MATTHAI 2:12 - PATHIAN LEKHABU THIANGTHO (BSI)

¹² Chuleh, Herod kiang ah chia kit talo dingin a mang ua hil ah a um ziak un, lampi chuam in a gam lam un a chia kit tau hi.

MATTHAI 2:12 ပူးပေါင်းရင်းမြစ်များ

THILSIAM THU 31:24

Ahi’n, Aram mi Laban kiang ah chun jan ah a mang in Pathian a kilâk ah, “Jakob kiang in a sia hi’n, a pha hileh bangma gen lo dingin chingthei in,” a ti’n.

PAWTDAWNA THU 1:17

Himaleh, naulaidomte chun Pathian a lau un; Aigupta lengpa thupiak gual ah bawl lo in, pawsal nausente chule a la hinghoi sek un.

DANIAL 2:19

Ziaphatchun, jan mang in Danial kiang ah zia thugûk chu hiatsak in a um ta’n; tichun, Danial in van Pathian chu a chawihoi tai.

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:19

Herod chu a thi phatin, Lalpa vansawlchâk chu Aigupta gam ah Joseph mang in a vakilâk a.

MATTHAI 2:22

Himaleh, Arkelaus, a pa Herod thasâng in Judai gam ah leng in a pang hi ti a het phat in, zia tak ah chia chu a lau a. Chun, a mang ah hil ah a um gual in, Galili lam in a chia zaw tai.

MATTHAI 27:19

Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.

LUKA 2:26

Lalpa Messiah chu a mu masangsia thilo ding ahi dan, Thagau Thiangtho chun a la hiatsak a.

NASEPTE 10:22

Amau chun, “Kornelia kiti, sepai za hotu, mi ginum tak leh Pathian kicha tak ah khawsa leh, Juda nam zosiate lak ah le minpha tak ah um chu, Pathian ah kipat hung vansawlchâk thiangtho hiatsak in, a In ah nangma vachia ah, la thugen a ngaithâk theina dingin a hung ko ding ah ei sawl ah, hung ka hiu,” a vatiu a.

NASEPTE 4:19

Himaleh, Peter leh Johan chun a dawnhuu ah, “Pathian mit mu ah chun Pathian thu mat sâng ah nang uh thu mat jawk chu dik ding a hem, ti hi ngaituau in;

NASEPTE 5:29

Himaleh, Peter leh apostolte chun a dawnhuu a, “Mihing thuneina sâng ah Pathian thu ka mat zawk diu ahi.

1 KORINTH 3:19

Zia khawvel pilna hi Pathian ngai in ngolhuai tak ahi ngal a: “Ama’n mipil chu a dawha thûknau in a man sek hi,” ti zik gual in.

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.

HEBRAITE 8:5

Mosi’n biakbûk a sak dingin Pathian in ahi ding dan a hil a, “Tâng ah ka hun etsak dungzui khan pha tak in en inla, bangkim zia gual tak ah khan bawl in,” a ti gual in; amau chun van lam thil etsakna a lim a la bawl ahi.