MATTHAI 12:41 - PATHIAN LEKHABU THIANGTHO (BSI)

⁴¹ Vaihawm ni tak leh, Nineveh khua mite kha hung dingin tiu in, tu’lai khangthakte hi thiamlo hun chansak in au: Amau chun Jonah thu gen ziakin a gitloteu a haisan ui; en tiam un, Jonah sâng ah lopi zaw zia hin a um hi.

MATTHAI 12:41 ပူးပေါင်းရင်းမြစ်များ

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

JEREMIAH 3:11

Mi ginum lo Israelte chu, michavai Judah sâng in a diklonau a nêp zawi.

JONAH 1:2

“Nineveh, khaw lopi tak ah chun chia vak inla, a chungthuu ah hin tâng vasam in; a gitlonau chu ka ma âng in a hung tung to ta’ngal in,” ti in.

JONAH 3:4

Jonah chun, khawpi sung ni khat lam a zawt nung in thu a gen pan a: “Ni sawmli zaw leh Nineveh hi sukmanthai hiding ahi tai,” ti’n tâng a sam a.

MATTHAI 12:39

Himaleh, ama chun, Khangthak gilo leh ângkawm hatte’n tepte’na a hawl un; jawlnei Jonah tepte’na tilo ngal tepte’na dang piak hita pua’n a.

MATTHAI 12:42

Vaihawm ni tak leh simlam lengnu khale hung kipan intin, tu’lai khangthakte hi thiamlo hun chansak ding ahi; Solomon pilna thu he ding mai in bawn kawlmong ah kipat in a hung hi; ngai un, Solomon sâng ah lopi zaw zia hin a um hi.

MATTHAI 12:45

Tichun, a vachia kit ah, ama sâng ah gilo zaw thitha dang sagi a hun pui a, zia tak chun lut in a chêng tau hi; zia mihing umdan nunung zaw chu a masa sâng in a hung sezaw tai. Zia gual ma chun, tu’lai khangthakte chung ah hinle tung ding ahi, a tia.

MATTHAI 12:6

Bang hitaleh, zia tak ah hin Pathian Biak In sâng ah lopi zaw a um hi, ti ka hil la hiu.

MATTHAI 16:4

Tu’lai khangthak gilo leh thanghuaite hin, teptena la hawl uh ahi maw; himaleh, Jonah teptêna longal teptena dang him him piak hipua’n a, a tia. Amau chu nusia in, a chia mang san tai.

MATTHAI 17:17

Jesu’n, khangthak ginna neilo leh thukhelte haw, bangchan hun umpi nalai ding ka hem? Bangchan a hem ka hun daw zaw nâk lai ding? Ama chu ka kiang in hun pui un, a tia.

MATTHAI 23:36

Titakzet in ka hil la hiu, zia zosia chu tu’lai khangthakte chung in hung tung in a.

LUKA 11:32

Nineveh khua mite kha le vaihawm ni tak leh tu’lai khangthakte hitawh hung ding khawm intiu in, thiamlo hun chansak in au. Amau haw chun Jonah thugen ziakin a gitlonateu a haisan tau a: En tiam un, Jonah sâng ah lopi zaw zia’ hin a um hi!

JOHAN 3:31

Chunglam ah kipat hungpa chu mi zosia chung in a um a; lei ah kipan chu lei ah mi ahi’n, lei lam thu a gen sek in; van ah kipat hungpa chu mi zosia chung ah mi ahi.

JOHAN 4:12

Ka puu Jakob sâng ah lopi zaw la hia a hem? Ama chun, zia tuikul hi ei pia’n, ama ngei leh a chate, chuleh, a ganchate’nle a la dawn ui,” a tia.

ROMTE 2:27

Chuleh, ama piandan ah zektan lo chun dan a zui kim leh, nang, a lekha thu leh zektan dan nei ngal ah, dan botsepa chu hun kãl lo ding a hiu em?

HEBRAITE 11:7

Ginna’n Noah chu mu nailo thil thu ah Pathian hillawknate a pom ziakin, a Inkuante hukhinna dingin kuang a tu’n; zia chun khawvel thiamlo a chan in, ginna ziak ah dikna goluapa a hung hi tai.