MATTHAI 13:44 - PATHIAN LEKHABU THIANGTHO (BSI)

⁴⁴ Van gam chu lou ah go phumguk gual ahi kit hi: Zia chu, min a mu’n, a sêlgu, kipak tak in a chia ah, a nei zosia zuak in zia lou chu a chaw tai.

MATTHAI 13:44 ပူးပေါင်းရင်းမြစ်များ

JOB LEKHABU 28:13

Mihingte’n a lampi a hepuau ah, hing leh damte gam ah hin mu zaw ahi puai.

THUPILTE 16:16

Pilna nei hi sana nei sâng in a phazaw na lawm lawm e! Hetthiamna nei chu dangka sâng ah le têl zawk ding ahi.

THUPILTE 17:16

Zilna ding lungthim bawn neilo, mingol khut ah chun pilna man ding kipe laizang ding a hem?

THUPILTE 18:1

Mi kholbîk chun ama ângsung bep a khual hen, pilna dik zosia chu bangma’n a ngai puai.

THUPILTE 23:23

Thu tak chu chawn la, zuakdok kit ta kin; pilna, hilna leh het thiamnate hi kichawk in.

ISAI 55:1

Dangchâk zosia tui tamna lam ah hin hung un; dangka neilote le hung unla, hung kichawk in dawn un! Hung unla, uain leh bawngnawi, dangka ngai lo in, a man bei in hung kichawk tau in.

MATTHAI 13:24

Tekhinthu dang khat a gen kit ah: Van-gam chu mi pakhat, a lou ah chipha the’ gual chu ahi.

MATTHAI 13:46

ama’n suang mantam man pha tak khat a vamu’n, a chia ah, a nei zosia zuak in a chaw tai.

MATTHAI 13:47

Chuleh, van-gam chu tuisuagiat ah lên kisep, sanga chitin khu’khum gual chu ahi kit hi.

MATTHAI 19:21

Jesu’n a kiang in, “Pha bukim ah um la nop chun chia inla, la nei zosia zuak inla, migentheite kiang in pia’n, zia tak chuleh van ah go nei inla: Chuleh, hung inla ei zui in,” a tia.

MATTHAI 19:27

Peter in a hun dawnhu a, ngaitia, kei un bangkim nusia in ka hun zui un; bang ka mu diam uh le? a tia.

MATTHAI 19:29

Kuale ka min ziak ah In a hem, a suapipa a hem, suapinu a hem, a nu a hem, a pa a hem, a ji a hem, a cha a hem, a gam a hem nusia chun, a le, za’n mu’n tiu in, kumtuang hinna chang in au.

MATTHAI 6:21

La go umna taphot un, la lungthim uh le um ding ahi ngal a.

LUKA 14:33

Zia gual ma chun, kuale a nei zosia nusia ngam lo chu ka nungzui hitheilo ding ahi.

JOHAN 6:35

Jesu’n a kiang un, “Keima hi hinna vaithum chu ka hi, ka kiang ah hung tapo chu a gilkial ngai pua’n tin, ei ging tapo chu bangmatik in a dangchâk ngai ta pua’n a.

ROMTE 15:4

Pathian Lekha thu, ngilneina leh kitilkhona chung ah kinepna I nei thei zawkna ding un, malai ah thu a la kizikte kha, eimau kihilna ding ah zik a la hingal a.

KOLOSSA 2:3

Ama ah chun pilna leh hetna go zosia chu a kisêlgu ahi.

KOLOSSA 3:16

Khrista thu chu tam tak in nangmau ah umsak un, pilna chitin ah kizilsak leh, kihiltua ah um in, kipakna lungthim tawh Pathian kiang in, pâkna La te, Pathian La te, thagau lam La te sa in;

HEBRAITE 10:34

Kolbutte chu la lainat ua, van ah thil phazaw leh a um zing dingte la nei ui ti kihia’n, la thil uh a lâkpiak lai unle kipak tak in la thuak tau hi.

THUPUAN 3:18

la hung hausak theina dingin, sana mei ah hâl thian leh, la ngawnchang hina a kilat lona ding, puan vâm tawh ka kiang ah hung chaw ding leh, la mutheina ding ah la mit nu’ ding damdawile hung kichawk dingin, ka hun thumop la hi.