MATTHAI 16:23 - PATHIAN LEKHABU THIANGTHO (BSI)

²³ Jesu chu a kihei ah, Peter kiang in, Setan, ka nung ah chia in! Kei â dingin pûkna la hi; Pathian thilte ngaitua lo in mihing thilte la ngaitua ahi, a tia.

MATTHAI 16:23 ပူးပေါင်းရင်းမြစ်များ

THILSIAM THU 3:17

Chuleh, Adam kiang in: “La ji thu la nung ah, thing pakhat, a ga la nêk lo ding ti ah thu ka piak, la nêk ziakin, leisiat hi nangma ziakin, hânsialaw in a um tai; la dam sung sia gim tak ah sêm in, a ga ne ta’n la tin;

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

1 KHANGTHU 21:1

Israelte kilanpi dingin Setan a hung kipan ah, Israel mipi bulu dingin David a hun chokphûl ta’n.

ISAI 8:14

Ama chu mun thiangtho leh mite kisuina suang hung hi’n a; Israel Inkuante â ding ah kipal pûkna suangpi hi’ntin, Jerusalem ah chêngte â ding ah chun thâng leh pial hung hi’n a.

MATTHAI 16:22

Ziaphatchun, Peter in ama chu pui chuam in a vau a, Lalpa, zia gual chu la chung in tung ki’hen, ti’n a gen a.

MATTHAI 18:7

Pûknate ziakin khawvel chung a gik hi! Pûknate vang a umlo theilo ahi; himaleh pûkna hun umsak sekte chu a chung uh a gik hi!

MATTHAI 4:10

Ziaphatchun, Jesu’n a kiang in, “Setan, chia mang in! ‘Lalpa la Pathian chibai bûk inla, ama na bep sêm in,’ ti zik ahi,” a tia.

MARKA 8:33

Himaleh, ama chu a kihei ah, a nungzuite chu a en ah, Peter chu a vau ah, “Setan, ka nung ah chia in, Pathian thilte ngaitua lo in, mihing thilte la ngaitua zaw ahi,” ti in.

LUKA 4:8

Jesu’n a dawnhu, a kiang in, “Lalpa la Pathian chu chibai la bûk ah, ama na bep la sep ding ahi, ti zik ahi ngal a,” a tia.

JOHAN 6:70

Jesu’n a dawnhu, “Nanghaw sawm leh nite hi keima hun têl hilo la hiu em? Ahi’n, la lak ua pakhat Diabol la hi zing ui,” a tia.

ROMTE 14:13

Ziaziakchun, kuama kigensia tua ta puai tiu; zia malak ah chun, kuama’n a suapi ma-âng in, pûkna thei a hem, kipalpâi theina ding a hem bawl piak lo dingin kivêng zawi tiu.

ROMTE 14:21

La sa nêk a hem, la zudawn a hem; ahiloleh, la thilbawl pakhat pen pen chun la suapi a kiliksak chun, zia chu thilpha ahi puai.

PHILIPPI 3:19

Zia mite tawpna ding chu manthaina ahi’n, a pathian uh chu a gilpiu ahi; a kilopisaknau chu a mualphonau ahi; a lungthim un lei thilte a koi ui.

KOLOSSA 3:2

chung lam ah thil umte ah chun la lungthim uh nga’n, lei ah thil umte chun kinga ta kiu in.