MATTHAI 12:34 - PATHIAN LEKHABU THIANGTHO (BSI)

³⁴ Nanghaw migilo gûl suante haw, bangti’n thu pha genthei ding la hiu em? Lungthim ah dimlêt chu kam in a gen sek ngal a.

MATTHAI 12:34 ပူးပေါင်းရင်းမြစ်များ

SAM 53:1

Mi ngolte chun a lungthim un, “Pathian a um puai,” a tiu a. A sezo tau ah, thil phalo ki’dak um a bawl tau a, kuama thilpha bawl pakhat chale a um ta puau hi.

SAM 64:3

chemjam gual in a lei uh a tât hiam un; kam phalo tak takte thalchang gual ah, kâpdok dingin a ngîm un,

SAM 64:5

Thil phalo bawl dingin a kitîl hangsan un; a gûk ah thângkam ding dante a gen khawm sek un: “Kuama’n ei mu pua’n a maw?

THUPILTE 16:23

Mipil ngaituana chu a kam in a pawt sek a, a mûk in thunun theina a belap piak sek hi.

THUPILTE 4:23

Bang dang cheng sâng in la lungthim chu vêngpha’n, zia chu hinna tuinâk kipatna ahi ngal a.

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 59:14

Vaihawmna dik chu le’bul in a um ta’n, diktatna chu gamla tak in a ding den tai; thutakna chu khawlai tualjang in, a kipal pâi ta’n; chuleh, thudikna chun mun a nei ta puai.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

MATTHAI 12:35

Mipha chun a lungthim gobawm pha ah kipat chun thilpha a suadok sek in: Migilo chun a lungthim gobawm gilo ah kipat chun thil gilo a suadok sek hi.

MATTHAI 15:18

Kam ah kipat hung pawtte ahileh vang, lunggil sung lam ah kipat hung pawt ahiziakin, zia ngei chun mihing a hi’buak sek hi.

MATTHAI 23:33

Nanghaw gûlte haw, nanghaw gûlsia suante haw! Gawtmun ah thiamlo channa chu bangti’n pumpel ding la hiu em?

MATTHAI 3:7

Himaleh, Pharisaite leh Sadukaite tam tak baptisma chang ding ah hung a la mu phât in a kiang un, “Gulsuante haw, lungnatna hung tung ding chu pumpel dingin kua’n a hun hil em?

LUKA 3:7

Johan in baptisma chang ding ah hung mipite kiang ah chun, “Aw, nanghaw gûl suante haw! Lungnatna hung tung ding chu jamsan dingin kua’n a hun hil em?

LUKA 6:45

Mipha chun a lungthim gobawm pha ah kipat chun thilpha a hun suadok sek hi; chuleh, migilo chunle a lungthim gobawm gilo tak ah kipat chun, thil gilo ma a hun suadok sek hi; lungthim ah dimlêt chu kam in a hun gendaw sek ahi ngal a.

JOHAN 8:44

La pau diabol mite la hiu in, la pau doigual bawl la nuam ui. Ama chu a lim ah kipat tualthat ahi’n, thu tak in a um ngai puai; ama ah chun thu tak him him a um puai. Zuau a gen tak leh ama mizia dungzui in a gen sek a; ama chu zuauthei ahi’n, zuauthei te pa le ahi.

EPHESA 4:29

Thu phalo him him la kam un pawt ki’hen la, a kul dungzui ah mi dang siamphatna phachuam ding bep pawt zaw ta hen; tichun, a ngaithate chun hepina a piak theina ding in.

EPHESA 5:4

Jamaw thute, thu manlo leh tawt thugente haw hi a kilawm ta puai; ziate haw sâng ah chun kipakna thu gen zaw tau in.

JAKOB 3:2

Thil tampi I sukhial kha sek ngal un. Kua’n le thugen lam ah a hi’khial lo chun mi bukim leh a taksa thuzaw mi ahi.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 SAMUEL 24:13

Malai thupil in, thil phalo chu mi phalote’n a bawl sek ui, a la tiu ah; ka khut hivang la chung ah tha lo ding ka hi.