MATTHAI 18:3 - PATHIAN LEKHABU THIANGTHO (BSI)

³ Titakzet in ka hil la hiu, la lung uh la hun hei ua, naupangte gual ah la umlo ua leh van-gam ah lut pua’n lau.

MATTHAI 18:3 ပူးပေါင်းရင်းမြစ်များ

SAM 131:2

Nausen nawichep hâita a nu kiang ah, a bî hiat hiat gual in, ka hinna ka bîsak in, ka thipsak hiat hiat ta’n; ka hinna hi nau nawichep a bî gual in, ka kiang in a bî tai!

ISAI 6:10

Zia mipite ngaituana hi hi’chau inla, a nakhang uh le hi’ngong inla, a mit uh le hi’thûm piak in; achutiloleh, a mit un mu’n tin uh, a bil un ngaitha’n tin uh, a ngaituanau in hechian in, hung kihei kit in, sukdam in um kha’n au,’ ti’n vagen in,” a ti’n.

MATTHAI 13:15

Zia mite lungchang hi a ngong zo ta’n, a bengteule a ngong zo tai, a mit uh a sîng un, achutiloleh, a mit un en in mu kha’n tiu in, a bil un he kha’n au; a lungthim un hethiam intiu in; hung kihei kik kha’n tiu in; amau a la hi’dam kha’ng ka, a ti kha.

MATTHAI 18:2

Jesu’n naupang neucha khat a kiang in a ko ah, a lak un a dinsak a:

MATTHAI 18:4

Kuale zia naupang gual ah kingainiam tapo chu, zia mi chu van-gam ah a lopi pen hung hiding ahi.

MATTHAI 19:14

Himaleh, Jesu’n a het phat in, “Naupangte kha ka kiang in hung sak unla, a la zada kiu in; van-gam chu zia tawhbang mite â ding chu a hingal in,” a tia.

MATTHAI 19:23

Jesu’n a nungzuite kiang in, “Titakzet in ka hil la hiu, mi hausa van-gam ah lut ding chu a haksa ahi.

MATTHAI 5:18

Titakzet in ka hil la hiu, Lei leh Van a manthai masia, Dan thu sutvom neucha a hem, zikvom neucha a hem, a leng ua a tunkim masang sia pakhat chale mangthai pua’n a.

MATTHAI 5:20

Ka hil la hiu, Pharisaite leh Lekhazikte felna hi la khûp lo ua leh, van-gam chu lut lo hial ding la hiu.

MATTHAI 6:16

An la ngawl tak ua leh le mi phalêmte gual in ngui mêl pu kiu in; amau chun mi mit mu ah anngawl a hiu kilat theina dingin, a mêl uh a hinâng chiat chuat sek ui. Titakzet in ka hil la hiu, a kipakman uh chu a mu zo tau hi.

MATTHAI 6:2

Chutichun, tasam kiang ah thil khat la piak in, miphalêmte’n mi pakchât a law theina ding ua kikhopna Inte, khawlai dungte ah a piak sek gual uh hin la malam ah pengkul mûtsak in suklat gaw kiu in. Titakzet in ka hil la hiu, a kipakman uh chu a mu zo tau hi.

MATTHAI 6:5

La pauchap phat leh, miphalêmte gual ah la hi’ding ahi puai; amau chun mi mutheina ding sunagog leh, khawlai lamka bul ah te’n a pauchap nuam diak sek ui. Titakzet in ka hil la hiu, a kipakman uh chu a mu zo tau hi.

MARKA 4:12

achutiloleh, ‘En maleu, a muchian lona ding un; bil in he maleu, a het thiam lona ding un; achutiloleh, hung kihei kit intiu in, ngaidam hi kha’n au,’ ” a tia.

LUKA 13:24

“Kotkhak neu ah chun lut ham ham un; ka hil la hiu, mi tam tak in lutna ding hun hawl intiu in, himaleh, lut thei pua’n au.

LUKA 22:32

himaleh, la ginna a basap lona dingin ka hun pauchap piak hi; la hung kihei kit tak leh la suapite la hun suk-hat ding ahi,” a tia.

JOHAN 1:51

Titakzet in ka hil la hi, tu’nung leh van kihong ah, Pathian vansawlchâkte Mihing Chapa chung ah kum suk leh kal to hun mu ding la hi,” a tia.

JOHAN 3:3

Jesu’n a dawnhu a, “Titakzet in ka hil la hi, mi chunglam ah kipat a pianthak lo chun, Pathian gam muthei pua’n a,” a tia.

JOHAN 3:5

Jesu’n a dawnhu a, “Titakzet in ka hil la hi, mi kuale, tui leh Thagau ah a pianlo chun, Pathian gam lutthei pua’n a,

NASEPTE 14:22

“Sukgentheina tam tak thuak in, Pathian gam I lut ding him uh ahi,” ti’n nungzuite lungthim chu a hi’det un, ginna umzing dingin a tîlkho malam pek tau a.

NASEPTE 28:27

Zia mite lung hi a la tâk ta’n, a bil uh a la ngong ah, a mitteu le a si’ng un, achutilo leh a mit un mu’n tiu in, a bil un hia’n tiu in, a lung unle he ta’n tiu in, kihei kit intiu in, Keima’n a la hi’dam kha ding ka hi, ti hi.

NASEPTE 3:19

Ziaziakchun, la gitloteu thaimang ah a umtheina dingin la lung uh hei unla, Pathian kiang lam ah hung kinung hei kit un;

1 KORINTH 14:20

Suapite haw, ngaituana lam in chapang kiu in; phatlona lam in nausen hiu inla, ngaituana lam in piting hiu in.

1 PETER 2:2

Hukdamna la khanlet theina ding un, nausen piang limte gual in, thagau lam nawitui thiang chu ducha zing un;

2 PETER 1:11

Tichun, Jesu Khrista I Lalpa leh Hukdampau kumtuang gam ah lûtna chu musak in au.