MATTHAI 18:10 - PATHIAN LEKHABU THIANGTHO (BSI)

¹⁰ Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MATTHAI 18:10 ပူးပေါင်းရင်းမြစ်များ

2 SAMUEL 14:28

Tichun, Absalom chu Jerusalem ah lengpa mêl mu lo in kum ni ving veng a um ta’n.

1 LENGTE 22:19

Ziaphatchun, Mikaiah in, “Ziaziakchun, Lalpa thu a la ngai in: Lalpa chu a lalchutpha chung ah kichu’n ka mu’n, a kiang in van sepai zosia chu a vei leh chang in a ding un.

ESTHER 1:14

lengpa bân tak ah thuneite chu Karshena, Shethar, Admatha, Tarshish, Meres, Marsena leh Memukante leh Persia leh Media gam sung ah milian pasagite, lengpa âng ah lut leh pawt sek, a lenggam sung ah milian ah pangte chiat chu a hiu ah; a kiang un:

SAM 15:4

a mit ua mi nunsiate simmaw a, Lalpa laute ngaisâng ah; ama liamna ding tiang ah le a thutiam ah ding det ah, a tiamsa hi’danglam kit ngailo mite;

SAM 17:15

Ke’n vang, dikna’n la mêl en ing ka tin; nangma kibatpina nei ah ka hung dindaw phat leh, ka lung kim ta’n a.

SAM 34:7

Lalpa kichate chu a vansawlchâk in a ûm kîmvêl hen, a hukhing sek hi.

SAM 91:11

La lampi tincheng ah hun vêng dingin, la chung thu ah a vansawlchâkte, thu pia ding ahi ngal a.

ZEKARIAH 13:7

“Aw chemjam, hung tho inla, ka belampu leh keima ei kithuapipa chu hun sât in,” sepai honte Lalpa chun a ti ahi. Belam honte a taijak theina ding un belampu chu sât inla; a note chung ah ka khut tha ta’ng ka.

ZEKARIAH 4:10

Kuale, thil neucha nite musit taphot chu hung kipak intin; Zerubbabel khut ah etdikna um chu a la mu ngei in au. Zia mit pasagite hi Lalpa mit, kawlkil zosia mu suak chu a hi, a ti’n.

MATTHAI 1:20

Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

MATTHAI 12:20

Zo ding ah vaihawmna a sawldaw masia chu, luangkang subong pua’n tin, khuailu thaumei le sumit diak pua’n a.

MATTHAI 18:14

Zia gual ma chun, zia mi neute lak ah pakhat ziang manthai hile, la Pau van ah um lung lam ahi puai.

MATTHAI 18:6

Himaleh, kuale zia tawhbang mi neu, keima ei gingte lak ah pakhat cha hile kipûksak chu, a ngawng in buhêkna suang kikhâi hen la, tuisuagiat thuk tak ah kisep lut leh ama â dingin pha zaw’n a.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:19

Herod chu a thi phatin, Lalpa vansawlchâk chu Aigupta gam ah Joseph mang in a vakilâk a.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

LUKA 16:22

Mi gentheipa chu a hung thi ta’n, vansawlchâkte’n a pui ua, Abraham ângsung in a koi tau a. Mi hausapa chule a hung thi ta’n, a vui tau hi.

NASEPTE 10:3

Ni khat chu nitâk lam dak thum ding vêl ah hin, Pathian vansawlchâk pakhat a kiang in a hung kilâk ah, “Kornelia,” ti’n a hun ko a.

NASEPTE 12:15

Himaleh, amau chun, “A ngol la hita maw!” a tiu a. Ama chun, “Ahi tak tak hi,” a tia, a pang tei tei a. Chuleh, amau chun, “A vansawlchâk ahi chu,” a tiu a.

NASEPTE 12:23

Ziaphatchun, ama’n Pathian kiang ah lopina a piak lo ziakin, Lalpa vansawlchâk in phutlo in a gawt ah, gûlkût in a ne, a thi tai.

NASEPTE 27:23

Tu’jan ngei ah khan, ka Pathian leh ka ho sekpa vansawlchâk ka kiang in a hung ding a,

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

ROMTE 14:10

Aleh, nang in bangatia la suapi chu gensia la hem? ahiloleh, bangatia la suapi chu musit ziang la hem? I leng un Pathian vaihawmna chutpha ma ah ding chiat ding I hingal un.

ROMTE 14:21

La sa nêk a hem, la zudawn a hem; ahiloleh, la thilbawl pakhat pen pen chun la suapi a kiliksak chun, zia chu thilpha ahi puai.

ROMTE 15:1

Eimau a hatte hin, eimau kipakna ding mai hawl lo in, a hatlote titlona chu I ngaithiam diu ahi.

1 KORINTH 11:22

Bangti a hem? Nêk leh dawnna ding In, la nei puau ah a hem? ahilo leh, Pathian kochuam hi mutawm ah, bangma neilote chu sukmualpho gua la hiu em? La kiang un bang gen ding ka hi em? Pâkcha ding ka hem? Zia thu ah hin ka hun pâkcha thei puai.

1 KORINTH 16:11

Kuama’n a la musit kiu in. Ka kiang a hung tun theina dingin, thamuang tak in chiasak unla, unau dangte kha tawh mu pai kinêm in ka ngâk zing hi.

1 KORINTH 9:22

A jawngkhalte ka lâk lut theina dingin, a jawngkhalte kiang in jawngkhal gual in ka um sek hi. Bangti a hem ah khenkhat bêk ka hukdaw theina dingin, mi zosia kiang in bangkim ka hi tai.

2 KORINTH 10:1

Kei Paul, la mit muu ah thunuaigol tak ah um ah, la lak ua ka umlo phat leh khau sek hin, Khrista jaidamna leh nunnemna’n ka don la hiu.

2 KORINTH 10:10

“A lekha zikte hi a gik in a khau ah, a taksa vang a jawngkhal ah, a paule a thasit um hi,” a tiu a.

GALATIA 6:1

Suapite haw, mi kuale a hi’khelna matdaw in um taleh, nang uh thagau mite haw, thepna tuak kha’ng ka ti ah kivêng pha kawm in, zia gual mi chu tungding kit un.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.

1 TIMOTHI 4:12

La khangdawng hi’na kuama’n hun musit ki’hen; himaleh, pau dan leh tawidan, hepina, ginna leh thianthonate ah chun gingtute etton dingin um zaw ta’n.

HEBRAITE 1:14

Vansawlchâkte haw zosia chu, hukdamna chang dingte nasem ding ah sawldaw thagau hilo a hiu em?

HEBRAITE 9:24

Khrista chu khut ah sak Munthiangtho, a tak etsakna mai ah chun a lut pua’n; ei uh â ding ah Pathian umna van mun ah chun a lut zaw tai.

THUPUAN 8:2

Ziaphatchun, Pathian ma ah vansawlchâk pasagi ding ka mu’n; pengkul pasagi a hun piau a.