MATTHAI 1:21 - PATHIAN LEKHABU THIANGTHO (BSI)

²¹ Chapa hing intin, a min in Jesu la sak ding ahi; ama chun a mite a gitlonau ah kipat hukdok ding ahi ngal in,” a ti’n.

MATTHAI 1:21 ပူးပေါင်းရင်းမြစ်များ

THILSIAM THU 17:19

Pathian chun, “Hilo e, la ji Sarah chun chapa hun hinpiak tak tak intin; a min chu Isak la sak ding ahi: Chuleh, ka thuthung chu ama leh a nung ah:

THILSIAM THU 17:21

Ka thuthung vang chu Sarah in kum kit tu’hun hileh a hun nei piak dingpa Isak kiang ah chun sudet zaw ding ka hi,” a tia.

THILSIAM THU 18:10

A lak ua pakhat chun a kiang in, “Kum kit tu’hun hileh hung vetha kit tei ding ka hiu; chuleh, ngai in, la ji Sarah in ziaphat chuleh chapa nei ta’n a,” a ti’n. A nung ah puanbûk kotkhak ah chun Sarah in a thugen chu a la ngai zing a.

JEREMIAH 23:6

Ama hun sung in Judai gam sung chu hukdaw ah um in, Israel gam chu bit tak in um in a. Chuleh, ama chu, “Lalpa chu I Diknau ahi,” ti’n ko hita’n ah, ti in.

JEREMIAH 33:16

Ziaphat chuleh, Judah chu hukdam in um intin; tichun, Jerusalem chu bit tak in chêng ta’n a. Zia khawpi chu, “Lalpa chu I diknau ahi,” ti min sak hita’n a.

DANIAL 9:24

Bawsiatna sukbutinna ding, gitlo’na sukbeina ding, bawlkhialna thoidamna ding, kumtuang ah dikna lâklutna ding, kilâkna leh thugenlawkna tepte’na ding leh mun thiangtho pen sathaunu’na ding in, la mipite leh la khawpi thiangtho chung ah hapta sawmsagi sung guat ahi.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

MATTHAI 1:25

ahi’n la, chapa a nei masia chu a luppi puai. Chuleh, a min in Jesu a sak tai.

LUKA 1:13

Himaleh, vansawlchâk chun a kiang in, “Lau kin, la pauchapna ngaithâk ahi tai; la ji Elizabeth chun chapa pakhat hing intin, a min in Johan la sak ding ahi.

LUKA 1:31

Ngaitia, nau hun vop in la tin, a min in JESU la sak ding ahi.

LUKA 2:11

Nang uh â dingin tu’ni hin David khawpi ah Hukdampa a hung piang tai, Lalpa Messiah chu.

LUKA 2:21

Nausen chu a zektan hun ding ni, ni giat ni chu a hung tun phatin, ama chu vansawlchâk in a nu sul sung ah a um ma a la genlawk sa ahi ziakin, a min in Jesu a sa tau hi.

JOHAN 1:29

A jing ah chun Johan chun, Jesu ama kiang lam zuan ah hung chu a mu phât in, “En tiam un Pathian Belamno, khawvel gitlo pawmangpa saw!

JOHAN 4:42

Chuleh, amau chun, numei kiang ah chun, “Tu’hin vang nang thugen ziak ah gingcha ka hita puau in, keimau ngei in a thu ka hiau ah, zia hi Messiah, khawvel hukhingpa chu ahi ngei hi ti ka he tau hi,” a tiu a.

NASEPTE 13:23

Zia pa suan ah kipat chun, Israelte Hukdampa ding Jesu chu a thutiam dungzui in a hun pia ta’n;

NASEPTE 3:26

Pathian in a suak chu a tundaw lai in, la bawsiatnateu la hun haisan ua, a hun maljawl kit theina dingin, nanghaw kiang in a hun sawl masa ahi, ti’n a gen a.

NASEPTE 4:12

Midang kuama kiang in hukdamna a um puai, van nuai mihing minsak lak ah ei hukdam thei ding min dang piak in a um pawngal a,” a ti’n.

NASEPTE 5:31

Ama chun Israelte kiang ah lungheina leh gitlo ngaidamna a piak theina dingin, Pathian in Lalpa leh Hukdampa hiding in a khut changlam in a chawisâng tai.

TITA 2:14

Ama chu eimau â ding ah hung kipia’n, thiangtho leh nasep pha ah phatchuamngai, ama mite hiding in, gitlo zosia lak ah kipat ei tandok tai.

HEBRAITE 7:25

Ziaziakchun, amau pauchap piak ding ah kumtuang ah a hin ziakin, ama ziak ah Pathian hun naite chu a tawp tiang in a hukdam thei hi.

1 JOHAN 1:7

Himaleh, ama chu vâk ah a um gual in, eimau le vâk ah I um uh chun, I kipawl khawm zing un, a chapa thisan in I gitlonau zosia ei silthian piak jel hi.

1 JOHAN 3:5

Ama chu gitlona la mang dingin a hung kilang a; chuleh, ama ah chun gitlona a um puai, ti la hiau hi.

THUPUAN 7:14

Kei chun, “He pu, nang bep inla hia’i,” ka tia. Ama’n ka kiang in, “Ziate hi gimna huaisia tak thuak zo ah hung pawt ah, a puanteu Belamno thisan ah sawp vâmte kha a hiu.

VAIHAWMTE 13:3

Chun, Lalpa vansawlchâk khat, numei kiang ah hung in, a kiang in, “La chîn ziak ah cha khat le nei lo himaleh chin, gâi in la tin, chapa hun nei ding la hi.

1 SAMUEL 1:20

A hun tak in Hannah in nau a hun vopah, chapa a hun hing tai. A nu chun, “Lalpa kiangah ka dotdaw ahi,” a ti ziakin a min in Samuel a sa tai.