MATTHAI 11:11 - PATHIAN LEKHABU THIANGTHO (BSI)

¹¹ Titakzet in ka hil la hiu, numei hin lak in Baptispa Johan sâng ah lopi zaw ding a um puai; himaleh, van-gam ah mineu penle ama sâng in a lopi zawu hi.

MATTHAI 11:11 ပူးပေါင်းရင်းမြစ်များ

JOB LEKHABU 14:1

Numei sung ah kipat piang mihing hi, ni chomcha leh buaina dim,

JOB LEKHABU 14:4

Thilbuak lak ah kipat thil thiangtho, kua’n ladok thei ding a hem? Kuama’n ladok thei pua’n au.

JOB LEKHABU 15:14

Mihing thitheite hi bang a hiu ah thiangtho ding, numei sung ah piangte hi, bangti’n dik thei ding a hiu em?

JOB LEKHABU 25:4

Mihingte hi Pathian âng ah, bangti’n dik suak thei ding a hiu em? Numei sung ah piang chu bang ti’n, thiangtho ding a hiu em?

SAM 51:5

Ngaitia, khawlona hin ka hi, ka nu’n ei vop ah kipat in, migilo ka la hi tai.

ISAI 30:26

Zia bep chule hilo in, Lalpa‘n a mite liamna a tuam piak ah, a thalchang in a sukliamnate a sukdam piak phat leh, thapi vak dan chu nisa gual hung hi’ntin, nisa vakna chule a le’sagi, ni sagi a vakna kigawm gual in hung vâk ta’n a.

ZEKARIAH 12:8

Ziaphat chuleh, Lalpa chun Jerusalem ah chêngte chu hûm intin, a lak ua a zawngkhâl pente chule David gual hi’n tiu in; chuleh, David Inkuante chu Pathian gual hi’n tiu in; a ma-âng ua Lalpa vansawlchâk um gual chu hi’n au.

MATTHAI 11:10

Ama chungchâng thu ah chun zia gual ah hin a la kizik hi: “En tiam in ka sawlchâk chu la ma-âng in ka sawl a, ama chun la ma-âng in la lampi a la siamtup ding ahi, ti in”.

MATTHAI 11:12

Baptispa Johan in thu a gen ah kipat khan tu’tiang hin van-gam chun pawngbawlna a tuak in, a pawngbawlte ma ma chun a pawng lâk sek ui.

MATTHAI 3:1

Zia lai ah chun, Baptispa Johan chu hung in, Judai gamthip ah thu a hung gen a:

MATTHAI 3:11

Keima’n gitlo haisanna di’n tui in ka hun baptis in, ka nung ah hungdingpa chu keima sâng in a lopi zaw’n, a kengtawdap chawi tâk le ka hi puai. Ama chun, Thagau Thiangtho leh mei in hun baptis in a.

MATTHAI 5:19

Ziaziakchun, kua’nle, dan thupiakte lak ah a neu pen hi botsia hen la, zia gual ma chun midang le bawsiatsak ding ah a hil chun, ama chu van-gam ah chun mi neu pen ti’n au. Zia gual ma chun, kuale dan thupiak jawm ah, midang le jawm ding ah hil chu, van-gam ah chun mi lian ti’n au.

LUKA 1:15

Ama chu Lalpa ngai in mi lopi hung hi’ntin, ama chun uain leh khamthei him him a dawn lo ding ahi; a pianma kipat Thagau Thiangtho ah dimsa hiding ahi.

LUKA 7:28

Ka hil la hiu, numei suan lak in Baptispa Johan sâng ah jawlnei lopi zaw a um puai; himaleh, Pathian gam ah a neupenle ama sâng in a lopi zawu hi,” a tia.

LUKA 9:48

“Kuale zia naupang hi ka min ah lop tapo chu keima ei lop ahi; keima ei lop chu ei sawlpa lop ahi; la lak ua a neupen chu a lopipen hung hiding ahi,” a tia.

JOHAN 1:15

Johan in a chanchin a hiatsak a, “Zia mi, ka nung ah hung dingpa chun ei makhel tai, ka malam ah umsa him ahi, tia ka gen sek kha ama hi ahi,” a tia.

JOHAN 1:27

Ka nung ah hung dingpa kengtawdap khau tham tâkle hilo ka hi,” a tia.

JOHAN 10:41

Mi tam tak a kiang in a hung un, amau haw chun, “Johan in thilmak bangma bawl lo maleh, zia mi chungchâng a gen tapo kha a dik suak kêi hi,” a tiu a.

JOHAN 3:30

Ama chu hung pung deu deu intin, kei chu hung kiam deu deu ding ka hi.

JOHAN 5:35

Ama kha thaumei kuang zing leh vâk chu ahi, chomkhat a vâk ah chun kipak tak ah a jal zaw la nop uh kha!

JOHAN 7:39

Zia a gen chu, ama ging tapo in Thagau a nei ding dan uh a genna ahi; zia lai ah chun Thagau Thiangtho piak ahi naipua’n, Jesu le choisa’n in a um nai puai.

1 KORINTH 15:9

Kei chu sawlchâk lak ah neupen, Pathian kochuamte ka bawlsiat ziak ah apostol ti tâk le ka hi puai.

1 KORINTH 6:4

Tichun, thu mai mai te ngaitua ding la nei ua leh, bangatia kochuam ah hi’na neilote chu ngaituasak sek la hiu em?

EPHESA 2:3

Zia awilo chate lak ah chun ei hawle malai ah khan, taksa leh lungthim doigualte bawl in, I taksa nopnateu gual in I um chiat un; midangte gual tho ah lungnatna chate piang I la hiu in.

EPHESA 3:8

Keima, mithiangthote lak ah neupen sâng ah le neuzaw kiang ah hin, zia hepina chu piak ahi’n; Khrista hausakna suidaw guallote chanchin chu Jentelte kiang ah gen ding leh;

2 TIMOTHI 1:10

himaleh, tu’hin, I Hukdampau Khrista Jesu hung kilat ziakin hi’lat in a um tai; ama chun thina chu hi’bei in, chanchinpha ah chun hinna leh thi theilona a hun tâklang tai.

HEBRAITE 11:40

eihaw â ding ah thil phazaw a guanggal tâk ziakin, eihaw panglo ah bukimna a chan ding uh chu Pathian in a phal puai.

1 PETER 1:10

Zia hukdamna, hepina la kiang ua hung tung ding a la genlawk jawlneite khan a la sui in, gun tak in a la hawl tau hi.

1 SAMUEL 2:30

Ziaziakchun, Lalpa, Israelte Pathian in zia gual hin a gen hi, ‘Nangma Inkuan leh la suantuteu Inkuan chu ka ma-âng ah kumtuang ah lut leh pawt in pansak dingin ka kitiam hi,’ ti’n; himaleh, tu’hin vang zia gual hin Lalpa‘n a gen tai: ‘Zia gual chu hilo hial ding a hi; keima ei chawisâng tapo chu chawisâng ing ka tin, ei musit tapo chu bangmalo ah koi ding ka hi.