MARKA 3:5 - PATHIAN LEKHABU THIANGTHO (BSI)

⁵ Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

MARKA 3:5 ပူးပေါင်းရင်းမြစ်များ

THILSIAM THU 6:6

Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.

1 LENGTE 13:6

Lengpa chun Pathian mi kiang ah chun, “Tu’hin, Lalpa la Pathian doisakna don inla, ka khut hi a pangai hisak kit dingin ei pauchap piak in,” ti’n a don a. Tichun, Pathian mi chun Lalpa kiang in a pauchap ah; tichun, lengpa khut chu a damkit ta’n, a ma’ gual kha a hung hi’kit tai.

NEHEMIAH 13:8

Zia thil chun ei sulungna ma ma ziang ah; tichun, pindan sung ah kipat chun Tobiah In sung van zosia chu ka paidok sik sek tai.

SAM 95:10

Zia khangte chung ah khan, kum sawmli hial ka lung a dam pua’n, “Zia mite hin ei kilepsan un, ka lampite a ngaisak puau hi,” ka la ti ta ahi.

MATTHAI 12:13

Zia a gen zaw phat ah chun, zia pa kiang ah chun, “La khut chu hun jakin,” a tia. Tichun, a tundaw leh a langkhat gual in a dam thiang tai.

MARKA 3:4

Chuleh, amau haw kiang ah chun, “Aleh, sabbath ni’ hin sukphat a thiang em, suksiat? Hukhin a thiang em thalup?” a tia. Himaleh amau chu a thip chil chel ua.

LUKA 13:15

Lalpa chun, “Nang miphalêm, la lak ua hin kuale sabbath ni, bawng a hem, sabiltung a hem a bûk ah um chu vatham ah tui vadawnsak lo ding la um ua a hem?

LUKA 17:14

Amau chu a vak mu phât in, “Chiau inla, thiampute vaki-etsak un,” a hun tia. A chia zing lai un a hung thiangtho tau a.

LUKA 6:10

Zia a gen zaw chun a kiang ah umte chu a en a, khut zengpa kiang ah chun, “La khut hun jak in,” a tia. Ama’nle a hun jakdok ah, a khut langkhat gual gual in a hung dam tai.

JOHAN 9:7

a kiang in, “Chia’nla, Siloam dil ah la mai vaphiat in,” a tia. (Siloam chu, ‘Sawl’ ti’na ahi.) Tichun, a chia a mai a vaphiat leh khawmuthei in a hung kit tai.

ROMTE 11:25

Suapite haw, zia thugûk hi helo ah la um ding uh ka dawi puai, dan leh nangmau ngaidan mai in kipilsak kha tawl in lau; Jentelte bukimna a hung tun masia mu theilo dingin, zia tawhbang mitthûmna chu Israel lak ah khenkhatte chung ah le a um hi.

2 KORINTH 3:14

Himaleh, a lungthimteu chu a suktâk ua. Tu’ni tiang hin thuthung lui a sim phat ua leh mai khû’na chu a hawk ngai puau in, zia mai khû’na chu Khrista bep ah sukbei ahi.

EPHESA 4:18

Amau chu a hetnau sukthim piak a hiu ah, a lungthim mawl leh tâk ziak un, Pathian ah hinna chu chang talo a hiu hi.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

EPHESA 4:30

Ahi’n, Pathian Thagau Thiangtho chu hi’lungngai kiu in; tatna ni ding ah chun ama ah chun tepte la hi tangal un.

HEBRAITE 3:10

ziaziakchun, zia mite chung ah khan ka lung a dam pua’n, ziaziakchun, ‘A lungthim uh a chiakhial zing ah, ka lampi le a hepuau hi,’ ka la ti ahi,” ti in.

HEBRAITE 3:17

Kuate chung ah a hem kum sawmli lungdamlo ah a um kha? A lak ua gilote gamthip ah a luang uh lumte kha hilo a hiu em?

HEBRAITE 5:9

Chutichun, sukbukim ah um in, a thu awi tapote â dingin kumtuang hukdamna siampa,

THUPUAN 6:16

Mual leh tâng leh suangpite kiang ah chun, “Lalchutpha kichupa mit mu leh Belamno lungnatna kipat chun ei sêl unla, ei deldên ta un:

VAIHAWMTE 10:16

Tichun, a lak ua pathian dangte chu paidok in, Lalpa chu a ho tau a; chuleh, ama’nle Israelte genthei tak ah um chu a en zo diak ta puai.

1 SAMUEL 20:34

Jonathan chun David a lungsiat ziak ah a pan a sukmualpho ziakin, a lung a na ma ma ah; zia tha a ni ni ni’ chun an ne lo in a pawtdok tai.