MATTHAI 2:5 - PATHIAN LEKHABU THIANGTHO (BSI)

⁵ Amau chun a kiang in, “Judai gam Beth-lehem ah, jawlnei in zia gual hin a la zik hi:

MATTHAI 2:5 ပူးပေါင်းရင်းမြစ်များ

THILSIAM THU 35:19

Rakhel chu a thi ta’n, Ephrath khaw zotna lampi chun a vui tau a. (Ephrath khua chu Beth-lehem ahi.)

MATTHAI 2:1

Lengpa Herod hun lai ah, Judea gam Beth-lehem khua Jesu a hung pian in, sualam ah mipilte Jerusalem ah a hung un:

MATTHAI 2:4

Tichun, thiampu liante leh lekhazikte zosia a ko khawm ah, Messiah pianna ding mun chu a dong ta’n.

JOHAN 7:42

Pathian Lekha thu chun, ‘Messiah chu David suan ah kipat hung piang intin, David chênna khawpi Beth-lehem ah hung piang ding ahi,’ ti hilo a hem?” a tiu a.

JOSHUA 19:15

Kattath, Nahalal, Shimron, Idalah leh Beth-lehem: khawpi sawm leh ni, a khawpelteu cheng tawh a huap a.

VAIHAWMTE 17:7

Chun, Judah gam ah Beth-lehem khua kipat tangval pakhat a um a. Ama chu Levi chi, zia tak ah chu chêng ahi’n.

RUTH 1:1

Vaihawmte hun lai in, Judah gam ah chun kial a tung ah; Judah gam ah Bethlehem khua mi pakhat a ji tawh, a chapa panite tawh Moab gam ah vaum vak dingin a chiauah.

RUTH 1:19

Tichun, Beth-lehem a tun masang siau a paniu in a chia pek tau a. Beth-lehem a hung tun phat un, amaute ni ziak ah chun khua sung pumpi a kichok ziang ta’n; numeite chun, “Zia hi Naomi kha hilo a hem?” a tiu a.

RUTH 2:4

Zia lai tak ah chun, Beth-lehem khua kipat in Boaz a hung tung ah. A bu-âtte kiang in, “Lalpa‘n hun umpi zing hen,” a hun tia. A mau inle, “Lalpa‘n hun maljawl hen,” ti’n a dawnhuu a.

RUTH 4:11

Ziaphatchun, kul kot bul ah mipi umte leh upa zosia chun, “Kei uh a hiatpite ka hiu; la Insung ah hung lût numei hi Lalpa‘n Israel nam tung dingte ni, Rakhel leh Leah gual in siam ta hen. Nang inle Ephrath ah hin suan leh pâk nei inla, Beth-lehem ah hin min nei tak in um ta’n;

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.