHAWMTE 12:14

Ama’n chapa sawmli leh tupa sawmthum a nei ah; a chuanna ding uh sabiltung sawmsagi a nei ui; ama’n Israelte chung in kum giat vai a hawm hi.

VAIHAWMTE 5:10

Nanghaw sabiltung kâng chung ah chuangte haw, nanghaw puanpha sâ tak chung ah kichute leh, lampi chiate haw, ngaitua tiam un.