MARKA 13:8 - PATHIAN LEKHABU THIANGTHO (BSI)

⁸ Nam chuam leh nam chuam kido intiu in; gam chuam leh gam chuam kido intiu in; mun chuam chuam in lîn kilîng intin; kial hung tung in a. Zia chu nauvei kipatna ahi,” a tia.

MARKA 13:8 ပူးပေါင်းရင်းမြစ်များ

2 KHANGTHU 15:6

Pathian in buaina tincheng ah a sukbuai tâk ziakin, nam khat in nam dang khat do in, khawpi khat in khawpi dang khat kidotua in, siatna huaisia tawp a tuak tau ahi.

SAM 48:6

a kithing gawp tau a, numei nauvei gual ah natna’n a man tai;

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

ISAI 29:6

nangma chu vang sepai honte Lalpa‘n van-gi tawh, linlîng tawh, husa nasa tak tawh, chîmpei tawh, thigawpi tawh, meipi kuang tawh kithua in, hung kantha ta’n a.

ISAI 37:3

Isai kiang in zia gual hin a vagen tau a: “Hezekiah in zia gual hin a gen hi: Tu’ni hi lungkhamna, vauna leh simmaw ah umna ni ahi; chate hung piandaw hun chu a hita’n; ahi’n la, a piansakna dingin tha leh zung a um ta puai.

JEREMIAH 13:21

La kithuapi ding ah la zil thiamsak te, la chung ah thunei ah a hung pan phat ua leh, bang la gen ta diam? Numei nauvei gual ah nat in, hun tuam suak talo ding a hem?

JEREMIAH 22:23

Aw, Lebanon tâng sidar thing lak ah bû sia ah chêngpa, la chung ah natna a hung tun ah, numei nauvei natna gual, la chung ah a hung tun phat leh, bang gual ah thûm in la tâu ta diam!

JEREMIAH 25:32

Sepai honte Lalpa‘n zia gual hin a gen a: En un, siatna chu namtin chung ah, a ban ban in hung tung ding ahi; thigawpi hat tak leimun gamla pen ah kipat in, a hung hâng hi!

JEREMIAH 4:31

Numei naunei gual ah gim aw ka hia’n, a chatil nei ding gual ah thuakgim aw gi gual ah, Zion chanu halâ tak ah a khut van ah kiko chun, “Ka chung a gik na lawm lawm e! Ei that dingte âng ah chun ka basam tai,” ti aw chu ka he ta ahi.

JEREMIAH 49:24

Damaska chu a jawngkhâl ta’n, taisiat a gaw ta’n, numei nauvei gual in, dipchâkna’n a man tai; patau leh lungngaina’n a dim tai.

JEREMIAH 50:43

A chanchin uh Babulon lengpa’n a la het phat in, a khutte chu a zawitha tai; numei naunei ding natna’na hun tut gual in a hun tut tai.

JEREMIAH 6:24

A chanchin uh chu ka la he tau a, ka khutteu chu a chau tha zo tau hi; numei naunei ding nat thuak gual in, lung gimna’n ka dim ui.

HAGGAI 2:22

lenggamte lalchutpha paitha’ng ka; namte lenggam hatna susia’ng ka tin, sakol kângtalai leh a chung ah chuangte le paitha’ng ka; sakolte leh a chung ah chuangte chu kipûk in, mi tin chu a lawipa chemjam ah chun kipûk in au.

ZEKARIAH 14:13

Ziaphat chuleh, Lalpa kiang ah kipat in buaina huaisia tak a lak un hung um intin, mitin in ama nai pen pen chu man intin, kimuda tua chiat intiu in,

MATTHAI 24:8

zia zosia chu nauvei kipatna ahi.

MARKA 13:7

Kido thu leh kido thuthangte la het tak ua leh lungkham kiu in; zia chu a hung tung ding him ahi; ahi’n, a tawpna chu hinai tadi pua’n a.

MARKA 13:9

Himaleh, nanghaw vang chingthei tak in um un; vaihawmte hun mat sak intiu in, sunagog ah hun vua’n tin uh; keima ziakin vaihawmte leh lengte ma ah, amau hiatsakna dingin pui in um in lau.

NASEPTE 11:28

a lak ua pakhat Agaba kiti chu a hung dingdok a, Thagau hiatsak in khawvel pumpi kial nasa tak hung tung ding ahi ti thu a genlawk a; zia chu Klaudia Kaisar hun lai in a tung tai.

1 THESSALONITE 5:3

“Muanna leh bitna a um hi,” a ti lai tak un, numei nauvei gual in thakhat in manthaina a chung un hung tung intin, zia kipat chun suakcha pua’n au.

THUPUAN 6:4

Sakol chuam dang khat a hung pawt ah, zia chu a san a hia; a chung ah chuangpa kiang ah chun, lei ah kipat kichamna lakdawna ding leh mi kithatuasak theina ding ah thilhitheina piak ahia; chuleh chemjam lian tak khat le a hun piau a.