MATTHAI 1:20 - PATHIAN LEKHABU THIANGTHO (BSI)

²⁰ Himaleh, zia thu chu a ngaitua lai in, a mang ah Lalpa vansawlchâk a kiangin a hung kilâk a: “Joseph, David Chapa, Mari chu kichenpi lau kin; a nauvop chu Thagau Thiangtho vopsak ahi.

MATTHAI 1:20 ပူးပေါင်းရင်းမြစ်များ

THILSIAM THU 31:11

Chun, ka mang ah chun Pathian vansawlchâk in, “Jakob,” ei hun ti’n. Ke’n le, “Zia hin ka um hi,” ka ti’n.

THILSIAM THU 46:3

Ama chun, “Kei Pathian, la pa Pathian chu ka hi: Aigupta gam ah chia suk ding hi lau kin; zia tak ah chun chi lian tak in hun siam ding ka hi’ngal in.

1 LENGTE 17:13

Elijah chun, a kiang in, “Lau kin; chia inla la gen gual ah chun vabawl in; himaleh, kei â ding vaithum tâng neucha hun bawl phot inla ei hun choi piak in; ziazaw chuleh, nang â ding tawh, la chapa â ding kibawl in.

1 LENGTE 3:5

Gibeon mun ah chun, Solomon kiang in jan ah a mang in Lalpa a hung kilâk ah; Pathian in a kiang in, “Bang a hem ka hun piak ding, don in,” a tia.

SAM 119:125

La suak ka hi, la thu hetsakte, ka hiat thiam theina dingin, hiatthiamna ei pia’n.

SAM 143:8

Jingkal in la ngilneina det thu ei hetsak in, nang ka hun ging ngal a. Ka chiana ding lampi ei hil in, ka lungthim in nangma lam ka hun nga ngal a.

SAM 94:19

Ka lungthim a lungjin lai in, la thamuannate’n ka hinna a suhal kit sek hi.

THUPILTE 12:5

Midikte ngaituana chu a thiangtho a, mi nunsiate lemguatpina chu vang zuauthepna mai a hisek hi.

ISAI 26:3

A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

ISAI 51:7

Nanghaw a dik hete haw, ka hilna thu lungthim ah vopte haw, ngai un; midangte hun vauna chu lau kiu inla, a hun engho lai unle lungthuai kiu in.

ISAI 7:13

Ziaphatchun, Isai in: Aw David Inkuan ah mite haw, zia hi he tau in! A thi thei mihing mai mai suklunggim hi, thil mai mai in la ngai ua a hem, ka Pathian nasan suklunggim la gaw nalai sêt un?

ISAI 7:2

Suria tawh Ephraimte a pang khawm ui ti David In sung mite’n a het phat un, Ahaz lungchang leh a mipite lungchang chu, hui in gamlak thing a mûtlîng gual in a kilîng tau a.

JEREMIAH 31:22

Aw, chanu lungmawl, bang chan jawnvâk nalai ding la hem? Lei chung ah Lalpa‘n thil thak a siam tai: numei in pawsal a humbit zaw ta mai hi.

JEREMIAH 33:26

Jakob leh ka suak David suan leh pâkte chu pâmpai in, a lak ua khat chale Abraham, Isak leh Jakob suante chung ah vaihawm ding in a la koi lo ma ding hivêng aw. Ahi’n la, amau vangphatna pia tungding kit in, lainat ding ka hi’ngâl a, ti in.

JEREMIAH 40:9

Shaphan chapa Ahikam chapa, Gedaliah chun amau leh a sepaiteu kiang ah chun kihaksial hial in: “Kaldaite nuai ah lut khâk ziang ding chu lau kiu in. Zia gam ah hin umzing in la tiu in, Babulon lengpa na sêm leu chin, nang uh â dingin pha mai ding a hi.

JOEL 2:28

Ziazaw nung ah chun, mi zosia chung in ka thagau buntha’ng ka tin; la chapateu leh la chanuteu in hillawk intiu in; la têkseteu in mang in mat intiu in, la tangvalteu in kilâkna mu’n au.

KISIMNA LEKHABU 12:6

A kiang un, “Ka thu hi ngai un: La lak ua jawlneite a um lai un, kei Lalpa hi a kiang un kilâkna’n ka vakilâk in; manglam in a kiang un thu ka gen sek a.

MATTHAI 1:18

Messiah Jesu hung pian dan chu zia gual hi ahi. A nu Mari chu Joseph tawh kicheng ding ah kikhâm lai; a um khawm mau in, Thagau Thiangtho in nau a vopsak hi ti a hung he tau a;

MATTHAI 2:12

Chuleh, Herod kiang ah chia kit talo dingin a mang ua hil ah a um ziak un, lampi chuam in a gam lam un a chia kit tau hi.

MATTHAI 2:13

A chia mang nung un, Lalpa vansawlchâk chu Joseph mang in a hung kilâk a, “Tho inla, nausen leh a nu pui inla, Aigupta gam ah jam inla, ka hun hil kit masia zia tak ah chun um zing un; Herod in nausen hi’mangthai dingin hawl ding ahi,” a tia.

MATTHAI 2:19

Herod chu a thi phatin, Lalpa vansawlchâk chu Aigupta gam ah Joseph mang in a vakilâk a.

MATTHAI 2:22

Himaleh, Arkelaus, a pa Herod thasâng in Judai gam ah leng in a pang hi ti a het phat in, zia tak ah chia chu a lau a. Chun, a mang ah hil ah a um gual in, Galili lam in a chia zaw tai.

MATTHAI 27:19

Chun, vaihawmna chutpha a chut lai in, a ji chun, “Zia midik chung ah khan bangma hi’kin, tu’ni hin ama ziakin ka mang in thil tam tak ka thuak ahi,” ti’n mi a hun vaithâk a.

MATTHAI 28:5

Vansawlchâk chun numeite kiang in, “Nang haw vang lau kiu in, Jesu a khetden uh kha hawl la hiu ti ka hia’i.

LUKA 1:19

Vansawlchâk chun a dawnhu ah, a kiang in, “Keima hi Pathian ma ah ding sek Gabriel chu ka hi; la kiang ah, zia chanchin kipak um tak hi hung gen ding ah sawl ka hi.

LUKA 2:4

Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.

NASEPTE 5:19

Himaleh, jan kâl in Lalpa vansawlchâk chun suangkul kotkhak chu a hung hon piak ah, a puidok ah, a kiang un,

THUPUAN 19:7

Lim leh kipak tak in ama chu chawihoi hitiu. Belamno mo nei hun a tung ta’n, a mo dingle a kisa zo tai,

VAIHAWMTE 13:3

Chun, Lalpa vansawlchâk khat, numei kiang ah hung in, a kiang in, “La chîn ziak ah cha khat le nei lo himaleh chin, gâi in la tin, chapa hun nei ding la hi.