MATTHAI 2:20 - PATHIAN LEKHABU THIANGTHO (BSI)

²⁰ “Tho inla, nausen leh a nu chu Israel gam ah pui kit ta’n; nausen tha gawte kha a thi tau hi,” a tia.

MATTHAI 2:20 ပူးပေါင်းရင်းမြစ်များ

1 LENGTE 11:21

Aigupta gam ah Hadad in, David kha a pu leh pate kiang in a ipmu tai, ti leh sepaite hotu Joab a thi tai, ti a het phat in, Pharaoh kiang in, “Ka gam lam ah ka chiatheina dingin ei pawt dawsak in,” ti’n a don a.

1 LENGTE 11:40

Ziaziakchun, Solomon in Jeroboam thalup a gaw ta’n; himaleh, Jeroboam chu kin tak in Aigupta gam lam ah, Aigupta Lengpa Shishak kiang in a jam mang tai. Solomon thi’tiang in Aigupta gam ah a um den tai.

PAWTDAWNA THU 4:19

Chuleh, Midian gam ah chun Lalpa chun Mosi kiang in, “Aigupta gam ah chia kit ta’n, nangma thâ ding ah hun hawl zosiate khale a thi zo tau hi,” a tia.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:19

Herod chu a thi phatin, Lalpa vansawlchâk chu Aigupta gam ah Joseph mang in a vakilâk a.

MATTHAI 2:21

Tichun, Joseph chu a kipan a, nausen leh a nu chu Israel gam zuan in a pui to tai.