MATTHAI 2:4 - PATHIAN LEKHABU THIANGTHO (BSI)

⁴ Tichun, thiampu liante leh lekhazikte zosia a ko khawm ah, Messiah pianna ding mun chu a dong ta’n.

MATTHAI 2:4 ပူးပေါင်းရင်းမြစ်များ

2 KHANGTHU 34:13

thil gik pawte enkâi ding leh, nasep tincheng entha ding ah guatdaw a hiu ah; chuleh, Levi phung ah mi khenkhatte chu lekha zik ding, vaihawm ding leh kotkhak vêng ding ah guat a hiu hi.

2 KHANGTHU 34:15

Hilkiah chun lekha zikpa Shaphan kiang in, “Lalpa In sung ah Dan Lekhabu ka mudok tai,” ti’n a gen ah; chuleh, Hilkiah chun zia Dan Lekhabu chu Shaphan kiang in a pedok a.

2 KHANGTHU 36:14

Thiampute lak ah hotute zosia leh mipite chunle, namdangte gual in nasa tak in thil ki’dak um takte chu bawl in, Jerusalem khua Lalpa In sukthian ah a la um ta chule a hun subuak dik dek kit zo tau hi.

EZRA 10:5

Ziaphatchun, Ezra chu a thodok ah, zia thu kigen gual ah chun thiampute lak ah challang deu deu leh Levite leh Israel mi zosia chu thutiam a bawlsak ta’n. Tichun, a leng un thutiam a bawl tau hi.

EZRA 7:6

zia Ezra chu Babulon ah kipat in a kuandok a. Ama chu Lalpa, Israelte Pathian in Mosi kiangah dan thu a la piakte dan thiam tak mi ahi’n; Lalpa a Pathian doisakna chang ahiziak in, Lengpa kiangah a dot taphot chu phal piak in a um hi.

NEHEMIAH 12:7

Sallu, Amok, Hilkiah leh Jedaiah a hiu ah. Ziate hi Jeshua hun ah thiampute leh a kithuapiteu chu a hiu hi.

SAM 2:2

Lei ah lengte a pung khawm un, vaihawmte chule Lalpa leh a sathaunu’ lanna ding thu a gen khawm un;

JEREMIAH 8:8

Bangtidan ah lekhaziktu zuauthei te’n, diklo tak ah a zik nung unle, “I pil un, Lalpa dan I zui ui,” ti’thei nalai la hiu em?

MALAKI 2:7

Thiampu chu sepai honte Lalpa tângsampa ahiziak in, a mûkte chun hetna a chintûp ah, mipite’n ama kam ah kipat zilsakna dik chu a hawl sek diu ahi ngal a.

MATTHAI 13:52

Ama chun a kiang un, Chuti ahileh, lekhazik ah pang hingal ah van-gam thu ah nungzui a hung um tapo chu, Inneipa a gobawm ah thil lui leh thil thak suadok sekpa gual chu ahi, a tia.

MATTHAI 2:3

Lengpa Herod in zia chu a het phat in a lauthawng ta’n, Jerusalem ah mi zosia le a lauthawng tau hi.

MATTHAI 2:5

Amau chun a kiang in, “Judai gam Beth-lehem ah, jawlnei in zia gual hin a la zik hi:

MATTHAI 21:15

Thiampu lalte leh lekhazikte chun a thilmak bawlte chu mu’n tempul ah naupang kikote’n, David Chapa kiang ah Hossana! a tiu chu a het phat un a lungna tau a;

MATTHAI 21:23

Tempul ah thu a gen lai tak in, thiampu lalte leh mipi lak ah upate a hung lut un, bang thuneina nei ah, zia thilte hi bawl la hem? Chuleh, zia thuneina hi kua hun piak a hem? a hung tiu a.

MATTHAI 26:3

Zia hun ah chun thiampu lalte leh lekhazikte leh upate chu, thiampu lianpen Kaiapha leng In ah a kikhawm un.

MATTHAI 26:47

Zia gual ah chu a gen lai tak in, sawm leh nite lak ah pakhat Juda kha a hung tung ah, thiampu lalte leh lekhazikte leh upate pui huai mipi tam tak, khetbûk tawh, chemjam tawh a hung tau a.

MATTHAI 27:1

Jingkal phatin, thiampu lalte leh upate zosia, chuleh, mipite chun Jesu tha ding dan chu a ngaitua tau a.

MATTHAI 7:29

Ama chun a lekha zikteu gual ah thu gen lo in, thunei tak gual ah a gen zawk ziak ahi.

MARKA 8:31

Ziaphatchun, “Mihing Chapa hin thil tam tak thuak intin, upate leh thiampu lalte leh, lekhazikte doi lo in um intin; himaleh, ni thum zaw leh tho kit ding ahi,” a tia.

LUKA 20:19

Lekhazikte leh thiampu lalte chun zia tekhinthu chu amau kawk ah a gen ahi ti a het phat un, a chung ah khut thâk ngal a nuam tau a; himaleh, mipite chu a lau kit tau hi.

LUKA 23:10

Ziaphatchun, thiampute leh lekhazikte chu a hung kipan ua, a hêk thei chan un a hun heksia tau a.

JOHAN 18:3

Juda chun, thiampu lalte leh Pharisaite hun sawl pawsal hon lawi khat leh miman hotute a hun pui a, thaumei tawh, meisel tawh hiam leh thal tawh a hung tau a.

JOHAN 3:10

Jesu’n a dawnhu a, Israelte hotu pakhat la hingal ah, bangatia ziate hi hethei lo la hem?

JOHAN 7:32

Ama chungchâng ah chun mipi a phun ui ti Pharisaite’n a hun he tau a; tichun, Pharisaite leh thiampulalte chun ama man dingin miman hotute a sawl tau a.

JOHAN 8:3

Zia tak ah chun, lekhazikte leh Pharisaite chun, numei ângkawm pakhat a mat uh chu a hun pui ua, a lai un a dinsak tau a;

NASEPTE 23:9

Nasa tak in a kiko veng vung tau ah, Pharisaite lak ah lekhazik khenkhatte chu langpan in, a hung dingdok ua: “Zia mi hi a mawna ka mu puau: Thagau a hem, vansawlchâk a hem in a kiang ah thu a la gen hi kha taleh, Pathian dodâl hi khai tiu,” a tiu ah, a nialkãl lam in a hung pang tau a.

NASEPTE 4:5

A jing ah chun, a vaihawmteu, a upateu leh a lekhazikteu chu Jerusalem ah a hung khawm un,

NASEPTE 6:12

Tichun, mipi leh upate leh lekhazikte chu a hun tîlsia tau a; chun, ama chu a hung man ua, vaihawmte ma ah a hun pui lût tau a.