MATTHAI 13:23 - PATHIAN LEKHABU THIANGTHO (BSI)

²³ Chuleh, lei phatna kekte chu a hiu leh, thu chu he ah, hethiam ah, mang ngalte hi a hiu; ziate chu ale’ zakhatte, ale’ sawmgukte, ale’ sawmthumte’n a hung ga sek ui, a tia.

MATTHAI 13:23 ပူးပေါင်းရင်းမြစ်များ

EZEKIEL 18:31

Ka chung ah la thil bawlkhial zosiau haisan unla, lunggil thak leh thagau thak kilâk lût chiat tau in! Aw Israel Inkuante haw, bang ding ah thi laizang ding la hiu em?

EZEKIEL 36:26

Lungthim thak hun pia’ng ka tin, la sung ah thagau thak hun koi ta’ng ka; nangma taksa ah kipat suang gual ah tâk lungchang chu ladok ing ka tin, phe gual ah nêm lungchang khat hun pia ta’ng ka.

MATTHAI 12:33

Thing pha chu a ga le a pha’n, thing phalo chu a ga le a pha puai: thing chu a ga ah hetthei ahi.

MATTHAI 13:8

Chun, khenkhatte chu leiphatna mun in a kia’, a hung ga ah; a khen khat chu ale’ za khat in, a khenkhat chu ale’ sawmguk in, a khen khat chu ale’ sawmthum in ga a hun sua tai.

MATTHAI 3:10

Heicha chu thingbul tin in a koi tau hi; ga pha sua lo taphot phûk in mei ah pai lut ding a hiu.

MATTHAI 3:8

Gitlo haisanna tawh kilawm ga chu hun sua phot tau in.

MARKA 10:15

Titakzet in ka hil la hiu, kua’nle zia naupangte gual ah Pathian gam a la lawp lo ahi chun, a sung ah lut lo hial in au,” a tia.

MARKA 4:20

Chuleh, lei phatna kethate chu ziate hi a hiu: Thu chu a het tak ua leh pom ngal in, a ga hun suau ah, ale’ sawmthum, ale’ sawmguk leh ale’ za khat ah hung pungte chu a hiu,” a tia.

LUKA 13:9

chutia chu, a hung ga leh pha ma ma ding ahi, zia gual ah ka bawl ah le a ga diak lo leh vâng phuk mai in, a ti tai,” a tia.

LUKA 8:15

Lei phatna kethate chu ziate hi a hiu: Lungthim kitup tak leh pha tak in thu a hiau ah, a vop zing un, thuak hat tak in ga a hun sua sek ui, a tia.

LUKA 8:8

A dang khenkhatte chu lei phatna’n a kiau ah, a hung kek un, ga a hun suau ah, ale’ zakhatte’n a hung pung tai,” a tia. Zia sia chu a gen zaw phatin a hung kiko ah, “Kuale hetna ding nakhang nei chun he tau hen!” a tia.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

JOHAN 8:47

Pathian ah kipat hungte chun Pathian thute a ngai sek ui. Nanghaw hi Pathian ah mi la hilo ziak un, a thute le ngailo la hiu hi,” a tia.

NASEPTE 16:14

Zia tak ah chun numei pakhat, Thuatira khawpi puan sandup zuak sek, a min Ludia kiti chu a um a; ama chu Pathian ho sek mi ahiziak in, ka thugen uh chu pha tak in a ngai a. A lungthim chu Lalpa‘n a hong ah, Paul thugen ah chun a hung lunglut ma ma tai.

NASEPTE 17:11

Zia ah Juda mite chu Thessalonika mite sâng in a lungthim uh a kihong zaw’n, thu chu thanuam tak in a lop un, a thugenteu chu a dik leh diklo hetna dingin, nisi’n Pathian lekha thu’n a sui sek un.

2 KORINTH 9:10

A the’pa kiang ah a chi pepa leh nêk ding ah vaithum pepa chun la the’ ding uh thâichi chu pia’n, hi’pun piak intin, la dikna gau le hi’pun piak in a.

PHILIPPI 1:11

Pathian lopina leh choihoina ding ah, Jesu Khrista vang ah hung um, dikna gate chu la sua theina ding un.

PHILIPPI 4:17

Thilpiak chu hawl ka hipua’n; nangmau ah ga hung piang chu hawl ka hizawi.

KOLOSSA 1:10

Chuleh, nasep pha zosia ah ga sua ah, Pathian hetna hung khang ah, ama kipakna lam ah Lalpa â ding ah kilawm him ah la hin theina ding un.

KOLOSSA 1:6

Zia chanchinpha chu khawvel zosia ah ga ah a pun pek gual in, la kiang un a hung tung ah, Pathian hepina chu thutak ah la ngaithâk ua, la het niu ah kipat in nangmau ah le ga in a pung zing hi.

1 THESSALONITE 4:1

Chutichun, suapite haw, a tawp pen in la umdan ding uh leh Pathian la kipaksak dan ding uh, tu’ la umdan uh, keimau ah kipat la zil uh hi, la hau diakna ding un Lalpa Jesu ah chun ka ni un ka tilkhau la hiu.

2 THESSALONITE 2:10

mangthai zingte â ding ah dawha gilo chitin tawh hi’n a; hukdam ah a umtheina ding ua thutak hepina chu a pom lo ziak un.

HEBRAITE 4:2

Chanchinpha a kiang ua gen ahi gual ma khan eihaw kiang ah le gen ahi ngal a; himaleh, a hiatteu chu a ginnau tawh a zop lo ziak un, a kiang ua thu kigente chu a phatchuampi puau hi.

HEBRAITE 6:7

Lei in gawtui chu a la dong zing ah, lou bawlte â dingin nêk ding anche lohing a piansak ah, Pathian in lei chu a maljawl hi.

HEBRAITE 8:10

‘Zia nite zaw chuleh, Israel Insung mite tawh kikâl ah ka thuthun ding chu, zia hi hi’n a,’ Lalpa‘n a ti’n: ‘A lungthim un ka dan chu koi ing ka tin, a lung sung un zik ing ka; chuleh, a Pathian uh hi’ng ka tin, amau chu ka mite hita’n au.

2 PETER 3:18

I Lalpa leh Hukdampa Jesu Khrista hepina leh hetna ah chun khanglian zaw tau in. Tu’ leh kumtuang tiang in ama kiang in lopina um ta hen. Amen.

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.