MATTHAI 20:2 - PATHIAN LEKHABU THIANGTHO (BSI)

² Ama chun ni khawtha’ a law ngai zat, denarii khat piak dingin a kihopi ah, a grep huan in a sawl tai.

MATTHAI 20:2 ပူးပေါင်းရင်းမြစ်များ

1 LENGTE 18:12

La kiangah kipat ka pawt daw phat leh, Lalpa thagau in nang chu ka hetlona mun ah a la paw mang intin; tichun, Ahab kiang ka tun ah ka hil ah ama’n a hun mu zaw lo phat leh, kei la suak hin ka tangval lai ah kipat Lalpa a la lau ta hi malengle, ama’n ei that mai ding ahi.

2 KHANGTHU 34:3

Kum giat bep mi ahi ah, naupang cha ahi in vai a hawm pan ah, a pu David gual in a Pathian lung lam chu a hawl ah; a lal kum sawm leh ni’na chun Judai gam leh Jerusalem khua chun thoimualte, dawikhuamte leh milim kisiam haw chu a subei thiang zo tai.

THUGENTU 12:1

La khangdawn lai ni hin a hun siamtu chu hezing inla, ni phalote a hung tun masang leh, “Kipakna him him ka nei puai,” la ti’na ding kum in a hun nai masang leh,

MATTHAI 18:28

Himaleh, zia suakpa ma ma chu a pawt ah, a suak chanpi, ama dangka za khat bapa chu a vaman a, la bat ei dit vak in, ti’n a gawl a mek piak ta’n.

MATTHAI 20:1

Van gam chu gam neipa, a grep huan ah nasem ding chial ah jingkal ma tak ah tho ah, pawtdok gual chu ahi.

MATTHAI 20:13

Ama chun a lak ua mi pakhat kiang in, Lawm, la chung un hi’khial bangma ka nei puai; ni khat law zat law ding ah kiho tuaksa hilo I hiu em?

MATTHAI 20:3

Dak kua vêl ah a vavakdaw leh, midang kaithial mun ah ding mai maite a vamu’n;

MATTHAI 20:9

Dak nga vêl in a mi goite a hung un, ni khat thaman zat chiat a muu a.

MATTHAI 22:19

Sia la piak sek uh dangka chu ei hun etsak tiam un,” a tia. Tichun, denarii dangka pek khat a hun piau a.

MATTHAI 9:37

Tichun, a nungzuite kiang ah chun, “Bu lâkkhawm ding a tam ten ngal in, himaleh, a sêm dingte a tawm ui.

MARKA 12:15

Pia ding ka hiu em, pelo ding?” a hung tiu a. Himaleh, ama chun a dawhau a la hia, a kiang un, “Bangatia ei ze-et la hiu em? Dangka thik denarii khat ei hun etsak tiam un,” a tia.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 10:35

A jing ah a nutsia ding kuan in, denarii dangka pani a ladok ah, khualbûk vêngpa kiang ah chun a pia, a kiang in, ‘Zia hin ama hi a la kaitua inla, zia khêl ah hi la sênna a um leh, ka hung kit phat leh hun dit ing ka’ a ti malam a.

LUKA 20:24

“A dangka chu ei etsak tiam un. A chung ah hin kua luchang lim leh kua min a hem um?” ti’n a dong a. Amau chun, “Kaisar,” a tiu a.

2 TIMOTHI 3:15

chuleh, Khrista Jesu ginna ziak ah hukdamna lam ah hun hil pilthei, Lekha Thiangtho kha la naupan lai ah kipat la het ahi tai, ti hezing in.

THUPUAN 6:6

Thilhing palite lak ah aw hileh kilawm in, “Gehu bu tê’na khat ni khat law ding, barli bu te’na thum ni khat law ding, thau leh uain kha vang susia kin,” ei ti ka hia’n.

1 SAMUEL 2:18

Samuel chu puan malngat ephod ah kithuam in, Lalpa âng in na a sêm a.

1 SAMUEL 2:26

Zia hun ah chun naupang Samuel chu hung khanglian jel in, Lalpa leh mipite doisakna chang in a khanglian deu deu tai.

1 SAMUEL 3:1

Tu’hin naupang Samuel chu Eli nuai ah Lalpa nasem in a umah. Zia hun lai ah chun Lalpa‘n mite kiang in thu a gen vâng ma maah; kilâkna mu le a um kha talua puai.

1 SAMUEL 3:21

Lalpa chu Shiloh ah chun a kilâk zing sek ah; Shiloh khua chun Lalpa chu Samuel kiang in a thu ah vakilâk zing sek ahi ngâl a.