MATTHAI 10:6 - PATHIAN LEKHABU THIANGTHO (BSI)

⁶ Israel nam belam mangthaite kiang bep in vachiau in.

MATTHAI 10:6 ပူးပေါင်းရင်းမြစ်များ

SAM 119:176

Belam mang gual in ka vâkmang ta’n, la suak hi hawldok ta’n; la thupiakte ka hemil ngai paw’ngal a.

ISAI 53:6

I leng un belam gual in I la vâk mang zo tau ah; eimau nopna lam chiat in I la vâk mang zo tau hi; himaleh, Lalpa‘n I leng ua dukdaklona zosia chu, ama chung in a nga tai.

JEREMIAH 50:17

Israelte chu sakeibaknei in a delzui zing belam tawhbang a hiu hi. Assuria Lengpa’n a nêk zaw nung in, tu’hin Babulon Lengpa Nebukadrezar in a gu leh chângte chu a chêp tai.

JEREMIAH 50:6

Ka mite chu belam mangtasa gual a hiu a; amau puitute chun tânggamte ah chun a pui mang zo tau in; mual leh tângte lak ah chia mang in, a huang uh a hemil zo tau hi.

EZEKIEL 34:16

A mangthai hawl ing ka tin, a vâkjakte pui kit ing ka tin, a liamte chu tuam ing ka tin, a jawngkhalte chu hi’hât ing ka; himaleh, a thau leh a hât laite chu hi’mangthai ing ka. Dikna’n vâk ding ka hi, ti in.

EZEKIEL 34:4

A jawngkhalte som nuam lo in, a damlote la kaitua puau ah, a liamte la tuam puau ah, a vâkmangte la hawl khawm puau ah, a gam mangte hawl nuam lo in a chung un nunsia tak leh huham tak in vai la hawm sek ui.

EZEKIEL 34:6

Ka belamte a kithejak zo tau in, mual tin, tâng tin ah a vâk chek zo tau hi; ka belamte chu lei chung mun tin in a vâk chek zo tau in, kuama a hawl ding leh a kan zui ding a um puau hi.

EZEKIEL 34:8

Lalpa Pathian in kihaksial in thu a gen ah: Belampu a umlo ziak in, ka belamte chu a hingsan ah nêk ding bep ahi tâk ziak un, gamsate an ding bep a hung hitau hi; chuleh, ka belampute’n ka belamte a ching puau ah, zia malak ah chun, ka belamte kinêk in, a vâk puau hi;

MATTHAI 18:10

Ziaziakchun, zia naupang neuchate lak ah pakhat ziang le musit lo dingin chingthei ta un; ka hun hil la hiu, a vansawlchâkteu in van ah um ka pa mel a mu zing uh ahi.

MATTHAI 18:11

Mihing Chapa hi mangthaite hawl ah hukdam ding ah hung ahi.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

NASEPTE 13:46

Ziaphatchun, Paul leh Barnaba chun hangsan tak in, “Pathian thu hi nangmau kiang ah gen masak ding him ahi. Himaleh, la pom tâk lo ziak un, kumtuang hinna chang tâk lo ding ah la um tâk ziak un, Jentelte lam in kihei ta’ng kau.

NASEPTE 18:6

Amau hawn dodâl ah, a gensiat phat un, Paul in a puan ah kipat leivui thingtha’n, a kiang un, “La thisan uh chu la chung un um hen! Kei ka hileh ka thiang hi. Tu’ ah kipat hin Jentelte kiang in chia ta’ng ka,” a tia.

NASEPTE 26:20

a lim ah Damaska khua umte kiang ah; zia nung ah chun, Jerusalem khua umte kiang ah leh Jentelte kiang tiang inle, gitlo haisan tak tak ah, thilpha a bawl ua, Pathian lam ah a hung kiheina ding un ka hil zaw sek ta ahi.

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

1 PETER 2:25

Belam gual in la vâkmang tau ah, tu’hin vang la thagau uh chingpa leh vengpa kiang ah chun la kile’kit tau hi.