MATTHAI 18:12 - PATHIAN LEKHABU THIANGTHO (BSI)

¹² Bang la ngaituau em? Mi pakhat in belam za khat nei hen la, a lak ua pakhat chu mang ta leh, sawmkua leh kuate chu nusia in tâng ah te chia in, a mang pen chu vahawl lo ding a hem?

MATTHAI 18:12 ပူးပေါင်းရင်းမြစ်များ

1 LENGTE 21:17

Ziaphatchun, Tishbi mi Elijah kiang in Lalpa‘n thu a hun gen a:

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:28

Nam tinte suam dingin um kit ta pua’n tiu in, gamlak ah sa te’nle ne kit ta pua’n au; bit tak in chêng muang ta’n tiu in, kuama’n hi’lau ta pua’n au.

EZEKIEL 34:4

A jawngkhalte som nuam lo in, a damlote la kaitua puau ah, a liamte la tuam puau ah, a vâkmangte la hawl khawm puau ah, a gam mangte hawl nuam lo in a chung un nunsia tak leh huham tak in vai la hawm sek ui.

EZEKIEL 34:6

Ka belamte a kithejak zo tau in, mual tin, tâng tin ah a vâk chek zo tau hi; ka belamte chu lei chung mun tin in a vâk chek zo tau in, kuama a hawl ding leh a kan zui ding a um puau hi.

MATTHAI 12:11

Ama’n a kiang un, “La lak ua mi pakhat in, belam pakhat bep nei in kawkhûk in ke’lut taleh, kua a hem zia chu kaidok lo ding?

MATTHAI 18:13

Tichun, a hun mudaw kit tak leh, titakzet in ka hil la hiu, a vâkmang lo sawmkua leh kuate chung sâng in, a mudaw kit pakhat chung ah chun kipak zaw ma ma ding ahi.

MATTHAI 21:28

Bangti’n la ngai awm? Mi pakhat in chapa pani a nei in; a chapa khatnapa zawk kiang ah chun, ka chapa, tu’ni hin grep huan ah vakuan in, a tia.

MATTHAI 22:42

Messiah kiti hi bangti’n la ngaituau em? Ama chu kua cha a hi, la tiu em? a tia. Amau haw chun, David Chapa, a tiu a.

1 KORINTH 10:15

Mipilte kiang ah gen gual in ka gen la hiu; ka thugen hi ngaitua un.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.