MATTHAI 11:5 - PATHIAN LEKHABU THIANGTHO (BSI)

⁵ Mitthûmte mit a vâk ta hen, kengbaite keng in a chia tau in; phâkte a thiangtho tau in, bengngongte’nle khua a he tau hi; mithite kaithaw in a um tau in, gentheite’nle chanchinpha kigen a he tau hi.

MATTHAI 11:5 ပူးပေါင်းရင်းမြစ်များ

2 LENGTE 5:14

Tichun a chia ah, Pathian mi thugen dungzui ah chun Jordan ah chun sagivei a vakidia ah; a taksa chu pawsal naupang taksa gual a hung hi kit ah a hung thiang tai.

2 LENGTE 5:7

Israelte lengpa chun lekhathot chu a sim zaw phatin, a puante a botthêk ah, “Kei hi thi’na a hem hinna a hem pia ziang thei Pathian ka hia hem, zia mipa hin ka kiangah mi pakhat a phâkna ka sukdam piak ding ah a hun sawl ziang hi? En maleu chin, ei kinakpi gaw him him a hi hilam,” a tia.

SAM 146:8

Lalpa‘n mitthûmte mit a sukvak piak hi. Khun ngawi ngawite chu Lalpa‘n a domsâng sek in, Lalpa‘n mi dikte chu a hepi hi.

SAM 22:26

Migentheite chun ne’n tiu in vâ in au; ama hawlte chun Lalpa pakcha’n au. La lungthim uh kumtuang in hing zing ta hen!

PAWTDAWNA THU 4:11

Ziaphatchun, Lalpa’n a kiang in, “Mihing pau theina hi kua piak a hem? Kua’n ama chu pautheilo leh bengngong ah, mitvak leh mitthûm ah a siam a hem? Kei Lalpa hi ka hi pua a hem?

ISAI 29:18

Zia ni phat chuleh, bengngongte chunle, lekhazial sung ah thute chu hethei ta’n tin uh; mitthûmte mit chunle, khawthim nuai leh thim lak inle, khua hun mu thei ta ding ahi.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 43:8

Mit nei ngal ah mutheilote leh, bil nei ngal ah hetheilote chu hun puidok un!

ISAI 66:2

Zia zosia hi ka khut in a bawl ahi, zia gual tho ah chun zia thil zosia hi kei â ahi, Lalpa‘n a tii. Himaleh, kingainiam ah, lungthim ah thasia ngawi ngawi leh, ka thu lau ah kithingte chu ka hawl ahi.

ZEKARIAH 11:7

Chutichun, belam thalup ding ah umte zuakpa thasâng in, belamchingtu in pang ing ka. Tiangpum pani ka la’n: khat chu, Doisakna ka sak ah, a dang khat chu, Kipumkhatna ka sak ah; zia gual ah chun gan-gual chu ka ching ta ahi.

MATTHAI 10:8

Damlote hi’dam unla, mithite kaitho unla, phâkte hi’thiangtho unla, thithate le nawdok un; a thawn in la muu ah, a thawn in vapiau in.

MATTHAI 11:4

Jesu’n a dawnhu a, “Chiau inla, thil la muteu leh la hiatteu hi Johan kiang in vagen tau in.

MATTHAI 12:13

Zia a gen zaw phat ah chun, zia pa kiang ah chun, “La khut chu hun jakin,” a tia. Tichun, a tundaw leh a langkhat gual in a dam thiang tai.

MATTHAI 21:14

Tempul ah chun mitthûmte leh kengbaite a hung khawm ua, ama chun a la hi’dam tai.

MATTHAI 5:3

Thagau ah tasam ahi lam kihete chu mi hampha a hiu, van-gam chu amau â ahi ngal a.

MATTHAI 9:30

Tichun, a mit uh a hung vâk tai. Jesu’n a kiang un, “Kuama hiatsak lo dingin chingthei un,” a tichak kei a.

MARKA 7:37

“Ama chun bangkim a bawlpha tai; bengngongte khua a hetsak a, pautheilote le a pausak hi,” ti’n lamdang a sa ma mau hi.

MARKA 9:25

Jesu’n mipi hung taikhawmte chu a mu phât in, thitha buak chu a vau a, “Zia naupang hi bengngong leh pautheilo ah koipa, thu ka hun pia ahi: A sung ah kipat hin hung pawtdok inla, chuleh lut kit ta kin,” a tia.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

JOHAN 10:25

Jesu’n a kiang un, “Ka hun hil ta kha lam, nang un la taksang puau ah ahi. Ka Pa min ah thil ka hite hin, ka chanchin a taklang zo tai;

JOHAN 10:38

Ahi’n la, ka sep ahi chun, kei ei taksang lo maleu chinle, thil kibawlte bêk hi taksang un; Pa keima ah um ti leh, keima Pa ah ka um ti la het ua, la taksan theina ding un,” a tia.

JOHAN 2:23

Chiakân Kût nêk bawl sungsia Jerusalem in a um ah; zia hun sung ah chun, mi tam tak in a thilmak bawlte a mu ziak un a min chu a gingcha tau a.

JOHAN 3:2

Ama chu jan ah Jesu kiang in a hung ah, “Rabbi, nang hi Pathian ah kipat zilsakpa ding ah hung la hi ti ka hiau a; kuale ama ah Pathian umnate longal chun, zia la thilmak bawlte gual hi bawl thei pua’n au,” a hung tia.

JOHAN 5:36

Himaleh, Johan sâng ah hiatsakpa lopi zaw ka nei hi. Zia chu, Pa’n ka sep zaw ding ah ei piakte ka sep zaw hin, zia nasep ngei chun, Pa ei sawl ka hi’dan kichian tak in a hiatsak ahi.

JOHAN 9:7

a kiang in, “Chia’nla, Siloam dil ah la mai vaphiat in,” a tia. (Siloam chu, ‘Sawl’ ti’na ahi.) Tichun, a chia a mai a vaphiat leh khawmuthei in a hung kit tai.

NASEPTE 2:22

Nanghaw Israel mite haw, ka thugen hi a la ngai un: Nazareth Jesu, Pathian in a hetpi ngei kha, ama mang in Pathian in la lak un thil lopi takte, thilmakte leh tepte’nate a bawl ah, zia chu nangmau ngei inle la hiatsau ahi’n,

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?