MATTHAI 19:5 - PATHIAN LEKHABU THIANGTHO (BSI)

⁵ Ziaziakchun, pawsal in a nu leh pa nusia in, a ji chu jawm ta’n tin, panite chu pumkhat hung hita’n au, ti hi la sim kha puau em?

MATTHAI 19:5 ပူးပေါင်းရင်းမြစ်များ

THILSIAM THU 34:3

Chuleh, a lungthim chu Jakob chanu Dinah chung bep in a um zing ta’n; zia nungak chu a hepi in, a ho pha ma ma a.

2 SAMUEL 1:26

Ka suapi Jonathan, nang chung ah lungngai ka hi; kei â ding ah la ngainat um siat tawh! Lei hepina hi a mak talua’n, numeite hepina sâng in a thupi zawi.

1 LENGTE 11:2

zia a ji lâk khawm namte chungchâng thu ah chun, Lalpa chun Israelte kiang ah zia gual hin a gensa ahi: “Amau numeite chu kichenpi kiu in la, nang uh numeite chule ji’n nei sak diak kiu in; achutiloleh, a pathianteu lam in la lungthim uh hun kai hei kha’n au,” ti in. Ahi’n, Solomon chu numei doichâkna’n zia numeite lam ah chun a kihei ta ahi.

SAM 45:10

Aw ka chanu, la bil hun daw in ngai inla, ngaitua tiam in, la mite leh la pa In lam kha hemil ta’n,

SAM 63:8

Ka hinna nangma ah a bek den zing a; la khut changlam in lei kaibât zing hi.

MALAKI 2:15

Ama chule Pathian pakhat in a siam hitho lo a hem? A phe leh vo leh a thagau chule Pathian â hitho lo a hem? Ahileh, Pathian pakhat chun bang a hem a dawi? Pathian ngaisak thilpiak ngei chu ahi. Ziaziakchun, ki-enchian unla, kuama’n a khangdawn lai ji chu lepbawl kiu hen.

MATTHAI 19:6

Pani a hita puau ah, taksa pumkhat ahi zaw tau hi. Ziaziakchun, Pathian in a zopkhawm tâk chu mihing in khen ki’hen, a tia.

ROMTE 12:9

Hepina chu dawha panglo hihen la. Thil phalo chu huau inla, a pha chu tudet tau in.

1 KORINTH 6:16

Nawchizuak pakhat tawh kizom chu taksa ah le pumkhat ahi tau ti helo la hiu em? “Mi pani chu pumkhat hita’n au,” ti ahi ngal a.

1 KORINTH 7:2

Ahi’n la, thanhuainate a um sek ziakin pawsal in ji kinei chuam hen la, numei inle pawsal kinei chiat uh hen.

1 KORINTH 7:4

Ji chun a taksa chung in thu a nei pua’n, a pawsal in thu a nei zawi; zia gual ma chun pawsal inle ama taksa chung in thu a nei pua’n, a ji’n thu a nei zaw ahi.

EPHESA 5:31

“Ziaziakchun, pawsal chun a nu leh pa nusia in a ji chu zawm ta’n tin, pumkhat hung hita’n au”.

DAN LEKHABU 10:20

Lalpa la Pathian uh la lau ding uh ahi’n; ama bep chu la biak ding uh, ama min bep la vop det ua, ama min bep in la kihaksial sek ding uh ahi.

DAN LEKHABU 11:22

Lalpa la Pathian uh la hepiu ah, a lampi zosia la hawu ah, ama la tukdet zing ua, gunchu tak ah zia ka thupiak zosia hi la zop phot uh chun,

DAN LEKHABU 4:4

Lalpa la Pathian uh bêl zing taphot vang, tu’ni tiang hin hing leh dam in la um chiat nau hi.

1 SAMUEL 18:1

David in Saul kiang ah thu a gen zaw phatin, Jonathan in David chu a lungsiat ma ma ziang ta’n; tichun, ama a kilungsiat gual tuk in David chu a lungsia tai.

1 SAMUEL 25:43

David in Jezreel mi Ahinoam le a la kichenpisa ahi’n; tichun, a paniu in ji’n a nei kop tai.