MATTHAI 1:12 - PATHIAN LEKHABU THIANGTHO (BSI)

¹² Babulon lam ah sal ah a pui nung un Jekoniah in Salathiel a hing a; Salathiel chu Zerubbabel pa ahi’n;

MATTHAI 1:12 ပူးပေါင်းရင်းမြစ်များ

2 LENGTE 24:14

Tichun, Jerusalem ah mi zosiate, lal chi zosiate, mihat minthang zosiate, mi themthiam leh thiksêkte haw tawh, a gam ah migenthei pen pente tilo sia, kuama hawi lo in, mi sîng khat chu sal in a pui mang tai.

2 LENGTE 25:27

Chuleh, Judai gam ah Lengpa Jehoiakim sal ah a kimat nung, kum sawmthum leh sagi a hung tin kum, a tha sawm leh ni’na, ni sawmni leh sagi a hung tin ni chun, Babulon Lengpa Merodakh migilo chun ama leng a hung hi kum ah chun, Judai dam ah Lengpa Jehoiakim chu a suangkul ngakna kipat chun a hun thâdok tai.

1 KHANGTHU 3:17

chuleh, sal ah tâng Jekoniah chapate chu: a chapa Shealtiel,

EZRA 3:2

Jozadok chapa Jeshua tawh, a thiampu chanpite Shealtiel chapa Zerubbabel tawh a chanaute chu, Pathian mi Mosi dan dungzui ah Israelte Pathian kiang ah hâlmang thil latna ding mâichâm siam ding in a hung kipan tau a.

EZRA 5:2

Tichun, Shealteal chapa Zerubbabel tawh Jozadok chapa Jeshua in Jerusalem khua Pathian In a hun sa pan kit tau ah; amau chu Pathian mite chun hung umpi in a panpiu a.

NEHEMIAH 12:1

Ziate hi Shealtiel chapa Zerubbabel tawh Jeshua hun zui, thiampute leh Levite chu a hiu ah: Seraiah, Jeremiah, Ezra,

JEREMIAH 22:24

Judai gam ah Jehoiakim chapa Koniah chu leng hi hen la, ka khut changlam ah ka min namna khutsebi hi hial ziang maleh, zia kipat chunle hun botdok tho tho ding ka hi, ti’n Lalpa‘n a hinna sâl in a kihaksial tai;

JEREMIAH 22:28

Zia hi bêl sesa, kuama’n bangma a ngai lo leh, kuama’n a dawi tâk lo uh, Koniah kha hilo ahi em? Bang ding ah ama leh a suan leh pâkte chu, a het ngai lo nau gam ah, nawdaw ah um ziang a hitau em?

JEREMIAH 22:30

Lalpa‘n zia gual hin a gen hi: Zia pa hi cha bei leh a damsung ah lawting ngai lo; a suante kuama lawting ah, David lalchutpha kitung ah, Judai gam ah vaihawm ding, um kit ngai talo ding ahi, ti’n zik lut in, a tii.

JEREMIAH 27:20

Babulon Lengpa Nebukadnezar in Judai gam ah Lengpa Jehoiakim chapa Jekoniah tawh, Judai gam leh Jerusalem khua milian leh lalte Babulon sal ah a pui mang lai ah, a puimangte chungchâng thu zia gual hin a la gen a:

HAGGAI 1:1

Lengpa Darius a lal kum ni’na, tha gukna, ni masa pen ah chun; jawlnei Haggai mang in Shealtiel chapa, Judai gam awppa Zerubbabel leh Jehozadak chapa Joshua thiampu lianpen kiang in, Lalpa‘n thu a hun gen a:

HAGGAI 1:12

Ziaphatchun, Shealtiel chapa Zerubbabel, Jehozadak chapa thiampu lianpen Joshua tawh nutsia ah um sunte chu tawh, a Pathian awu leh Lalpa a Pathian un a sawl gual in, jawlnei Haggai thu chu a zawm tau a; tichun, mipite chun Lalpa chu a lau tau hi.

HAGGAI 1:14

Chuleh, Lalpa chun Shealtiel chapa, Judai gam awppa Zerubbabel lungthim leh, Jehozadak chapa thiampu lianpen Joshua lungthim leh, mipi a um nalaite lungthim chu a chok tho ta’n; chutichun, a hung ua, sepai honte Lalpa a Pathian In uh chu a sa pan tau a;

HAGGAI 2:2

Shealtiel chapa Judai gam awppa Zerubbabel leh Jehozadok chapa, thiampu lianpen Joshua leh, mipi nutsia ah um nalai sunte kiang ah chun zia gual hin vagen in:

HAGGAI 2:23

Zia ni chuleh, sepai honte LALPA‘n: Aw Zerubbabel ka suakpa, Shealtiel chapa, hun panpi ing ka, sepai honte LALPA‘n a tii; khutsebi min namna gual in hun siam ing ka; nang ka hun têl ta ngal ah, sepai honte LALPA chun a tii.

MATTHAI 1:11

Babulon lam ah sal ah a pui lai ua khan Josia in Jekoniah leh a unaute a hing hi.

MATTHAI 1:13

Zerubbabel chu Abiud pa ahi’n; Abiud chu Eliakim pa ahi’n; Eliakim chu Azor pa ahi’n;

MATTHAI 1:17

Chutichun, Abraham ah kipat David tiang ah suan zosia chu suan sawm leh li ahi’n; David ah kipat Babulon lam ah sal ah pui mang ah a um tiang ua khan, suan sawm leh li ma ahi kit a; Babulon lam ah sal ah a pui mang ua kipat Messiah tiang chu suan sawm leh li ma ahi.

LUKA 3:27

ama chu Joanan chapa ahi’n, ama chu Rhesa chapa ahi’n, ama chu Zerubbabel chapa ahi’n, ama chu Shealtiel chapa ahi’n, ama chu Neri chapa ahi’n;