MATTHAI 13:25 - PATHIAN LEKHABU THIANGTHO (BSI)

²⁵ Himaleh, mite i-mut kâl in a mêlma a hung ah, a bu lak ah chun bulêm a la the’ piak ah, a chia mang tai.

MATTHAI 13:25 ပူးပေါင်းရင်းမြစ်များ

1 LENGTE 3:20

Jankhang lai ah chun a thodok ah, la suaknu hi ka i-mut kâl in ka kiang ah kipat ka chapa chu a la’n, a âng in a sial ah; ama cha thisa chu kei kiang in a hung sial a.

MATTHAI 13:24

Tekhinthu dang khat a gen kit ah: Van-gam chu mi pakhat, a lou ah chipha the’ gual chu ahi.

MATTHAI 13:26

A bu chu a hung khanlet phatin, a hung ga ta’n; a bulêm chule a hung kilang tai.

MATTHAI 13:27

Louneipa suakte chu a hung un: He pu, la lou ah khan chi pha ngawn la the’ hilo a hem? Zia bulêmte hi khoi ah pat hung kipan a hiu em? a hung tiu a.

MATTHAI 13:29

Himaleh, ama chun, Hilo e, bulêmte la bawdawna lam un, butakte le botdok kha’n lau.

MATTHAI 13:30

Bulâk hun masia khati khan um khawmsak tadi mai un: Bulâk hun tak leh bulate kiang in, “Bulêmte kha lakhawm masau inla, hâl dingin a lom lom in kân un: Ziazaw tak chuleh butakte chu bupang ah sunglut un, ti na’ng ka, a tia,” ti’n a gen a.

MATTHAI 13:39

Mêlma a la the’pa chu diabol ahi’n, bulâk hun chu khawvel tawpna chu ahi; a âtte chu vansawlchâkte a hiu.

MATTHAI 25:5

Himaleh, moneipa chu a hung hak tâk ziakin a la ipmu vuang un, a la ipmu man tau a.

GALATIA 2:4

Zia chu unau tak lo, a gûk ah pui lût ah umte suak ah ei lutsak theina ding ua, Khrista Jesu ah thawvenna I nei uh entha ding ah hung lutte ziakin ahi.

HEBRAITE 12:15

Pathian doisakna chang zo lo ah kuama la hung um lona ding un chingthei tak in um un; la lak ua buaina hun tun thei ding leh, mi tam tak hun subuak thei ding kituak lona zung la lak un ke’dawsak kiu in.

1 PETER 5:8

Pilvâng tak in chingthei un; la mêlmau Diabol chu sakeibaknei kitum gual in a nêk ding hawl in a vâk vêl vêl hi.

2 PETER 2:1

Himaleh, mite lak ah jawlnei lêmte a hung pawt gual un, la lak unle thu diklo hilte hung intin uh, amau chun amau chawpa a puu hial chule kiheisan in, mi susiathei gindan chuamte a gûk in hun paw lut intiu in, amau chung in thakhat in manthaina tung in a.

THUPUAN 12:9

Dragon lian, zia gulpitêk Diabol, Setan kiti, khawvel ah mi zosia thêmpa chu lei lam ah a nawtha tau a; chuleh, a sepaite le a nawtha khawm tau hi.

THUPUAN 13:14

Sahâng mit mu ah thilmak hi’theina ama piak ahi dungzui in, lei ah umte chu a thêm zo a; lei ah umte kiang in chemjam ah sat liam, dam kit ta, sahâng lim chu siam dingin thu a pia’n.

THUPUAN 2:20

Himaleh, demna neukhat ka nei hi: Jawlnei kiti Jezebel kha la ngai thei ziakin. Ama chun ka suakte chu thanghuai ding leh, milim hona kithoina sate ne dingin a thêm sek a.